05/02/2026
क्षमता विकास कार्यक्रम अन्तर्गत अपाङ्गता भएका व्यक्तिहरूका लागि ५ दिने स्क्रिन प्रिन्ट तालिम हालै सफलतापूर्वक सम्पन्न भएको छ।
यस तालिमको मुख्य उद्देश्य अपाङ्गता भएका व्यक्तिहरूलाई व्यवहारिक र रोजगारीमूलक सीप प्रदान गरी उनीहरूलाई आत्मनिर्भर बनाउनु थियो। तालिमको अवधिभर सहभागीहरूले स्क्रिन प्रिन्ट सम्बन्धी आधारभूत ज्ञानदेखि लिएर व्यवहारिक अभ्याससम्म सिक्ने अवसर पाए। यसले उनीहरूको सीप मात्र होइन, आत्मविश्वास, सिर्जनशीलता र आफ्नै खुट्टामा उभिन सक्ने भावना समेत विकास गर्यो।
तालिममा सहभागीहरू अत्यन्त उत्साही र सक्रिय देखिनु भयो। नयाँ कुरा सिक्ने, अभ्यास गर्ने र भविष्यमा यस सीपलाई आयआर्जनको माध्यम बनाउने दृढ इच्छा सहभागीहरूको अनुहारमा स्पष्ट देखिन्थ्यो। यसले अपाङ्गता कुनै कमजोरी होइन, अवसर पाए क्षमता देखाउन सकिन्छ भन्ने सन्देश समाजमा फैलाएको छ।
यस महत्वपूर्ण तालिम कार्यक्रम सफल बनाउन आर्थिक सहयोग प्रदान गर्नु हुने बागमती प्रदेश सरकार, सामाजिक विकास मन्त्रालय, सामाजिक विकास कार्यालय ललितपुर, साथै प्रशिक्षक, स्वयंसेवक र सम्पूर्ण सहयोगी हातहरूको योगदान प्रशंसनीय छ।
आगामी दिनमा पनि यस्ता सीपमूलक तालिममार्फत अपाङ्गता भएका व्यक्तिहरूलाई सशक्त, आत्मनिर्भर र सम्मानित जीवनतर्फ अघि बढाउने हाम्रो प्रतिबद्धता रहनेछ।
सीप विकास नै सशक्तिकरणको आधार हो।
