14/09/2026
"सेवा नै धर्म हो" पशुपतिनाथ परिसरमा निःशुल्क खानेपानी वितरण कार्य सु-सम्पन्न !
मिति २०८३ साल भाद्र २९ गते सोमबार सशस्त्र प्रहरी परिवार महिला संघको आयोजनामा आराध्यदेव श्री पशुपतिनाथ मन्दिर परिसरमा पाल्नुभएका श्रद्धालु भक्तजनहरूकाे सुविधालाई मध्यनजर गरी आयोजना गरिएको निःशुल्क खानेपानी वितरण कार्यक्रम भव्य एवं सफलतापूर्वक सम्पन्न भएको छ ।
पशुपतिनाथको दर्शनार्थ आउनुहुने अपार जनसागरको धार्मिक आस्थालाई उच्च सम्मान गर्दै, उहाँहरूलाई थप सहज र सुखद बनाउन संघले स्वच्छ खानेपानी वितरण गरी यो सानो सेवाको प्रयास गरेको हो । भक्तजनहरूको मुहारमा देखिएको सन्तुष्टि र उहाँहरूबाट प्राप्त आशिर्वाद नै हाम्रो प्रयासको सबैभन्दा ठूलो सफलता हो ।
कार्यक्रम सञ्चालनका लागि सहज एवं उपयुक्त स्थान उपलब्ध गराई अमूल्य सहयोग पुर्याउनु भएकोमा पशुपति क्षेत्र विकास कोष प्रति हार्दिक आभार व्यक्त गर्दछौँ ।
पानी व्यवस्थापन, सुरक्षा, जनशक्ति परिचालन र प्राविधिक सहयोगमा अहोरात्र खटिनुहुने सशस्त्र प्रहरी बल, नेपाल नम्बर ९ पशुपतिनाथ बाहिनी मुख्यालयका बाहिनीपति, हुल तथा दङ्गा व्यवस्थापन रेजिमेन्टका प्रमुख, नम्बर २० गण (विपद उद्धार) का गणपति लगायत सम्पूर्ण सकल दर्जाका सुरक्षाकर्मीहरू प्रति विशेष धन्यवाद ।
कार्यक्रमलाई अनुशासित र व्यवस्थित रूपमा सम्पन्न गराउन सक्रिय योगदान दिनुहुने संघका आदरणीय पदाधिकारीज्यूहरू तथा सदस्यज्यूहरू ।
यस सामाजिक कार्यमा प्रत्यक्ष तथा अप्रत्यक्ष रूपमा सहयोग, हौसला र सद्भाव प्रदान गर्नुहुने सम्पूर्ण शुभचिन्तकहरूप्रति हार्दिक कृतज्ञता व्यक्त गर्दछौँ ।
सशस्त्र प्रहरी परिवार महिला संघ सधैँ राष्ट्र, समाज र मानवीय सेवाका कार्यहरूमा निरन्तर समर्पित रहनेछ ।
हर हर महादेव ! 🇳🇵🙏
