Inter-Generational Feminist Forum

08/05/2026

सिकाइ केन्द्र भयो हाम्रो लागि |
It turned into a place of learning for us.

07/05/2026

कोण सभा : दैलेख

अनुपम अभियान अन्तर्गत वि.सं. २०८३ साल बैशाख २२ गते दैलेख जिल्लाको गुराँस गाउँपालिका–३, पातिकाल्लामा महिला सशक्तीकरण मञ्च नेपालद्वारा आयोजित तथा टेवाको सहकार्यमा “कोण सभा” कार्यक्रम सफलतापूर्वक सम्पन्न भएको छ।

उक्त कार्यक्रममा करिब ६२ जना भन्दा बढी महिलाहरूको उत्साहजनक सहभागिता रहेको थियो। कार्यक्रममा महिलाहरूले आफ्ना विचार, अनुभव तथा सामुदायिक मुद्दाहरूमा सक्रिय रूपमा सहभागिता जनाएका थिए।

यस अभियानलाई सफल बनाउन आफ्नो व्यस्त समयबाट समय निकालेर उपस्थित भई ऐक्यबद्धता जनाउनुहुने सम्पूर्ण सहभागीहरूप्रति हार्दिक धन्यवाद तथा आभार व्यक्त गर्दछौं।🙏

07/05/2026

हार्दिक निमन्त्रण🙏
अन्तर-पुस्ता महिलावादी मञ्च को आयोजनामा निम्न विवरण अनुसार सञ्चालन हुने “अहिलेको राजनीति र जनताको अपेक्षा: के भइरहेको छ, के हुनुपर्ने हो?” विषयक जुम अन्तरक्रियामा तपाईंको गरिमामय उपस्थितिका लागि हार्दिक आमन्त्रण गर्दछौं।

📝विषय: “अहिलेको राजनीति र जनताको अपेक्षा: के भइरहेको छ, के हुनुपर्ने हो?”
📅मिति: May 10, 2026 (बैशाख २७, २०८३), Sunday
⏰समय: साँझ ५:३० – ७:०० बजे
🎤मुख्य वक्ता: मानुषी यमी भट्टराई

💻Join Zoom Meeting:
🔗https://us06web.zoom.us/j/88967807318
🆔Meeting ID: 889 6780 7318

मानुषी यमी भट्टराई - संक्षिप्त परिचय

मानुषी यमी भट्टराई एक राजनीतिज्ञ, शिक्षाविद् र अनुसन्धानकर्ता हुनुहुन्छ। राजनीति शास्त्रमा एमफिल (MPhil) गर्नुभएकी उहाँको रुचि विशेषगरी सार्वजनिक संस्था, राजनीतिक सिद्धान्त, लैङ्गिक सवाल र सुशासनमा रहेको छ। मानुषीले सार्वजनिक सेवाको सुदृढीकरण, भ्रष्टाचार विरोधी अभियान र समावेशी नीतिगत सुधारका लागि प्राध्यापन, संगठन निर्माण र पैरवी गर्दै आउनुभएको छ। उहाँ नेपालमा सामाजिक रूपमा प्रतिबद्ध राजनीतिक चिन्तकहरूको नयाँ पुस्ताको प्रतिनिधित्व गर्नुहुन्छ।

Manushi Yami Bhattarai

05/05/2026

कोणसभा - पाटन ढोका, ललितपुर

"अनुपम अभियान" अन्तर्गत हामी चौथो वर्षमा प्रवेश गरेका छौं। यस वर्षमा देशभरका ७७ वटै जिल्लाहरूमा बढीभन्दा बढी कोणसभा आयोजना गर्न हामी सम्पूर्णमा हार्दिक अनुरोध गर्दछौं। यी कोणसभाहरूको माध्यमबाट राजनीतिमा महिलाहरूको अर्थपूर्ण र प्रभावकारी सहभागिता सुनिश्चित गर्नुका साथै सम्बन्धित सरोकारवालाहरूमा सचेतना जगाउने र आवश्यक दबाब सिर्जना गर्ने हाम्रो साझा उद्देश्य रहेको छ।

यस भिडियोमार्फत हामी तपाईंहरू सबैलाई आ-आफ्नो ठाउँबाट यस्तै सकारात्मक पहल सुरु गर्न र अभियानलाई अघि बढाउन प्रेरित गर्न चाहन्छौं।

सधैंझैँ यहाँहरूको अमूल्य साथ, सहयोग र प्रतिबद्धताका लागि हामी हृदयदेखि नै आभार प्रकट गर्दछौं।🙏

30/04/2026

बाधक तत्वहरूलाई सबै महिलाहरू मिलेर चिर्नुपर्छ ।

All women together should resist/stand against harmful elements.

