Shree Digukhyo Guthi

20/04/2026

झीगु दिगुख्यः लाउन्ज (Digukhya Lounge) छुँ दिं न्ह्यः जक उलेज्या जूगु खः । थ्व न्हूगु लाउन्ज आः झीगु गुथियारपिनिगु थीथी मुँज्या व ज्याझ्वःया निंतिं छ्यलाबुलाय् वयेधुंकूगु दु धकाः जानकारी बियाच्वना ।
झीगु गुथिया ज्या न्ह्याकेत थथे सक्रिय सहभागिता क्यनादीगुलिं सकल गुथियारपिन्त सुभाय् देछानाच्वना । थ्व लाउन्जय् बियाच्वनागु सेवा व सुविधालिसें थुकियात अझ बांलाकेत छिगु अमूल्य सुझावया अपेक्षा यानाच्वना ।
“सत्प्रयास व छप्पँ जुयाः गुथियात न्ह्याके नु।”

20/04/2026

डा. नालीं ल्वगितय् गु जाँच यानाच्वन । गुथि क्लिनिक थौं निसें सोमबार बहनी ४-५ बजे व शुक्रबार सुथय् १०-११ बजे तक न्ह्याःगु दु ।
Dr Nali checking patients. Guthi Clinic has started from today MONDAY 4-5PM IN EVENING AND FRI 10-11AM IN MORNING

18/04/2026

भविष्यया लँपु: श्री दिगुख्यः गुथिया ग्वसालय् एआई (AI) तालिम 🌟
परम्परा व प्रविधिया छगू अजूचायापुगु संगम! 🚀
असन्तवाः व भवाःबहाःया ऐतिहासिक पहिचान दुगु श्री दिगुख्यः गुथिया ग्वसालय् झीसं अझ न्हूगु प्रविधिनाप स्वायेत एआई (AI) तालिम बांलाक सम्पन्न जुगुदु। झीगु संस्कृति व संस्कारयात म्वाकातयेत न्हूगु प्रविधिया नं यक्व महत्व दु धइगु खँयात थुइकाः थ्व ज्याझ्वः ग्वसाः ग्वयागु खः।
झीगु गुथिया सत्प्रयास पाखें न्ह्याःगु थ्व तालिमय् ३० म्ह दुजःपिनिगु सक्रिय सहभागिता दुगु खः।
थ्व ऐतिहासिक ज्याझ्वलय् ब्वति काःसाः तालिमयात सफल यानादीपिं सकल गुथियारपिन्त सुभाय् देछानाच्वना। झीसं थःगु पहिचानयात म्वाकातसें डिजिटल युगय् नं न्ह्यचिलेगु संकल्प यानागु दु।
“सत्प्रयास व छप्पँ जुयाः गुथियात न्ह्याके नु।”

17/04/2026

15/04/2026

Our biggest wealth is our health. Please forward to everyone who can benefit from this Health Clinic

12/04/2026

झीगु दँमुँज्या व हना व सिरपाः ज्याझ्वःया दक्वं किपा थन स्वयादी फै :

Shared album · Tap to view!

24/03/2026

श्री दिगुख्यः गुथि – दँमुंज्याया तःधंगु तयारी!

श्री दिगुख्यः गुथिया ज्यासना पुचः व मिसा पुचःया सकल दुजःपिं दथुइ ने.सं. ११४६ चौलाथ्व तृतिया (२०८२ चैत्र ७ गते) शनिबा: कुन्हु छगु तःधंगु मंका मुंज्या सम्पन्न जूगु दु।

थुगु मुंज्याय् गुथिया थुउसिया दँमुंज्या (Annual General Meeting) व्यवस्थित रुपं यायेगु नितिं माःगु तयारी, ज्याझ्वःया योजना व विविध विषयस गहन सहलह जुल। नापं, दँमुंज्यायात सफल यायेत थिथि ज्याया भाला कायेगु व बिगु ज्या नं सुथां लाक्क जूगु दु।

गुथिया सकल दुजःपिनिगु सक्रिय सहभागितां थुगु दँमुंज्या तःजिक सफल जुइगु विश्वास काःगु दु।

