Yoga- Dhayan Aarogya Sanjal Nepal

21/04/2026

प्रथम अन्तर्राष्ट्रिय आरोग्य दिवस - २०२६ : विशेष भर्चुअल संवाद
आज साँझ ६:३० बजे
("आरोग्यमय जीवनशैली,समृद्ध राष्ट्रको आधार")

सम्पूर्ण स्वास्थ्यप्रेमी तथा आरोग्य अनुरागी महानुभावहरूमा हार्दिक निमन्त्रणा

प्रथम अन्तर्राष्ट्रिय आरोग्य दिवस (अप्रिल १५, २०२६) को सु-अवसरमा योग ध्यान आरोग्य सञ्जाल नेपालद्वारा एक विशेष भर्चुअल कार्यक्रम आयोजना गरिँदैछ।

यस कार्यक्रममा आरोग्यदायी जीवनशैलीका विविध आयामहरू र यसको महत्वबारे राष्ट्रिय तथा अन्तर्राष्ट्रिय व्यक्तित्वहरूसँग घनिभूत चिन्तन-मनन् गरिनेछ ।

हाम्रो निमन्त्रणालाई स्वीकार गर्दै संस्कृति, पर्यटन तथा नागरिक उड्डयन मन्त्री माननीय खड्ग राज पौडेलज्यूले प्रमुख अतिथिको रूपमा कार्यक्रमको शोभा बढाइदिनुहुनेछ।

कार्यक्रममा संयुक्त राष्ट्र संघ (UN) को प्रतिनिधि, नेपाल सरकारका पूर्व मन्त्रीज्यूहरू,प्रदेश सरकारका सरोकारवाला मन्त्रीज्यूहरू, योग, ध्यान र आरोग्य विधाका विशेष व्यक्तिहरुको उपस्थिति हुने अपेक्षा राखेका छौ ! व्यस्त दैनिकीका बीच आरोग्यपूर्ण जीवन जिउने सूत्रहरूका बारेमा जानकारी आदानप्रदान गर्ने ध्येयका साथ तय गरिएको यस कार्यक्रममा तपाईँको सक्रिय सहभागिता रहने आयोजकको विस्वास रहेको छ ! यसले अभियानलाई थप ऊर्जा प्रदान गर्नेछ।

कृपया तल दिइएको विवरण अनुसार जुम (Zoom) मार्फत जोडिनुहुन हार्दिक अनुरोध गर्दछौँ ।

मिति : २०८३ वैशाख ०८ गते, मंगलबार (२१ अप्रिल, २०२६)
समय : साँझ ठीक ६:३० बजे देखि
Zoom ID : 81342329433
Passcode : 602225

जुम लिन्क :
Join Zoom Meeting
https://us06web.zoom.us/j/81342329433?pwd=lFPhiKDIKmRaSDSkJhKIAJoYEU3aEi.1

Meeting ID: 813 4232 9433
Passcode: 602225

विशेष आग्रह : आरोग्यपूर्ण जीवन पद्धतिका बारेमा गहिरो बुझाइ राख्न र विज्ञहरूको अनुभवबाट लाभान्वित हुन यो सुवर्ण अवसर नगुमाउनुहोला। आफ्नो परिवार र मित्रहरूलाई पनि यसै लिङ्कमार्फत सहभागी गराउन सक्नुहुनेछ।

प्राविधिक सहयोगका लागि सम्पर्क:📞 ९८५१०१३७५८, ९८५११२८५५२

अनुरोधक
योग ध्यान आरोग्य सञ्जाल नेपाल
(स्वस्थ मन, स्वस्थ शरीर, स्वस्थ समाज)

19/04/2026

🌸स्वस्थ जीवनको नयाँ पाइला : 'आरोग्यदायी जीवनशैली' विशेष कार्यक्रममा यहाँलाई आत्मीय निमन्त्रणा🌸

नमस्कार,,
हाम्रो व्यस्त दैनिकीमा शारीरिक र मानसिक स्वास्थ्यलाई कसरी सन्तुलित राख्ने? कसरी साना-साना बानीमा परिवर्तन गरेर दीर्घायु र ऊर्जावान् बन्न सकिन्छ ?

