Gurukul recovery

20/05/2026

Just for today, May~20

Coming out of isolation (एक्लोपना बाट छुटकारा) "जस्तो कि हामीले कहिले सोचेका पनि थियनौ, त्यसको ठीक विपरित हामीले आफुलाई ठीक तरिकाले कार्य गर्दै र त्यसबाट अपुर्व आनन्द प्राप्त गरेको देख्न सक्छौ।"

Basic Text, p. 102

---------------=--------------

सक्रिय दुर्व्यसन को कारणले हामी धेरै कुरा हरु बाट अलग थलग् भएका थियौ। सुरु सुरु मा हामी आफ्नो परिवार र साथी हरुबाट अलग्गिन थाल्यौ ताकी उनिहरुलाई यो आभास नहोस् कि हामीले नशा प्रयोग गर्न थालेका छौ। हामी मध्ये केहीले अरु सबै सामान्य व्यक्ति हरु बाट पनि टाढा भयौ ताकी उनिहरु बाट पाउने नैतिक झट्का, प्रतिघात र कानुनी समस्या बेहोर्न नपरोस। हामीले उनिहरुको खिल्ली उडायौ जो आफ्नो आफ्नो परिवार र आफ्नो आफ्नो अभिरुची को साथ सामान्य र स्वच्छ जीवन बिताइ रहेका छन। हामीले यो मान्यौ कि जीवन मा कहिले सामान्य सुखको आनन्द लिन सक्तैनौ। फलस्वरुप हामीले हाम्रो अन्य दुर्व्यसनी साथी हरुलाई पनि टाढा राख्यौ किनकी हामी आफ्नो नशा उनिहरु सँग बाडन चाहन्थेन। यसरी हाम्रो जीवन सिमित बन्दै गयो र हामी आफ्नो रोग को दैनिक रेख-देख मा आफ्नै खोल भित्र बन्द हुँदै गयौ।

आज हाम्रो जीवन पहिला को भन्दा धेरै पूर्ण छ। हामी सुधार मा आएको अन्य दुर्व्यसनी हरुको बिच मा भएको सबै गतिबिधी हरुको आनन्द लिने गर्दछौ। आफ्नो परिवार को लागि धेरै समय दिन्छौ। हामी मध्ये धेरैले अरु व्यवसाय र काम पनि गरेका छन। जसले हामीलाई धेरै खुशी प्रदान गर्दछ। वाह! बिगत भन्दा अहिले कस्तो परिवर्तन आएको छ ! कस्तो रमाइलो !!! - अब हामी अन्य "सामान्य" मान्छे को जसरी एउटा भरपुर जीवन जिउन सक्छौ। आनन्दमाय जीवन फेरी आउने छ। पुनस्थापना एक उपहार हो।

---------------=---------------

आजको निम्ती मात्र:- म आफ्नो जीवन को सहज् सामान्य दिनचर्या मा भरपुर आनन्द प्राप्त गर्ने छु।

19/05/2026

Just for today, May~19

A growth inventory (प्रगती को सुची )

"हामी हाम्रो बिगतको कार्य र वर्तमान को आचरण लाई पुनरावलोकन गर्ने छौ, जसबाट हामीले यो बुझ्न सकौ कि हामीले के राख्नु पर्छ र के छाड्नु पर्छ।"

Basic Text, p.29

----------------=---------------

यसरी जब हाम्रो हरेक दिन आफ्नो समाप्ती को बिन्दु मा पुग्छ, हामी मध्ये धेरैले बितेको 24 घण्टा को कार्य व्यवहार को बारेमा सोच्न थाल्दछ कि हामी भविष्य मा अझ कसरी केही र धेरै परिवर्तन को साथ रहन सक्छौ। संसारिक माया मोहमा अड्किन एकदम सजिलो छ, जस्तो कि गाडी मा तेल् हाल्नु, आफु बसेको कोठा सफा गर्नु, घर को फोहर हरु सफा गर्नु। कहिले काही दैनिक रुपमा गर्ने आधारभुत कुरा हरु भन्दा केही अलग आफ्नो चेतना लाई अझ माथि लैजानको लागि अझ बढी मिहिनेत गर्नु पर्ने हुन्छ।

