Courier Service Association of Nepal

30/09/2026

🎉 जन्मदिनको हार्दिक शुभकामना 🎂🙏

नेपाल कुरियर सेवा संघ (COSAN) का वरिष्ठ उपाध्यक्ष श्री संजय मण्डलज्यू (Sanjay Mondal) लाई जन्मदिनको हार्दिक मंगलमय शुभकामना व्यक्त गर्दछौँ।

संघको संस्थागत विकास, कुरियर सेवा क्षेत्रको प्रवर्द्धन तथा व्यवसायीहरूबीचको सहकार्य र एकताका लागि यहाँले पुर्‍याउँदै आउनुभएको योगदानप्रति हार्दिक सम्मान व्यक्त गर्दै, आगामी दिनमा अझ सक्रिय, सफल र प्रेरणादायी भूमिका निर्वाह गर्न सक्नुहोस् भन्ने शुभकामना व्यक्त गर्दछौँ।

यहाँको जन्मदिनको यस विशेष अवसरमा सुस्वास्थ्य, दीर्घायु, सुख, शान्ति, समृद्धि तथा निरन्तर सफलताको हार्दिक मंगलमय शुभकामना व्यक्त गर्दछौँ।

जन्मदिनको हार्दिक शुभकामना तथा मंगलमय शुभेच्छा! 🎂💐🙏

– नेपाल कुरियर सेवा संघ (COSAN)

24/09/2026

हार्दिक बधाई तथा सफल कार्यकालको शुभकामना🎉

नेपाल उद्योग वाणिज्य महासंघ (FNCCI) अन्तर्गतका विभिन्न विषयगत समितिहरूमा नेपाल कुरियर सेवा संघ (COSAN) का तीनजना महत्वपूर्ण व्यक्तित्वहरू सदस्यका रूपमा मनोनीत हुनुभएकोमा हार्दिक बधाई तथा सफल कार्यकालको शुभकामना व्यक्त गर्दछौँ।

🔹 श्री दुर्गा प्रसाद सुवेदीज्यू
निवर्तमान अध्यक्ष,
➡️ सूचना तथा सञ्चार प्रविधि विकास समिति, FNCCI — सदस्य

🔹 श्री राजकुमार सामरीज्यू
उपाध्यक्ष,
➡️ यातायात तथा पारवहन समिति, FNCCI — सदस्य

🔹 श्रीमती मिना आचार्यज्यू
सह–कोषाध्यक्ष,
➡️ महिला उद्यमी विकास समिति
➡️ यातायात तथा पारवहन समिति, FNCCI — सदस्य

कुरियर तथा निजी क्षेत्रको विकासमा उहाँहरूले पुर्‍याउँदै आउनुभएको अनुभव, योगदान र सक्रिय भूमिकालाई थप फराकिलो बनाउने महत्वपूर्ण अवसरका रूपमा यस मनोनयनलाई लिएका छौँ।

सम्बन्धित समितिहरूमा उहाँहरूको सक्रिय सहभागिता, अनुभव र प्रभावकारी भूमिकामार्फत महिला उद्यमशीलता, सूचना तथा प्रविधि, यातायात तथा पारवहन एवं समग्र निजी क्षेत्रको हित र विकासमा महत्वपूर्ण योगदान पुग्ने विश्वास व्यक्त गर्दछौँ।

नेपाल कुरियर सेवा संघको तर्फबाट तीनैजना आदरणीय व्यक्तित्वहरूलाई हार्दिक बधाई, सफल कार्यकाल तथा नयाँ जिम्मेवारीका लागि हार्दिक शुभकामना व्यक्त गर्दछौँ।

नयाँ जिम्मेवारी, नयाँ अवसर र थप योगदानका लागि हार्दिक शुभकामना! 🙏

- नेपाल कुरियर सेवा संघ (COSAN)

22/09/2026

🤝 सहकार्यबाट निर्यात प्रवर्द्धनतर्फ नयाँ पहल

नेपाल हस्तकला महासंघ र नेपाल कुरियर सेवा संघबीच निर्यात प्रवर्द्धन, बजारीकरण तथा भन्सार सहजीकरणका लागि भएको द्विपक्षीय समझदारीले नेपाली हस्तकलाको अन्तर्राष्ट्रिय बजार विस्तार र निर्यात व्यवसायलाई थप सहज बनाउन सहकार्यको नयाँ आधार तयार गरेको छ।