23/03/2026

झिगु गुथि छें, झिगु थःगु थाय: 'लाउञ्ज' (Lounge) या न्हापांगु अवलोकन
झिगु गुथिया गुथियारपिं सकलें छथासं मुनाः पासाभाई व थःथिति नाप बांलाक ई ब्यतित याये फयेमा धकाः झिगु गुथि छेंय् छगू न्हूगु 'लाउञ्ज' (Lounge) तयार यानागु दु।
वइगु दिंय् सकल गुथियारपिन्सं थन वयाः आराम याये दइसा, थःगु संस्कृति व सम्बन्धयात अझ बल्लाके फइ। थौं थ्व लाउञ्जया 'प्रिभ्यु' (Preview) या निंतिं छुं गुथियारपिन्त कयाः अवलोकन यानागु दु। थ्व लाउञ्ज निर्माण जुइधुंकाः झिगु गुथि छें छगू आधुनिक व पारम्परिक मिलन केन्द्र जुइगु झिगु विश्वास दु।
झी सकलें गुथियारपिन्त थन लसकुस यायेत झी आतुर जुयाच्वनागु दु!

23/03/2026

संस्कार व सेवाया भावना: दिगुख्यः गुथिया दँ मुँज्याया तयारी
झिगु गुथिया दँपतिकं जुइगु तःधंगु ज्याझ्वः ग्वसाः ग्वयेगु धइगु न्ह्यब्वया ज्या खः। थ्व ज्याझ्वःयात बांलाक सम्पन्न यायेगु निंतिं झिगु कवःया दाजुकिजा व पासापिन्सं कयादीगु भ्वेय्‌ पालाया जिम्मेवारी तःधंगु खः।
वइगु चैत २८, २०८२ खुनु जुइगु दँ मुँज्याया पुजा, भ्वेय्‌ व मेमेगु व्यवस्थापनयात बांलाक न्ह्याकेगु निंतिं आजु कवःया दुजःपिं नाप छगू विशेष 'ब्रिफिङ' (Briefing) ज्याझ्वः सम्पन्न जुल।
झिगु संस्कृति व परम्परायात न्ह्यःने यंकेत सकलें थः-थःगु थासं जिम्मेवारी कयाः खटैजुयाच्वंगु खनाः तसकं लसता ताःगु दु। नसा-त्वँसा निसें व्यवस्थापनया ज्याय् कवःया दुजःपिन्सं क्यनादीगु थ्व सक्रियता हे झिगु गुथिया शक्ति खः।
यक्वं सुभाय् सकल कवःया दुजःपिन्त! झी वइगु साधारण सभाया निंतिं पूवंक तयार जुयागु दु।

18/03/2026

झीगु गुथि छें धइगु 'दिगुद्यः' या थाय् जक मखु, थ्व झी सकल तुलाधरतय्गु मंकाः छेँ नं खः । थ्व हे भावनायात आत्मसात यासें, गुथि छेंया न्हापांगु तलाय् (First Floor) छगू न्हूगु व आधुनिक 'लौन्ज' (Lounge) दयेकेगु ज्या न्ह्यानाच्वंगु दु ।
थ्व थाय् झीगु निंतिं च्वनेगु, खँ ल्हायेगु, गुथिया विकासया निंतिं योजना दयेकेगु व पासापिंलिसेया स्वापू (Bonding) अझ बल्लाकेगु छगू महत्वपूर्ण थाय् जुइ ।
आःतक जूगु ज्याखँत: ✅ प्लास्टर व रङ्ग (Plaster & Painting) ✅ वातानुकूलन (Air Conditioning - AC) ✅ पार्केटिङ (Parquet Flooring) ✅ न्हूगु झ्याःया न्ह्याकँ व भेनेसियन ब्लाइन्ड्स (Windows & Blinds)
आः थ्व थाय्या शोभा अप्वयेकेत व छिकपिनेगु ब्वति बांलाकेत बांलाःगु फर्निचर (Furniture) तयेगु ज्या ल्यं दनि । याकनं हे थ्व थाय् छिकपिनेगु निंतिं खुल्ला जुइ ।
झीगु गुथि, झीगु गौरव !
सुभाय् । श्री दिगुख्यः गुथि