एउटा सामान्य र सिधा प्रश्न ले हामीलाई उच्च पथ मा लैजान सक्छ र त्यो यो हो कि उच्च शक्तिले हाम्रो आउने भोली को दिन बाट के आशा राखदछ ? हुन सक्छ कि हामी हाम्रो समझदारिको को ईश्वर सँग आफ्नो अन्तर बिचार को सम्बन्ध लाई अझ दरिलो बनाउन चाहम्छौ। शायद हामी आफ्नो कार्य र सम्बन्ध लाई निभाउन मा केही समस्या हरुको सामना गरेका छौ कि र केवल डर र भय को कारणले त्यसलाई बोकी राखेका छौ कि। हुन सक्छ कि हामी लाई कष्ट दिने खालको चारित्रिक दोष हरुलाई लुकाउने प्रयास गरी राखेका छौ र आफ्नो स्पोन्सोर सँग खुला हृदय ले बाडन डराइ रहेका छौ। प्रश्न यो हो कि - हामी हाम्रो जीवन को कुन काल मा बिस्त्रित सुध्रिने र प्रगती पथ मा बढ्न चाहन्छौ ?

जसरी हरेक दिन आफ्नो समाप्तिको बिन्दु मा पुग्दछ, हामीले यो पाउदछौ कि आफ्नो ऊच्च शक्ति सँग अन्तरङ क्षण बिताउनु हाम्रो लागि एकदम लाभदायिक छ। हामी यो कुरालाई आफ्नो मानसपटल मा प्रतिबिम्बित भएको देख्न सक्दछौ कि आउने समय मा हाम्रो आध्यात्मिक विकास कार्यक्रम ले हामीलाई कुन हद सम्म लाभ पुराउने गर्दछ। हामी त्यो दायरा को बारेमा पनि सोच्न सक्तछौ जहाँ हामीले हाल नै प्रगती गरेको थियौ र त्यो लक्षित क्षेत्र लाई पनि पत्ता लगाउन सक्छौ जहाँ अझ काम गर्न बाँकी छ। हरेक दिन को बारेमा यो भन्दा बढी सहि र उपयुक्त मुल्याकन अरु केई नै हुन सक्छ र ?

----------------=---------------

आजको निम्ती मात्र् - हरेक दिनको समापन मा म आफो उच्च शक्ति सँग को संपर्क को लागि म समय बचायेर राख्ने छु। म गुज्रेको समय लाई पुनरावलोकन गर्नेछु र ध्यान मग्न भएर यो बुझ्ने प्रयास गर्ने छु कि मेरो जीवनमा मेरो र उच्च शक्ति बिच को स्थापित भएको सम्बन्ध को स्वरुप के हो ?

18/05/2026

Just for today, May~18

Friends and amends--keeping it simple (साथीहरु र क्षतिपूर्ति- सहज् लिनु)

"जहाँ सम्भव भए सम्म हामीले हानी नोक्सानी पुराएको व्यक्ति हरुलाई सिधै क्षतिपूर्ति दियौ र त्यस क्रममा उनिहरुलाई तथा अरुहरुलाई असर् नपर्ने कुरा मा जोड दियौ।"

Step Nine

--------------=-------------

हरेक सम्बन्ध मा समस्या को समाधान त्यसरी गर्न सक्तैनौ जसरी हामी सोच्ने गर्दछौ। तर गल्ती हुनु भनेको अर्थ यो होइन कि हामी सम्बन्ध लाई नै त्यागी दिनु। बरु हामीले यो बुझ्नु पर्दछ कि हामी हाम्रो गल्ती को क्षतिपूर्ति भर्न सक्छौ। यदी हामी इमान्दार भएर हाम्रो मैत्री सम्बन्ध को लागि नितान्त आवश्यक आफ्नो जिम्मेवारी को महत्व लाई स्विकार गर्छौ र आफ्नो गल्ती को क्षतिपूर्ति दिन को लागि भित्रै बाट तयार हून्छौ भने अवश्य नै त्यो मैत्री सम्बन्ध सुन्दर, मजबुत र दिगो बन्न सक्छ ।