सहकार्य, सहजीकरण र निर्यात प्रवर्द्धनमा एकताबद्ध पहल। 🇳🇵

विस्तृत समाचार 👇
"अनलाइनखबरमा प्रकाशित समाचार" (https://www.onlinekhabar.com/2026/09/2023272/bilateral-agreement-between-handicraft-federation-and-courier-services-association?utm_source=chatgpt.com)

६ असोज, काठमाडौं । निर्यातमूलक क्षेत्रको हस्तकला उद्यमी व्यवसायीको छाता संगठन नेपाल हस्तकला महासंघ र निर्यात क्....

21/09/2026

नेपाल हस्तकला महासंघ र नेपाल कुरियर सेवा संघबीच समझदारी–पत्रमा हस्ताक्षर !!

नेपाल हस्तकला महासंघ (FHAN) र नेपाल कुरियर सेवा संघ (COSAN) बीच आपसी सहयोग, सहकार्य तथा सहजीकरणका लागि समझदारी–पत्र (MOU) मा हस्ताक्षर सम्पन्न भएको छ।

आज नेपाल हस्तकला महासंघको कार्यालय, माइतीघरमा आयोजित कार्यक्रममा दुवै संस्थाका प्रतिनिधिहरूको उपस्थितिमा समझदारी–पत्रमा हस्ताक्षर गरिएको हो।

यस समझदारीले हस्तकला क्षेत्र तथा कुरियर सेवाबीचको व्यावसायिक सहकार्य, सेवा सहजीकरण, समन्वय तथा आपसी सहयोगलाई थप प्रभावकारी बनाउने अपेक्षा गरिएको छ।

कार्यक्रममा दुवै संस्थाबीचको सहकार्यलाई आगामी दिनमा थप सुदृढ गर्दै व्यवसायी तथा सेवाग्राहीलाई सहज र प्रभावकारी सेवा प्रदान गर्ने विषयमा समेत प्रतिबद्धता व्यक्त गरिएको थियो।

नेपाल कुरियर सेवा संघ (COSAN)

सहकार्य, सहजीकरण र व्यवसायिक विकासका लागि निरन्तर प्रतिबद्ध।
Anil Rajbhandari Sanjay Mondal
Rajkumar Samari Tilak Khatiwada Krishna Nepal Kiran Thapa Prakash Subedi Mina Acharya Tanka Mani Kharel

10/09/2026

मिति : २०८३/०५/२५
केन्द्रमा आवद्ध सम्पूर्ण
कुरियर व्यवसायी संचालक सदस्यज्युहरु

प्रदेशका सम्पुर्ण अध्यक्षज्यु,
पदाधिकारी एवं सदस्यज्युहरु

जिल्लाका सम्पूर्ण अध्यक्षज्युहरु
पदाधिकारी एवं सदस्यज्युहरु

यहि भाद्र १० गते भोटेकोशी नदिमा आएको भिषण बाढि पहिरोको कारणले रसुवा, नुवाकोट, गोरखा, धादिङ र चितवन जिल्लाहरुमा परेको असरको बारेमा भनिरहनु जरुरी नहोला।
उक्त बाढि पहिरो बाट पीडितहरुको सहयोगार्थ केन्द्रिय संघले आर्थिक राहत सन्कलन गरिरहेको बारेमा पनि यहाँहरुलाई अवगत नै छ।

केन्द्र, प्रदेश र जिल्ला संघहरुमा आवद्ध धेरै संचालकज्युहरु, संघमा आवद्ध नहुनु भएका कुरियर व्यवसायी संचालक ज्युहरु, कर्मचारीवर्गहरु र स्वदेश र विदेशमा समेत रहनु भएका शुभेच्छुकहरु बाट समेत उत्साह पुर्वक यस मानविय पुण्य कार्यमा आ-आफ्नो तर्फबाट आर्थिक राहत सहयोग गर्नु भएकोमा सवैलाई हार्दिक धन्यवाद व्यक्त गर्दछौं यहाँहरुलाई हार्दिक नमन गर्दछौं ।🙏