योग ध्यान आरोग्य सञ्जाल नेपालद्वारा आयोजित अन्तर्राष्ट्रिय आरोग्य दिवसको विशेष अवसरमा हामी एउटा गहन र उपयोगी चिन्तन-मनन कार्यक्रम लिएर आएका छौं । स्वास्थ्यप्रति सचेत हरेक व्यक्तिका लागि यो कार्यक्रम एउटा महत्वपूर्ण अवसर हुनेछ ।

कार्यक्रमको विस्तृत विवरण
-----------------------------------
मुख्य विषय: आरोग्यदायी जीवनशैली (Healthy Lifestyle) - विषयक चिन्तन-मनन कार्यक्रम

मिति : २०८३ वैशाख ०८ गते, मंगलबार (April 15, 2026)

समय : साँझको ठीक ६:३० बजे
(जुम १५ मिनेट अगाडि खुला रहने छ)

माध्यम: जुम (Zoom) मार्फत अनलाइन

जुम आईडी (Zoom ID): 813 4232 9433
पासवर्ड (Password): 602225

🍁घरैमा बसेर प्रविधिको प्रयोग गरी यस ज्ञानवर्धक कार्यक्रममा जोडिन सक्नुहुनेछ🍁

👉️"स्वास्थ्य नै सबैभन्दा ठूलो धन हो"आउनुहोस्,हामी सबै मिलेर आरोग्यमय समाज निर्माणको लागि एक कदम अगाडि बढौं🌱

थप जानकारीको लागि सम्पर्क:
📞 ९८५१०१३७५८, ९८५११२८५५२

अनुरोधक
नबराज काफ्ले
(महासचिव)
योग ध्यान आरोग्य सञ्जाल नेपाल

19/03/2026

https://everestmission.com/2026/03/19/07/360403/

Read More

19/03/2026

19/03/2026

जनप्रतिनिधिहरुलाई योग ध्यान आरोग्यसँग जोडनुको सार्थकता

✍️नबराज काफ्ले,महासचिव,योग ध्यान आरोग्य सन्जाल नेपाल

राष्ट्रिय स्वतन्त्र पार्टी ले आफ्ना निर्वाचित जनप्रतिनिधिहरूलाई योग, ध्यान र आरोग्यसँग जोड्ने प्रयास नेपाली राजनीतिक अभ्यासमा नयाँ सोचको संकेत हो । परम्परागत रूपमा राजनीति शक्ति, रणनीति र प्रतिस्पर्धामा केन्द्रित रहँदै आएको छ; तर आधुनिक सन्दर्भमा नेतृत्वको गुणस्तर केवल बौद्धिक क्षमता वा जनसमर्थनले मात्र निर्धारण हुँदैन, त्यसमा मानसिक सन्तुलन, भावनात्मक परिपक्वता र शारीरिक स्वास्थ्य पनि उत्तिकै महत्त्वपूर्ण हुन्छ । यही सन्दर्भमा योग–ध्यानसँगको यो पहल सार्थक र दूरदर्शी देखिन्छ ।

पहिलो, जनप्रतिनिधिहरूको आरोग्यता र उनीहरूको निर्णय क्षमताबीच प्रत्यक्ष सम्बन्ध हुन्छ। राजनीतिक नेतृत्व निरन्तर दबाब, आलोचना र जटिल परिस्थितिहरूको सामना गरिरहेको हुन्छ। यस्तो अवस्थामा ध्यानले मानसिक शान्ति, धैर्यता र एकाग्रता विकास गर्छ, जसले गर्दा हतारमा गरिने निर्णय, आवेगजन्य प्रतिक्रिया र अनावश्यक विवाद कम हुन्छन्। योग अभ्यासले शारीरिक स्फूर्ति र रोग प्रतिरोधात्मक क्षमता बढाउँछ, जसले जनप्रतिनिधिलाई निरन्तर सक्रिय र उत्पादक बनाउँछ। यसरी स्वस्थ नेतृत्वले दीर्घकालीन र परिणाममुखी नीति निर्माणमा योगदान पुर्‍याउँछ।