क्षतिपूर्ति एक दम सरल छ। हामीले जसलाई हानी पुराएका थियौ त्यो व्यक्ति सम्म गएर हामी भन्न सक्छौ "म बाट गल्ती भयो वा म गलत थिए" कहिले काही हामी मुख्य बिन्दु मा पुग्नु भन्दा अगाडि नै डराएर आफ्नो गल्ती स्विकार गर्न हिच्किचाउछौ। र नवौ पाइला को ऊद्देश्य् लाई बिर्साइ दिन्छ। क्षतिपूर्ति लाई प्रभावकारी बनाउन को लागि हामी एक्दम सहज् र सरल हुनु पर्छ। हामीले सम्पूर्ण अवस्था मा आफ्नो भूमिका स्विकार गर्नु पर्नेछ। र यो हेर्नु पर्छ कि हामीले के गर्यौ।

यस्तो अवस्था पनि आउन सक्छ कि हाम्री साथी हरुले ले हाम्रो कुनै पनि क्षतिपूर्ति स्विकार नगर्ला। शायद उनिहरु यो सबै ममिला लाई बुझ्न को लागि अझ केही समय लागोस। यदी यस्तो भएमा हामीले उनिहरुलाई अरु बढी समय दिने गर्नु पर्छ। आखिर गल्ती गर्दा हामी अगाडि थियौ, उनिहरु होइन। हामीले आफ्नो आफ्नो भूमिका निभाएका छौ। बाँकी हाम्रो शक्ति भन्दा बाहिर को छ।

--------------=---------------

आजको निम्ती मात्र :- म एक जिम्मेवार साथी बन्न चाहन्छु, आफ्नो गल्ती को भर्पाई गर्ने समय मा एक्दम सहज् हुनेछु।

17/05/2026

17/05/2026

Just for today, May~17

Defects (दोष)

"सम्पूर्ण चारित्रिक दोष ईश्वर ले हटाइदियोस भनी हामी पूर्ण रुपले तयार भयौ।"

Step Six

--------------=--------------

पाचौ पाइला लाई काम गरेपछी हामी मध्ये धेरैले यो कुरा मा बिचार गर्यौ कि अहिले सम्म हामी जे थियौ, जस्तो छौ- हामी त्यस्तो हुनु मा हाम्रो गल्ती र कमजोरी को वास्तविक् प्रकृति र भूमिका के रह्यो। र यदी हामी जिद्दी र घमन्डी नभएको भए हाम्रो जीवन कस्तो हुन्थ्यो ?

निश्चय नै हाम्रो अहम र घमन्ड ले हामीलाई हाम्रो मित्र हरुबाट टाढा बनायो। जसको कारणले न हामीले उनीहरु बाट न त केही सिक्न सक्यौ न त प्रसन्न हुन सक्यौ। तर हाम्रो यो घमन्ड र दम्भ ले हामीलाई केही फाईदा हरु पनि पुराएको छ यसले हाम्रो आत्म सम्मान र स्वाभिमान को क्षण लाई पूर्ण रुपले बिखन्डित् हुन बाट जोगायो पनि। यदी हामी मा घमन्डीपना लाइ हटाउन सक्ने भए हामी कस्तो फाईदा हुन्थ्यो र कस्तो प्रकारको सहारा पाउथ्यौ ? यो कुरा बिचार योग्य छ।