केन्द्र, प्रदेश र जिल्लाहरु बाट चन्दा संकलन गरेको न भै हामिले पनि आफ्नो संस्थागत सामाजिक उत्तरदायित्व अन्तरगत मानविय सेवाको लागी राहत संकलन गरिएको हो । चन्दा संकलन र राहत संकलनमा पक्कै फरक छ भन्ने कुरा यहाँहरु सवैलाई अवगत नै छ। तसर्थ केही संचालकज्युहरु, केही प्रदेशका पदाधिकारीज्युहरु, जिल्लाका पदाधिकारी एवं सदस्यज्युहरुबाट यस राहत संकलन जस्तो मानविय सहयोगको कार्यलाई हल्कारुपमा लिनु र निष्क्रियता समेत देखिएको प्रति दु:ख व्यक्त गर्नु पर्ने हुन्छ।

यस पुण्यकार्यमा सहभागीहुन बाकी र छुट्नु भएका केन्द्रका बाकी सम्पूर्ण सदस्यज्युहरु, प्रदेश तथा जिल्लाका सम्पूर्ण पदाधिकारी, सदस्य एवं कुरियर व्यवसायी संचालकज्युहरुले भोलि मिति २०८३/०५/२६ गते शुक्रवार सम्म सहयोग रकम प्रदान गर्न, संकलन गर्न र सहभागी हुनसक्नु हुनेछ । तत्पश्चात संकलन कार्य बन्द गरिने व्यहोरा अनुरोध छ।

तसर्थ केन्द्र, आ-आफ्नो जिल्ला र प्रदेशको व्यवसायीक हैसियत र मर्यादा कायम राख्दै सहयोग गर्न गराउनहुन पुनः अनुरोध गर्दछौं। कुनै प्रदेश, जिल्ला र संचालकहरुमा राहत संकलन कार्यमा असहजता, अप्ठ्यारो र समस्या छ। साथै केन्द्रिय कार्यसमिति वा अध्यक्षबाट कोहि कसैलाई जवरजस्ती वा दवाव दिएर राहत संकलन गर्‍यो भन्ने लागेको छ भने यस प्रकारको राहत संकलन नगर्नु नगराउनुहुन र कोहि कसैलाई मार्का परेको वा पारेको छ भने उठेको रकम सम्बन्धित दातालाई फिर्ता गर्न गराउनहुन समेत निर्देशन गरिन्छ।

हालसम्म सहयोग गर्नुहुने सम्पूर्ण सहयोगि सहृदयी समाज सेविदाताहरुप्रती नतमस्तक रहदै हार्दिक नमन एवं धन्यवाद व्यक्त गर्दछौं । धन्यवाद 🙏जय कोसान 🙏

अनिल राजभण्डारी
अध्यक्ष
नेपाल कुरियर सेवा संघ
केन्द्रिय कार्यालय, तिनकुने काठमाण्डौ।

31/08/2026

नेपाल कुरियर सेवा संघका सक्रिय सदस्य तथा UB Cargo and Logistics Pvt Ltd का संचालक श्री उत्तम भारती यस संघको कार्यसमिति सदस्य मनोनित हुने भएकोमा यस संघ हार्दिक बधाई ज्ञापन गर्दछ।

साथै आगामी दिनमा यहाँको थप सक्रियता र योगदान रहने बिश्वास संघले लिएको छ।

Congratulations ! 🎉👏 ! सफल कार्यकालको शुभकामना 🙏

30/08/2026

विपद्को घडीमा नेपाल कुरियर सेवा संघको मानवीय पहल
व्यवसायभन्दा पहिले मानवता। विपद्मा सबैको साथ र सहकार्य आवश्यक छ। 🙏
यसै विषयमा प्रकाशित समाचारसहितको भिडियो हेर्नुहोस्।
#नेपालकुरियरसेवासंघ #राहतकोष #दैवीप्रकोप #मानवता #विपद्मासहयोग

30/08/2026

विपद्को घडीमा व्यवसाय होइन, मानवीयता ठूलो हुन्छ। 🤝
नेपाल कुरियर सेवा संघ (COSAN) पीडितको साथमा—एकता, सहकार्य र सहयोगका साथ। 🙏🇳🇵

काठमाडौं । नेपाल कुरियर सेवा संघ (कोसान) ले मुलुकमा उत्पन्न प्राकृतिक विपद् तथा विशेषगरी भोटेकोशी नदीमा आएको बाढ.....

