03/06/2026
जुनबेला विशेष महाधिवेशन भैरहेको थियो म त्यो महाधिवेशनको पक्षमा थिईन! आजपनि म केन्द्रीय सभापति गगन कुमार थापा ज्युको अन्धोभक्त होइन,कठोर विरोधी पनि होइन , विशेष महाधिवेशन नभएको भए काँग्रेसको जहाज उत्रिनु नसक्ने गरि डुवानमा पर्थ्यो भन्न म सक्दिन।विशेष महाधिवेशनकै कारणले आज हामी दोस्रो पार्टीको रुपमा सिमित भयौं, पहिलेको नेतृत्वले भए बहुमत ल्याउथ्यो भनेर समर्थन गर्ने पक्षमा पनि म उभिन सकिन! गल्ती कम्जोरीहरु सबै पक्षको, सबै विचार समुहहरुको थोरबहुत रहेकोछ। भलै नेतृत्वमा रहेको संस्थापन पक्षले लचकता अपनाएर सबैलाई समेटेर पार्टीलाई अक्षुम्न राख्नु दाईत्व हुन आउँछ भन्ने लागेको छ पहल जारी राख्नु हुन निवेदन गर्दछु।
विरोधको नाममा विरोध होइन एकताको सन्दर्भ सुत्र के हुन सक्छ अगामी १५ अौ महाधिवेशन धाँधलीरहित विस्वासीलो ढंगले सर्वस्वीकार्य एकताको महाधिबेशन कसरी बनाउन सकिन्छ भन्नेतिर छलफल केन्द्रित गर्नु उपयुक्त हु्न्छ भन्ने सुझाव राख्न चाहान्छु।
हामीलाई अवगत छ! निर्वाचन आयोग हुदै सर्बोच्च अदालतले समेत विशेष महाधिवेशनलाई बैध्यता प्रदान गरिसके पछि हाल मौजुदा केन्द्रीय कार्यसमितिले गरेको निर्देशनलाई लत्याउनु उपयुक्त हुन्न भन्ने महसुस मैले गरेको छु।गगन कुमार थापा ज्युबाट हस्ताक्षरित टिकटबाट अधिकांश नेताहरु निर्वाचनमा उमेदवार बने ! नबन्ने नेता कार्यकर्ताहरुले उक्त निर्णय स्वीकार गरेर सहयोग गरेउँ कसैले बिद्रोह गरेनौं विरोधको स्वरहरु पनि सुनिएन।
निर्वाचन पछिको अवस्था हेर्दा,कतिपय वडाहरुमा हामीसंग भएको कृयासिल सदस्य भन्दा कम मत आएको छ, जुन कृयाशिल सदस्यले हामीलाई मत दिनु भएन वहाँहरु अध्याबधिक गर्नु आउनु हुन्न, त्यस्ता मान्छेहरुको सदस्यता हटाउनु पर्नेछ,कतिपयले पार्टी छोडेर गईसकेको छ, कतिपय सदस्यहरु मरिसकेको छ। सबै कृयाशिल सदस्यलाई प्रबिधिसंग जोड्नु पनि छ।यो अवस्थामा अध्यबधिक गर्ने कुरा मनासिब हो भन्ने मलाई लागेको छ!अध्यबधिक गरेको सबैले १५अौ महाधिवेशनमा हाल मौजुदा संस्थापन पक्षलाई नै सहयोग गर्नै पर्छ भनेको पनि छैन।जस्लाई सहयोग समर्थन गरे पनि तपाईं हाम्रो लोकतान्त्रिक अधिकार सुरक्षित छ,त्यसैले आज मैले आफ्नो कृयाशिल सदस्यता अध्यबधिक गरेको छु।सबै दोलखाली साथीहरूलाई आफ्नो कृयाशिल सदस्यता अध्यबधिक गर्नुहुनअनुरोध गर्दछु। जयनेपाल।
तपाईंको प्रिय साथी
Barma Lama
नेपाली कांग्रेस दोलखा