आफ्नो घमन्ड लाई त्यागेपछी हामी तमाम व्यक्तिहरु माझ आफ्नो सहि स्थान पुन निर्मार्ण गर्न योग्य भयौ। अब हामी उनिहरु सँग साथ निभाउने र उनिहरुको बुद्धि र विवेक लाई सराहना गर्ने तथा उनिहरुको चुनौती हरुलाई सामना गर्न को लागि उनिहरुकै समान सामान्य र आत्मबल यूक्त भएका छौ। हाम्रो लागि मार्ग निर्देशन र सहयोग अवश्य आउने छ यदि हामि त्यो हेरचाह लाइ रोज्ने छौ जुन हामीलाई हाम्रो उच्च शक्ति ले उपलब्ध गराएको हुन्छ। निम्न स्तरको आत्म बाल अब हाम्रो लागि बिगतको कुरा भएर जानेछ ।

यसरी यो तरिकाले एक एक गर्दै हामीले आफ्नो चारित्रिक दोषहरुको परिक्षण गर्यौ र सबै पूर्ण रुपले दोषपूर्ण पायौ, त्यसैले यस्लाई (चारित्रिक दोष)भन्ने पनि गर्छौ। र के अब हामी यो कुरा को लागि पूर्ण रुपले तयार छौ कि ईश्वर ले यसलाई जरै बाट निकाली दियोस भनेर ? तब हाम्रो जवाब हुने गर्छ- हो।

-------------=--------------

आजको निम्ती मात्र:- म आफ्नो चरित्र को तमाम दोष हरुलाई पूर्ण रुपले खोज्ने प्रयास गर्ने छु, र यो बुझ्ने कोशिश गर्ने छु कि के म आफ्नो समझदारिको ईश्वर को कृपाले त्यो बाट पूर्ण रुपले टाढा जान तयार छु।

16/05/2026

Just for today, May~16

Our Higher Power's will (उच्च शक्ति को ईच्छा)

"हाम्रो लागि ईश्वर को इच्छा नै पछी हामी सबैको लागी हाम्रो साँचो इच्छा बनेर जाने गर्दछ।"

Basic Text, p. 48

--------------=---------------

बाह्र पाइला हरु आध्यात्मिक जागरण को मार्ग हो। यो जागरण प्रेमपूर्ण उच्च शक्ति सँग विकासत्मक् सम्बन्ध कायम गर्न सिद्ध रहने गर्दछ। सफलता को तर्फ बढ्ने हरेक कदम ले यो सम्बन्ध लाई अझै मजबुत बनाउदै लैजाने गर्दछ। जसरी हामी पाइलाहरुमा मा काम गर्दै निरन्तर अघी बढ्दै जाने गर्दछौ त्यसरी नै यो सम्बन्ध पनि मजबुत हुँदै जाने गर्दछ। पछी यो सम्बन्ध हाम्रो लागी महर्वपूर्ण बन्ने गर्द्छ।

पाइला मा काम गर्दा हामी व्यक्तिगत निर्णय बनाउदछौ कि हाम्रो प्रेम पूर्ण ईश्वर ले नै हाम्रो मार्ग निर्देशन् गर्नेछ र यो दिशा निर्देशन् हामीलाई सधैं उपलब्ध हुनेछ। त्यसको प्राप्ती को लागि केवल धैर्य धारण गर्न आवश्यक हुनेछ। यो मार्ग निर्देशन् केवल हाम्रो भित्री अन्तर ज्ञान बाट प्रकट हुने गर्दछ। जसलाई हामी बिचार भन्ने गर्दछौ।

