02/03/2026
डिपिएल कनकाई र पिईएफ रिडर्स क्लबको संयुक्त आयोजनामा फाल्गुन १७ गते आइतवारदेखि फक्तालुङ एजुकेसन फाउन्डेसन, दुर्गापुरमा बालबालिकाको साहित्यिक रचनाको अनुभव वाचन कार्यक्रम “PEF कलम चौतारी” सञ्चालन भइरहेको छ।
कार्यक्रमको पहिलो दिन डिपिएल नेपाल का २०२६ राष्ट्रिय अध्यक्ष दिवस खतिवडा, राष्ट्रिय वरिष्ठ उपाध्यक्ष गुणराज गिरी लगायतको उपस्थितिमा कार्यक्रम सम्पन्न भएको थियो।
त्यसैगरी दोस्रो दिन डिपिएल नेपाल का २०२५ राष्ट्रिय अध्यक्ष अनु खत्री, डिपिएल कनकाईका संस्थापक अध्यक्ष, जनप्रतिनिधि तथा अन्य विशिष्ट व्यक्तित्वहरूको उपस्थितिमा कार्यक्रम भव्य रूपमा आयोजना गरिएको छ।
उक्त कार्यक्रममा बालबालिकाहरूले आफ्ना सिर्जनात्मक साहित्यिक रचनाहरू वाचन गर्दै आत्मविश्वास, प्रस्तुतीकरण क्षमता तथा पठन संस्कृतिको विकासमा महत्वपूर्ण योगदान पुर्याइरहेका छन्।