30/04/2026

हार्दिक निमन्त्रण🙏
अन्तर-पुस्ता महिलावादी मञ्च को आयोजनामा निम्न विवरण अनुसार सञ्चालन हुने “निर्वाचन अभियानदेखि संसदसम्मको अनुभव, सिकाइ र सांसदको वास्तविक जिम्मेवारीहरू” विषयक जुम अन्तरक्रियामा तपाईंको गरिमामय उपस्थितिका लागि हार्दिक आमन्त्रण गर्दछौं।
📝विषय: “निर्वाचन अभियानदेखि संसदसम्मको अनुभव, सिकाइ र सांसदको वास्तविक जिम्मेवारीहरू”
📅मिति: May 3, 2026 (बैशाख २०, २०८३), Sunday
⏰समय: साँझ ५:३० – ७:०० बजे
🎤मुख्य वक्ता: माननीय रुबिना आचार्य

💻Join Zoom Meeting:
🔗https://us06web.zoom.us/j/85651335052
🆔Meeting ID: 856 5133 5052

माननीय रुबिना आचार्य - संक्षिप्त परिचय

माननीय रुबिना आचार्य हाल नेपालको प्रतिनिधि सभा सदस्य तथा राष्ट्रिय स्वतन्त्र पार्टी (RSP) की एक प्रभावशाली युवा नेतृ हुनुहुन्छ। मोरङ क्षेत्र नं. ६ बाट प्रतिनिधि सभामा प्रतिनिधित्व गरिरहनुभएकी उहाँले काठमाडौं विश्वविद्यालय (KUSOM) बाट एमबीए (MBA) तहको उच्च शिक्षा हासिल गर्नुभएको छ।

उहाँको राजनीतिक यात्राको क्रममा उहाँले यसअघि विवेकशील साझा पार्टीको केन्द्रीय सदस्यको रूपमा रहेर वैकल्पिक राजनीतिमा सक्रिय भूमिका निर्वाह गर्नुभएको थियो। सामाजिक क्षेत्रमा उहाँले 'टेवा' (Tewa) संस्थामा करिब साढे चार वर्ष कार्य गरी महिला सशक्तिकरण र सामुदायिक विकासको अनुभव बटुल्नुभएको छ।

विगत एक दशकदेखि आचार्यले नागरिक अधिकार र सुशासनका लागि भएका विभिन्न अभियानहरूमा नेतृत्वदायी भूमिका निर्वाह गर्दै आउनुभएको छ। विशेषगरी चिकित्सा शिक्षा सुधार अभियान, कोरोना महामारीका समयमा सञ्चालन गरिएको "तातो भात अभियान", र महिला हिंसा विरुद्धका पहलहरूमा उहाँको सक्रियता र उपलब्धि उल्लेखनीय रहेका छन्। उहाँले महिलाको आर्थिक, सामाजिक र राजनीतिक सशक्तिकरणका साथै समावेशीताको मुद्दालाई आफ्नो मुख्य राजनीतिक एजेन्डा बनाउनुभएको छ। राजनीतिमा युवाहरूको अर्थपूर्ण संलग्नता र पारदर्शी निर्वाचन प्रणालीको सुधारमा उहाँको निरन्तरको पैरवीले उहाँलाई एक सचेत र जुझारु जनप्रतिनिधिको रूपमा स्थापित गरेको छ।

29/04/2026

सरकारको १०० बुँदे शासकीय सुधार कार्यसूचीमा GEDSI सुनिश्चितताका लागि हाम्रो ध्यानाकर्षण! ⚖️

नेपाल सरकारको १०० बुँदे कार्यसूचीमा GEDSI (लैङ्गिक समानता, अपाङ्गता तथा सामाजिक समावेशीकरण) को सुनिश्चितताका लागि अन्तर-पुस्ता नारीवादी मञ्च (IGFF) ले सम्माननीय प्रधानमन्त्री कार्यालयमा ध्यानाकर्षण पत्र र विस्तृत विश्लेषण प्रतिवेदन बुझाएको छ।

उक्त डकुमेन्ट यसै पोस्टमा संलग्न गरिएको छ; यदि तपाईँ विस्तृतमा पढ्न चाहनुहुन्छ भने कृपया तलका लिङ्क हेर्नुहोला।

हामी चाहन्छौँ, सरकारको सुधार योजनाले समाजका हरेक वर्ग र क्षेत्रलाई न्यायोचित स्थान दियोस्।

समतामूलक समानता र न्यायका लागि!
Rita Thapa Amuda Mishra Bhaarati Silawal-Giri Chhing Lamu Sherpa Devu Parajuli Indu Tuladhar Laksh*t Laxmi Ghalan Susan Risal Indu Pant Ghimire Rita Sah Urmila Shrestha Yajaswi Mangpahang Sarita Kc Gaura Nepali Irada Parajuli Gautam Gyanu Poudyal Maimoona Siddiqui

27/04/2026

कोण सभा: ललितपुर

अनुपम अभियान अन्तर्गत वि.सं. २०८३ साल बैशाख ११ गते ललितपुर जिल्लाको पाटनढोकामा अन्तरपुस्ता महिलावादी मञ्च (IGFF) को आयोजनामा “कोण सभा” कार्यक्रम सफलतापूर्वक सम्पन्न भयो।