जब हामी उच्च शक्ति लाई मार्ग निर्देशन ग्रहण गर्न को लागि आफ्नो हृदय पूर्ण रुपले खुला राख्दछौ तब हामीलाई निश्चल शान्तभाव महशुस गर्ने गर्दछौ। यो मन शान्ती नै त्यो प्रकाश स्तम्भ हो जस्ले हाम्रो बिचलित अनुभुती को दौरान मा हामीलाई दिशा निर्देशन् दिने गर्दछ त्यो समय मा खुला र स्पष्ट बाटो देखाइ दिन्छ जब हामी हृदय देखी नै आफ्नो जीवन मा हताश र उदास हुनेछौ र हामी आँफै केही पनि गर्न नसक्ने अवस्था मा हुनेछौ। जब हामी हाम्रो जीवन लाई प्रभु को इच्छा अनुसार चलाउन थाल्दछौ तब हामी एक यस्तो आत्म सन्तुष्टि र आनन्द प्राप्त गर्नेछौ जुन त्यो समय सम्म हामी संग लुकामारी खेलेर बसेको हुने गर्दछ जब सम्म हामी आफ्नो ईच्छा मा चल्ने गरी रहेका हुन्छौ। जब हामी उच्च शक्ति को इच्छा अनुसार चल्न खोज्दछौ तब एक पटक हामी डर र संकोच बाट घेरिन सक्छौ तर किन भने तब सम्म हामी त्यो स्पष्टता को क्षण लाई भरोशा गर्न सिकी सकेका हून्छौ र हामी यो अनुभूति ले भरिने गर्दछौ कि हाम्रो सबै भन्दा ठुलो खुशी ने हाम्रो प्रेमपूर्ण ईश्वर को इच्छा लाई अनुसरण गर्नु मा नै निहित छ।

--------------=--------------

आजको निम्ती मात्र :- म उच्च शक्ति सँग आफ्नो सम्बन्ध मजबुत बनाउने सबै प्रयास हरु गर्ने छु। मैले मेरो अनुभव ले यो कुरा बुझेको छु कि मेरो उच्च शक्ति को इच्छा को ज्ञान ले नै म भित्र स्वच्छता, दिशा बोध र आत्म शांती को सम्बेदना जागरण गर्दछ।

15/05/2026

Just for today, May~15

Fear of the Fourth Step (चौथो पाइला को डर )

“जब हामी चौथो पाइला तर्फ बढ्छौ, हामी मध्ये धेरैलाई यो डर ले सताउछ कि हामी भित्र को राक्षस बहिर आएर हामीलाई बिध्वंश पार्ने छ।”

Basic Text p 27

---------------=---------------

हामी मध्ये धेरैले आफु लाई हेर्न र आफ्नो अन्तरात्मा लाई जांच गर्न डराउने गर्दछौ। यदी हामी आफ्नो आचरण, कर्म र आफ्नो नियतको परिक्षा लिन्छौ तब हामी आफुमा स्वार्थ र घृणा ले भरिएको एक गहिरो र अँधेरो कुवाँ मा पाउने गर्दछौ। तर जब हामी चौथो पाइला मा बढ्ने छौ तब हामी पाउछौ कि यो सबै डर हरु अनुचित छ भनेर। अन्य व्यक्ति जस्तै हामी मानिस् हौ - न उनिहरु भन्दा कम न बढी।

हामी सबै अा आफ्नो व्यक्तिव मा केही विषेशता राख्ने गर्दछौ, जसमा हामी खासै गर्व गर्दैनौ। कुनै पनि खराब दिनमा हामी सोच्दछौ कि अरुको तुलना मा हाम्रो गल्ति धेरै नै खराब छ। हामी आत्म संशय को पल हरुमा गुज्रन थालदछौ। हामी आफ्नो नियत मा पनि प्रश्न गर्न थाल्छौ। यहाँ सम्म कि आफ्नो अस्तित्व लाई पनि कोसने गर्दछौ। तर यदी हामी आफ्नो साथी हरुको अनुहार पढ्छौ तब पाउदछौ कि उनिहरु कस्तो प्रकारको आत्म संघर्ष सँग जुझी रहेका छन। हामी अरु भन्दा न कम छौ न बढी छौ।

हामी केवल जे जती सम्झन्छौ जे जती बुज्छौ त्यसलाई त्यती नै बदल्न सक्छौ। जुन कुरा हामी भित्र दबेर बसेको छ त्यस्बाट बारम्बार डराउनु भन्दा त्यसलाई बाहिर खुलेर ल्याउदा डर को जालो हटदै जानेछ र फेरी हामी आत्म सन्तुष्टी को साथ सुधार को दिशा मा अघी बढ्न सक्छौ।

-------------=--------------

आजको निम्ती मात्र:-म त्यो सँग डराउछु जो मलाई थाहा छैन। म आफ्नो डर लाई प्रकट गरेर त्यसलाई समाप्त पार्ने छु।

14/05/2026

Just for today, May~14

Opps! (उफ्फ!)

