28/02/2026
ममता स्मृति युवा क्लबद्वारा आयोजना गरिएको Grassroots Football Program – 2082 सफलतापूर्वक सुचारु भएको जानकारी गराउन पाउँदा हामी अत्यन्त हर्षित छौँ।
१४ वर्षभन्दा मुनिका विभिन्न उमेर समूहका बालबालिकाहरूको उत्साहजनक सहभागिताले कार्यक्रम अत्यन्त प्रभावकारी र प्रेरणादायी बनेको थियो। कार्यक्रममा जम्मा ८३ जना खेलाडीहरू सहभागी भएका थिए, जसमा:
👧 छात्रा – २४ जना
👦 छात्र – ५९ जना
बालबालिकाहरूले उच्च मनोबल, अनुशासन र समर्पणका साथ प्रशिक्षण तथा खेल गतिविधिमा सक्रिय सहभागिता जनाएका थिए। यस कार्यक्रमको मुख्य उद्देश्य बालबालिकामा लुकेका फुटबल प्रतिभाहरूको पहिचान गर्नु, आधारभूत फुटबल सीप विकास गर्नु तथा अनुशासन र टिमवर्कको भावना अभिवृद्धि गर्नु रहेको थियो।
कार्यक्रम सफल बनाउन प्रत्यक्ष तथा अप्रत्यक्ष रूपमा सहयोग गर्नुहुने सम्पूर्ण अभिभावकज्यू, प्रशिक्षक, स्वयंसेवक तथा खेलप्रेमी महानुभावहरूमा हार्दिक धन्यवाद व्यक्त गर्दछौँ।
साथै, कार्यक्रमलाई सहकार्य र मार्गदर्शन प्रदान गर्नुहुने Kailali District Football Association (KDFA) प्रति ममता स्मृति युवा क्लब विशेष कृतज्ञता व्यक्त गर्दछ। उहाँहरूको सहयोग र समर्थनले कार्यक्रमलाई अझ व्यवस्थित र सफल बनाउन महत्वपूर्ण भूमिका खेलेको छ।
यो कार्यक्रम प्रत्येक हप्ता २ दिन शुक्रबार र शनिबार हुने जानकारी गराउँदछौं।।
आगामी दिनहरूमा पनि यस्ता खेलकुद कार्यक्रमहरूलाई निरन्तरता दिँदै स्थानीय स्तरमै उत्कृष्ट खेलाडी उत्पादन गर्ने हाम्रो प्रतिबद्धता रहेको छ।
🙏 धन्यवाद
⚽ ममता स्मृति युवा क्लब
📍 कैलाली
