12/06/2026
भावपूर्ण श्रद्धाञ्जली
सोलुदुधकुण्ड नगरपालिका–४, फाप्लु/बागबानी निवासी तथा चिवाङ चिछोगका आजीवन सदस्य कर्मा लामाको पूजनीय बुवा फिना लामाको ९६ वर्षको उमेरमा भएको दुःखद निधनको खबरले हामी सम्पूर्ण चिवाङ चिछोग परिवार अत्यन्त मर्माहत भएका छौं।
यस दुःखद घडीमा दिवंगत आत्माको चिरशान्तिको कामना गर्दै शोकसन्तप्त परिवारजनप्रति चिवाङ चिछोग परिवारका तर्फबाट हार्दिक श्रद्धाञ्जली तथा गहिरो समवेदना व्यक्त गर्दछौं।
उहाँको पार्थिव शरीर हाल निजी निवास फाप्लु/बागबानीमा धार्मिक परम्पराअनुसार राखिएको जानकारी गराइन्छ। साथै, अन्तिम संस्कार (शवयात्रा) वि.सं. २०८३ साल असार १ गते, सोमबार (१५ जुन २०२६) बिहान निजी निवास फाप्लु/बागबानीबाट प्रस्थान हुने जानकारी गराइन्छ।
चिवाङ चिछोगका गाउँमा बसोबास गर्नुहुने सम्पूर्ण सदस्यहरू, गाउँले दाजुभाइ तथा दिदीबहिनीहरू, आफन्तजन एवं शुभचिन्तक महानुभावहरूमा उक्त अन्तिम संस्कार (शवयात्रा) मा उपस्थित भई दिवंगत आत्माप्रति अन्तिम श्रद्धाञ्जली अर्पण गरिदिनुहुन हार्दिक अनुरोध गर्दछौं।
ॐ मणि पद्मे हुँ ह्रीः (१०८)
चिवाङ चिछोग परिवार