"बहुलौठ्ठीपना, एउटै गल्ती बारम्बार दोहोराइ रहने तर फरक नतिजा को आशा गर्नु।"

Basic Text, p. 23

--------------=--------------

गल्ती! हामी सबैलाई थाहा छ गल्ती गर्दा कस्तो महसुस् हुन्छ भनेर। हामी धेरैले यस्तो पनि सोच्दछौ कि हाम्रो जीवन नै एक गल्ती हो भनेर। हामी मध्ये धेरै आफुले गरेको गल्ती को कारण शिर थाडो पार्न सक्तैनौ र अपराध बोध ले ग्रस्त हून्छौ, एक प्रकार को निराशा र अधैर्यता हाम्रो मन मस्तिस्क मा छाई रहन्छ। हामी हाम्रो गल्ती लाई एक बिमार, पागल र मुर्ख्याइ को प्रमाण को रुपमा अथवा यती धेरै बिग्रिएको को सुधार मा आउन नसकिने।

यथार्थ मा गल्ती मानव मा हुनु पर्ने एक आवश्यक र महर्वपूर्ण पक्ष हो। खास गरी एक जिद्दी व्यक्ति (जस्तो कि दुर्व्यसनी) को लागि उनिहरु ले गर्ने गरेको आफ्नो गल्ती हरु नै उनीहरुको लागी (उत्तम) श्रेष्ठ शिक्षक हुने गर्छ। गल्ती हुँदैमा धेरै नै लजाउनु पर्दैन। वास्तवमा नयाँ गल्ती गर्नाले प्राय हामीमा जोखिम उठाउन र विकसित हुनको लागि इच्छुकता जगाउने गर्दछ।

हाम्रो लागी यो सहयोगि हुने गर्दछ कि हामी हाम्रो गल्ती बाट सिकौ। तर एउटै गल्ती बारम्बार दोहोराइरह्यौ भने हामी एउटै ठाउमा अडकन्छौ। र त्यही पुरनो गल्ती हरु बाट फरक फरक नतिजा र प्रतिफल को आशा भने त्यस्लाई हामी बहुलौठ्ठीपना भनेर भन्ने गर्दछौ र यस्ले केही काम गर्दैन।

--------------=--------------

आजको निम्ती मात्र:- गल्ती हरु दु:खद अन्त्य होइन तर हे ऊच्च शक्ति मलाई त्यस बाट पाठ् सिक्न मद्दत गर्नुहोस्।

08/05/2026

Just for today, May~8

Teachable (सिकाउन योग्य)

“हामीले यौ सिक्यौ कि सबै प्रश्न हरुको ज्ञान हुनु जरुरी हुने गर्दैन, किन भने अब हामी सिक्न र सिकाउनको लागि योग्य हुने गर्दछौ र र आफ्नो नया जीवन लाई अझ सफलतापुर्वक जिउने कला सिक्न सक्तछौ।“

Basic Text, p. 96

-------------=------------

एक तरिकाले हेर्ने हो भने दुर्व्यसन सबै भन्दा ठुलो शिक्षक हो। यदि दुर्व्यसन ले हामीलाई केहि पनि सिकाउदैन भने पनि यसले हामी लाई विनम्रता लाई त सिकाइ हाल्ने गर्दछ। हामीले यो भनेको सुनेका छौ कि त्यो हाम्रो सबै भन्दा उत्तम सोच नै हो जसले हामीलाई एन.ए सम्म लिएर जाने गर्दछ।जब हामी यहा सम्म आइसकेका छौ त तब हामीले यो बुझ्नु पर्दछ कि हामी यहाँ सिक्नको लागि आएका हौ।