26/08/2026

हार्दिक अपिल

आज बिहान भोटेकोशी नदीमा आएको अप्रत्याशित तथा भीषण बाढीका कारण रसुवा नाका, नुवाकोट, धादिङ, गोरखा, चितवन लगायत नदी तटीय तथा आसपासका विभिन्न क्षेत्रमा भएको जनधनको क्षतिप्रति नेपाल कुरियर सेवा संघ (COSAN) गहिरो दुःख व्यक्त गर्दछ।

यस दुःखद एवं विषम परिस्थितिमा प्रभावित सम्पूर्ण नागरिकप्रति हार्दिक सहानुभूति व्यक्त गर्दै ज्यान गुमाउनुहुनेप्रति भावपूर्ण श्रद्धाञ्जली तथा शोकसन्तप्त परिवारजनमा गहिरो समवेदना प्रकट गर्दछौँ। साथै, बाढी तथा विपदमा परी घाइते तथा प्रभावित हुनुभएका सम्पूर्ण नागरिकको शीघ्र उद्धार, उपचार तथा सुरक्षित पुनर्स्थापनाको लागी सरकारसँग अनुराेध गर्दछौँ।

विपद्को अवस्था अझै जोखिमपूर्ण रहन सक्ने भएकाले नदी किनार, तटीय क्षेत्र तथा जोखिमयुक्त स्थानमा रहनुभएका सम्पूर्ण महानुभावहरूलाई उच्च सतर्कता अपनाउन, स्थानीय प्रशासन तथा सुरक्षा निकायको निर्देशनको पूर्ण पालना गर्न र सम्भावित जोखिम देखिएमा तत्काल सुरक्षित स्थानतर्फ स्थानान्तरण हुन हार्दिक अनुरोध गर्दछौँ।

यस कठिन घडीमा उद्धार, राहत तथा मानवीय सहयोगका लागि आ–आफ्नो क्षेत्रबाट सक्रिय रूपमा सहयोग गर्न नेपाल कुरियर सेवा संघमा आबद्ध सम्पूर्ण सदस्य कम्पनी, व्यवसायी तथा कर्मचारीहरूलाई समेत हार्दिक अपिल गर्दछौँ। विपद्को समयमा हाम्रो व्यावसायिक दायित्वसँगै मानवीय जिम्मेवारीलाई समेत आत्मसात् गर्दै सम्भव भएसम्म आवश्यक सहयोग, समन्वय र सहकार्यमा जुट्न संघ आग्रह गर्दछ।

नेपाल कुरियर सेवा क्षेत्र देशको जुनसुकै भूभागमा सेवा तथा सम्पर्क कायम राख्ने महत्वपूर्ण क्षेत्र भएकाले यस विपद्को अवस्थामा प्रभावित क्षेत्रको अवस्था, सेवा सञ्चालनमा परेको प्रभाव तथा आवश्यक सहयोगका विषयमा सम्बन्धित निकायहरूसँग आवश्यक समन्वय र सहकार्य गर्न संघ प्रतिबद्ध रहेको जानकारी गराउँदछौँ।

विपद्को यस कठिन घडीमा सबै एकजुट बनौँ।
सतर्क रहौँ, सुरक्षित रहौँ र सकेको सहयोग गरौँ।

अनिल राजभण्डारी
अध्यक्ष

19/08/2026

नेपाल कुरियर सेवा संघका केन्द्रीय अध्यक्ष अनिल राजभण्डारीज्युको समसामयिक अन्तर्वार्ता ।

धन्यवाद Capital Nepal !

कुरियर सेवा दैनिक जीवनकै अपरिहार्य हिस्सा बनेको छ | capitalnepal