यस कार्यक्रमको मुख्य उद्देश्य महिलाहरू किन राजनीतिमा आउन आवश्यक छ, यसको महत्व के हो र उनीहरूको भूमिका कस्तो हुन सक्छ भन्ने विषयमा जानकारी तथा सचेतना फैलाउनु थियो। कार्यक्रममा IGFF का सह– समयोजक सलोनी सिंह, स्टीयरिङ कमिटी सदस्य रीता थापा, छिङ ल्हामु शेर्पा लगायत टेवा, नागरिक आवाज, माउन्टेन स्पिरिट, महिला अधिकारका लागि राष्ट्रिय अभियान जस्ता विभिन्न संघ–संस्थाका प्रतिनिधिहरूको सक्रिय सहभागिता रहेको थियो।
साथै, बाटोमा हिँडिरहेका इच्छुक व्क्ताहरू समेत गरी करिब ४० भन्दा बढी महिला तथा पुरुषहरूले कार्यक्रममा सहभागिता जनाउँदै आफ्ना विचार र अनुभवहरू साझा गर्नुभयो। सहभागीहरूको सक्रिय संवाद र खुला अभिव्यक्तिले कार्यक्रमलाई अझ अर्थपूर्ण र जीवन्त बनाएको थियो।

यस अभियानमा आफ्नो व्यस्त समयबाट समय निकालेर उपस्थित भई ऐक्यबद्धता जनाउनुहुने सम्पूर्ण सहभागीहरूप्रति हार्दिक धन्यवाद तथा आभार व्यक्त गर्दछौं।

23/04/2026

23/04/2026

हार्दिक निमन्त्रण🙏
अन्तर-पुस्ता महिलावादी मञ्च को आयोजनामा निम्न विवरण अनुसार सञ्चालन हुने “पुरुष नेतृत्व ब्रान्डिङ: महिला नेतृत्वको लागि अवसर कि चुनौती?” विषयक जुम अन्तरक्रियामा तपाईंको गरिमामय उपस्थितिका लागि हार्दिक आमन्त्रण गर्दछौं।

📝विषय: “पुरुष नेतृत्व ब्रान्डिङ: महिला नेतृत्वको लागि अवसर कि चुनौती?”
📅मिति: April 26, 2026 (बैशाख १३, २०८३), Sunday
⏰समय: साँझ ५:३० – ७:०० बजे
🎤मुख्य वक्ता: विद्या श्रेष्ठ महर्जन

💻Join Zoom Meeting:
🔗https://us06web.zoom.us/j/82615169116
🆔Meeting ID: 826 1516 9116

विद्या श्रेष्ठ महर्जन - संक्षिप्त परिचय
विद्या श्रेष्ठ महर्जन विगत २० वर्षदेखि शिक्षा र आदिवासी अधिकारको क्षेत्रमा एक सक्रिय अभियन्ता हुनुहुन्छ। ग्रामीण विकासमा स्नातकोत्तर गर्नुभएकी उहाँ मानव अधिकारको वकालत गर्ने अन्तर्राष्ट्रिय सञ्जाल ESCR-Net International को हाल निर्वाचित बोर्ड सदस्य हुनुहुन्छ। उहाँ विश्व नेवाः गुठीको महिला अध्यक्ष र मानव अधिकार सचेतना केन्द्रको अध्यक्ष समेत हुनुहुन्छ।उहाँले नेपालको प्रतिनिधित्व संयुक्त राष्ट्रसंघ (UNPFII 2025) लगायत विभिन्न अन्तर्राष्ट्रिय मञ्चहरूमा गर्नुभएको छ।

उहाँले २०७९ (2022 AD) को स्थानीय निर्वाचनमा काठमाडौँ महानगरपालिकाको उपमेयर पदमा स्वतन्त्र उम्मेदवारी दिई करिब १४०० मत प्राप्त गर्नुभएको थियो। त्यसैगरी, २०८२ को निर्वाचनमा उहाँले श्रम संस्कृति पार्टीको तर्फबाट मकवानपुर क्षेत्र नं. १ मा प्रत्यक्ष उम्मेदवारी दिनुभएको थियो।

उहाँले विशेषगरी महिलाहरूको प्रजनन स्वास्थ्यका लागि निःशुल्क स्वास्थ्य र शल्यक्रिया शिविरहरूको नेतृत्व गर्नुका साथै सीमान्तकृत र आदिवासी महिलाहरूको भूमि अधिकार, आत्मनिर्भरता र नेतृत्व विकासमा महत्त्वपूर्ण योगदान पुर्‍याउँदै आउनुभएको छ। 'नेवाः मिसः दबु' को संस्थापक सचिवका रूपमा महिला अधिकार र पहिचानको वकालत गर्नुभएकी उहाँ द्वन्द्व र संकटको समयमा महिलाहरूको सुरक्षा र सशक्तिकरणका लागि अग्रपंक्तिमा रहने अभियन्ता हुनुहुन्छ।

22/04/2026

आउँदै गरेको स्थानीय तहको निर्वाचनमा महिलाहरूको अर्थपूर्ण सहभागिता सुनिश्चित गर्नुपर्छ।
The meaningful participation of women must be ensured in the upcoming local level elections.