एन.ए फेलोसिप सुधार मा भएको सबै दुर्व्यसनी हरुको लागि एक अदभुत सिक्ने वातावरण भएको स्थान हो। हामीलाई यहा बैठक हरुमा मुर्ख र अशिक्षित र केहि पनि नजान्ने भएको महसुस गराउने गरिदैन। यसको विपरीत हामी अरुलाई पनि त्यहि अवस्था मा पाउने गर्दछौ जुन अवस्था मा हामी हुने थियौ र आफ्नो अवस्था बाट बाहिर आउनको लागि मार्ग पाई सकेका छन्। र यसको लागि हामीले यो मान्नु पर्दछ कि हामी संग सबै जवावहरु छैन र अरुलाई के ले काम गरेको छ भन्ने कुरा उनीहरु को शेयर बाट सुन्ने गर्दछौ।

सुधार मा भएको दुर्व्यसनी र एक मानव भएको नाता ले हामीले धेरै नै सिक्नु पर्ने हुन्छ। अरु दुर्व्यसनी र अरु मानव ले हामीलाई यो कुराहरु धेरै राम्रो संग सिकाउन सक्तछ के ले काम गर्छ र के ले गर्दैन भनेर। जब सम्म हामी सिक्न को लागि इच्छुक हुने गर्दछौ तब सम्म मात्र हामी अरुहरुको अनुभव हरु बाट लाभ उठाउन सक्तछौ।

--------------=-------------

आजको निम्ति मात्र :- म यो मान्दछु कि म संग सबै प्रश्न हरुको जवाव छैन। म जवाव को लागी अरुको अनुभव सुन्ने छु र त्यसमा बिचार गर्ने छु।

07/05/2026

Just for today, May~7

Turning turmoil into peace (अशान्ति लाई शान्ति मा बदलिनु)

“अशान्ति ले भरिएको यस्तो संसार मा म महसुस गर्ने छु कि म जहा पनि छु त्यसको लागि म धन्य भएको छु।“

Basic Text, p. 145

---------------=----------------

हामी हत्या हिंसा र विध्वंश हरुको यति धेरै समाचार दैनिक रुप मा यति सुन्ने गर्दछौ कि यो समाचार हरुमा केहि समय पछि हामी उत्तेजित हुन बिर्सने गर्दछौ। जब हामी नशा सेवन गर्ने गर्दथ्यौ तब हामी मध्ये धेरै हिँसा को सामान्य जस्तो भैसकेका थियौ। दुर्व्यसनको कुहिरो मा सधै झुमेर रहनाले हामी संसारको हालत देखेर हामी कमै चिन्तित हुने गर्दथ्यौ। तर जब हामी स्वच्छ हुने गर्दछौ तब हामी मध्ये धेरै यस संसार को अवस्था देखेर आफु बढी नै चिन्तित भएको पाउने गर्दछौ। सुधार मा आएको दुर्व्यसनी भएको नाताले यो संसार लै अझै राम्रो स्थान बनाउको लागि हामी के गर्न सक्तछौ ?

जब जब हामी यो संसारको अशान्ति देखेर आफुलाई चिन्तित पाउने गर्दछौ तब तब हामीलाइ लाग्न थाल्दछ कि प्रार्थना र ध्यान बाट हामी जीवनमा शान्ति पाउन सक्तछौ। जब जब हामीलाई यस्तो लाग्न थाल्द्छ कि सबै कुरा हरु अस्तव्यस्त भइ रहेको छ तब तब उच्च शक्ति संग को हाम्रो सम्पर्क ले यस्तो अस्तव्यस्तता को बिच मा पनि हामीलाई शान्त र स्थिर रही रहनको लागि हाम्रो मद्दत गर्ने गर्दछ। जब हामी हाम्रो आध्यात्मिक मार्ग मा केन्द्रित हेन गर्दछौ तब हामी आफ्नो मन भित्रको भय संग शान्त भावले सामना गर्न सक्तछौ। यस प्रकारले शान्त भाव ले जीवन लाइ जिउनाले हामी शान्त आत्मा लाई आफु भित्रको संसार मा आउनको लागि आमन्त्रित गर्न सक्तछौ। सुधार मा भएको व्यक्तिको नाता ले हामी कार्यक्रम को सिद्दान्त हरुलाई आफ्नो खुबी ले भ्याए सम्म अभ्यास गरेर हामी आफ्नो जीवन मा एक सबै भन्दा राम्रो सकारात्मक परिवर्तन ल्याई प्रभाव पार्न सक्तछौ।

