12/07/2024
सम्पूर्ण कर्मचारी साथीहरू, व्यवस्थापन, सञ्चालक मण्डल, नियामक निकाय र ग्राहकवर्ग,
आज नबिल बैंकले आफ्नो स्थापनाको ४० औं वर्ष पूरा गरेको यस सुखद अवसरमा तपाई सबैलाई हार्दिक शुभकामना तथा बधाई दिन चाहन्छौं!
चार दशकको यो यात्रामा नबिल बैंकले अनेकौं चुनौतीहरू पार गर्दै उल्लेखनीय प्रगति हासिल गरेको छ। यस यात्रा सफल बनाउन प्रत्यक्ष वा अप्रत्यक्ष रूपमा साथ, सहयोग, र परिश्रम गर्नुहुने सम्पूर्ण सरोकारवालाहरूको अतुलनीय योगदानलाई हामी हृदयदेखि स्मरण गर्दै हार्दिक धन्यवाद व्यक्त गर्न चाहन्छौं। तपाईहरूको अथक प्रयास, निष्ठा, र समर्पणले नै आज बैंकलाई यो सम्मानजनक स्थानमा पुर्याएको छ।
#कर्मचारी साथीहरू:-
तपाईंहरूको अथक मेहनत, लगनशीलता, र निष्ठा बिना आजको यो सफलता सम्भव थिएन। अहोरात्र खटिएर काम गर्दै आएको तपाईंहरूको त्याग, तपस्या, र समर्पणलाई मध्यनजर राख्दै, तपाईंहरूको हक र हितका लागि हातेमालो गर्दै अगाडि बढ्न सकेमा संस्थाले सगरमाथाको उचाइमा पुग्ने कुरामा कुनै द्विविधा छैन भन्ने कुरामा हामी पूर्ण विश्वास व्यक्त गर्न चाहन्छौं।
#व्यवस्थापन र सञ्चालक मण्डलका सदस्यहरू:-
तपाईंहरूको नेतृत्व र दूरदर्शिताले नबिल बैंकलाई स्थिरता, विश्वसनीयता, र उत्कृष्टतामा पुर्याएको छ। तपाईंहरूको सुसंस्कृत निर्णयहरू र कुशल व्यवस्थापनले नै बैंकलाई अग्रणी स्थानमा राख्न महत्वपूर्ण भूमिका खेलेको छ। तपाईंहरूको समर्थन र मार्गदर्शन बिना यो सम्भव हुने थिएन।
#नियामक निकायहरू:-
तपाईंहरूको मार्गदर्शन र नियमहरूको पालनाले हामीलाई सधैं सही दिशा निर्देश गरेको छ। तपाईंहरूको सहयोग र समर्थनले नै हामीलाई जिम्मेवार र पारदर्शी वित्तीय सेवा प्रदान गर्न सक्षम बनाएको छ।
#प्रिय ग्राहकवर्ग:-
तपाईंहरूको विश्वास र समर्थन नै हाम्रो प्रेरणाको स्रोत हो। तपाईंहरूको सन्तुष्टि नै हाम्रो सफलता हो। तपाईंहरूको निरन्तर समर्थनले नै हामीलाई उत्कृष्ट सेवा प्रदान गर्न उत्साहित गरेको छ र भविष्यमा पनि यही विश्वास र सहयोग कायम रहिरहने आशा व्यक्त गर्दछौं।
हामी सबै मिलेर एकता र सहयोगको भावनामा अडिग रहँदै, नबिल बैंकलाई अझै उचाइमा पुर्याउन तत्पर छौं। तपाईंहरूको सहयोग, विश्वास, र समर्पणले नै हामीलाई प्रेरणा दिन्छ र भविष्यका चुनौतीहरू सामना गर्न शक्ति प्रदान गर्दछ।
नबिल बैंक लि. को ४०औं बार्षिकोत्सवको हार्दिक शुभकामना ||
धन्यवाद।