दोस्रो, योग–ध्यानले नैतिकता र आत्मअनुशासनलाई सुदृढ बनाउँछ। राजनीतिक क्षेत्रमा प्रायः देखिने भ्रष्टाचार, स्वार्थकेन्द्रित सोच र सत्ता दुरुपयोगजस्ता विकृतिहरूको जडमा आत्मनियन्त्रणको कमी हुन्छ। ध्यानले आत्मचेतना बढाउँदै व्यक्तिलाई आफ्ना कर्तव्यप्रति सजग बनाउँछ। यसले जनप्रतिनिधिलाई सेवामुखी सोचतर्फ उन्मुख गराउँछ, जसले सुशासन र पारदर्शितामा टेवा पुर्‍याउँछ ।

तेस्रो, यस्तो पहलले जनतामा सकारात्मक सन्देश प्रवाह गर्छ। जब नेतृत्व स्वयं स्वस्थ जीवनशैली अपनाउँछ, त्यसले नागरिकहरूलाई पनि योग, ध्यान र स्वास्थ्यप्रति सचेत बनाउँछ। यसले दीर्घकालीन रूपमा समाजमा स्वास्थ्य सचेतना वृद्धि गर्दै समग्र जनशक्ति सुदृढ बनाउन मद्दत पुर्‍याउँछ।

अन्य राजनीतिक दलहरूले पनि यस अभ्यासलाई अनुशरण गर्नु आवश्यक देखिन्छ। पहिलो, यसले राजनीतिक संस्कृतिमा गुणात्मक सुधार ल्याउँछ। आरोप–प्रत्यारोप, तनाव र विभाजनभन्दा माथि उठेर संयम, सहिष्णुता र संवादको वातावरण निर्माण हुन्छ। दोस्रो, स्वस्थ र सन्तुलित नेतृत्वले नीतिगत स्थायित्व दिन्छ, जसले विकासका योजनाहरूलाई निरन्तरता प्रदान गर्छ। तेस्रो, दलहरूबीच सकारात्मक प्रतिस्पर्धा सिर्जना हुन्छ—जहाँ जनहित, सुशासन र नैतिकताको आधारमा प्रतिस्पर्धा हुन्छ, न कि केवल सत्ताका लागि।

अन्ततः, योग–ध्यानलाई राजनीतिक नेतृत्वसँग जोड्नु केवल व्यक्तिगत स्वास्थ्य सुधारको कार्यक्रम होइन, यो समग्र शासन प्रणालीलाई सुदृढ बनाउने रणनीतिक कदम हो। यदि सबै दलहरूले यसलाई साझा अभ्यासका रूपमा आत्मसात गरे भने, नेपालमा उत्तरदायी, संयमित र दूरदर्शी नेतृत्व विकास भई समृद्ध राष्ट्र निर्माणको आधार अझ बलियो बन्ने निश्चित छ ।

16/03/2026

योग ध्यान आरोग्य सन्जाल नेपालका उपाध्यक्ष,वेलनेस हस्पीटल प्रालिका चेयरम्यान डाक्टर जनक बस्नेतज्युलाई जन्मदिनको पावन अवसरमा सुस्वास्थ्य,दिर्घायु एवम उत्तरोत्तर प्रगतिको असिम शुभकामना व्यक्त गर्दछौ !

30/01/2026

योग ध्यान आरोग्य सन्जाल नेपालका महासचिव नबराज काफ्लेज्युलाई आज परेको जन्मदिनको विशेष अवसरमा उहाँको सुस्वास्थ्य,दिर्घायु एवम सामाजिक तथा यौगिक जीवन यात्रामा निरन्तर सफलता मिलिरहोस भन्ने शुभेच्छा सहित हार्दिक शुभकामना प्रकट गर्दछौ !