--------------=--------------

आजको निम्ति मात्र:-म शान्ति को साथ बोलेर र कार्य गरी आफ्नो जीवन लाई जिएर विश्व को शान्ति लाइ बढावा दिने गर्नेछु।

06/05/2026

Just for today, May~6

Are we having fun at? (के हामी रमाइलो लि रहेका छौ ?)

“चाडै नै हामी आफुलाई आरामदायी महसुस गर्ने छौ र सुधारको वातावरण को आनन्द लिनेछौ।”

Basic Text, p. 56

---------------=--------------

यसो एकपटक सोच्नु होस् कि यदि कुनै न्यु कमर हाम्रो कुनै यस्तो बैठक आयो र जहा उनको सामना कुनै यस्तो समुह संग भएको होस् जहाको सदस्य हरु को अनुहार हेर्दै मा सबै निराश, हताश, आफ्नो हत्केला को मुट्ठी हरुले जोर संग कुर्ची को बिड लाइ समाती रहेको, र कालो निलो अनुहार मात्र बनाएको होस, तब त्यो न्यु कमर त्यो बैठक कोठा बाट यो गुनगुनाउदै बाहिर निस्कने गर्दछ कि “मैले त यो सोचेको थियो कि मैले नशा बाट छुटकारा पाउने छु र म एकदम प्रशन्नचित्त हुनेछु।“

सौभाग्यवश हाम्रो न्यु कमर हरुको सामना प्राय जस्तो यस्तो हंशमुख फेलोशिप र मित्रवत भएको समुहको साथी हरु संग हुने गर्दछ जो आफ्नो दैनिक जीवन संग केहि धेरै हद सम्म सन्तुष्ट छन् जसलाई उनीहरुले यहा नार्कोटिक्स एनोनिमस मा आएर पाएका हुन्। यो सबैले धेरै ठुलो आशा जगाई दिने गर्दछ। त्यो न्यु कमर जसको आफ्नो जीवन उसलाई नै मृत्यु तुल्य भएको छ उनीहरुलाई यहाको रमाइलो र हासिलो र आरामदायी वातावरण ले आकर्षित गर्ने गर्दछ। त्यस्तो स्थान बाट आउनु जहा हरेक कुरा हरुलाई एकदमै गम्भीरता को साथ् लिने गरिन्छ, जहा भयन्कर प्रकोप हरु अर्को कुना मा प्रतीक्षा गरेर बसेको हुने गर्दछ त्यहा यस्तो कक्ष मा प्रवेश गर्नु त्यस्तो व्यक्ति हरुलाई भेट्नु जसले आफैलाई लाइ त्यति गम्भीरता को साथ् लिने गर्दैन र सधै कुनै नया आश्चर्य को तयार रहेर बस्ने गर्दछ।

हामी सुधार मा आफ़ुलाइ हल्का बनाउन सिक्ने गर्दछौ। हामी आफ्नो दुर्व्यसन प्रति को आफ्नो मुर्खता लाइ देखेर हास्ने गर्दछौ। हाम्रो बैठक कक्ष, यो कालो चिया को गिलास, कुर्ची हरुको आवाज, अनि हासी रहेको दुर्व्यसनी हरु त्यो नै हाम्रो मिलन स्थल हो जहा हामी सबै भन्दा पहिला न्यु कमर लाइ स्वागत गर्ने गर्दछौ र उनीहरुलाई यो बुझाउने गर्दछौ कि हामी रमाइलो लिनेछौ।

-------------=--------------

आजको निम्ति मात्र:-म आफै प्रति हास्न सक्ने छु। म हँसी मजाक सहन सक्ने छु। आज म केहि रमाइलो लिएर आफुलाई हल्का बनाउने छु।