Help Madheshi Nepal

28/06/2026

यहाँहरूको सक्षम नेतृत्वमा संस्थाले नयाँ उचाइहरू हासिल गर्दै अझ सशक्त, एकताबद्ध तथा प्रभावकारी रूपमा अघि बढ्ने पूर्ण विश्वास व्यक्त गर्दछौं। सम्पूर्ण कार्यसमितिलाई सफल, उपलब्धिमूलक तथा ऐतिहासिक कार्यकालको हार्दिक शुभकामना व्यक्त गर्दछौं। यहाँहरूको कार्यकाल संस्थाको प्रगति, एकता र सेवाभावलाई अझ सुदृढ बनाउन सफल रहोस् भन्ने शुभकामना। 💐💐

– हेल्प मधेशी परिवार, नेपाल –

Help Madhesi Kuwait Central Committee Members Details.💐💐

21/06/2026

हेल्प मधेसी साउदी (कबानी दलान) द्वारा आर्थिक सहयोग

मिति: २०८३ असार ०६

मधेश प्रदेश, जिल्ला सिरहा, मिर्चैया नगरपालिका–१०, मतलेसर निवासी श्री लालबाबु मण्डलज्यूकी धर्मपत्नी गम्भीर क्यान्सर रोगबाट पीडित भई हाल भरतपुरस्थित क्यान्सर अस्पतालमा उपचाररत हुनुहुन्छ। उपचारका क्रममा परिवारले आफ्नो सम्पूर्ण चल–अचल सम्पत्ति बिक्री गरी उपचारमा खर्च गरिसकेको अवस्थामा पनि थप उपचारका लागि आर्थिक अभाव झेल्दै आएको थियो।

पीडित परिवारको यस दुःखद अवस्थालाई मध्यनजर गर्दै समाजसेवामा निरन्तर क्रियाशील हाम्रो गौरवशाली संस्था हेल्प मधेसी साउदी – कबानी दलान द्वारा पीडित परिवारलाई उपचारमा सहयोग पुगोस् भन्ने उद्देश्यले ने.रु. १,०१,०१०/- (एक लाख एक हजार दश रुपैयाँ मात्र) आर्थिक सहयोग हस्तान्तरण गरिएको छ।

यस मानवीय सहयोग अभियानमा प्रत्यक्ष तथा अप्रत्यक्ष रूपमा सहयोग गर्ने सेवकगण सहयोगी मन, हेल्प मधेसी परिवारप्रति हार्दिक आभार व्यक्त गर्दछौं। साथै, पीडित महिलाको शीघ्र स्वास्थ्य लाभको कामना गर्दछौ

तन... मन ..धनस
"मानवताकै लागि हाम्रो अभियान"

10/06/2026

मृगौला रोगका कारण आमाको निधनपछि बालबालिकाको शिक्षाका लागि हेल्प मधेसी मलेसिया द्वारा आर्थिक सहयोग।

मधेश प्रदेश, जनकपुरधाम उपमहानगरपालिका वडा नं. १९ बेँगा शिवपुर निवासी दिलिप दासकी पत्नी मनिता कुमारी दास लामो समयदेखि मृगौलासम्बन्धी समस्याबाट पीडित रहँदै आएकी थिइन्। उपचारका क्रममा उनको दुःखद निधन भएपछि परिवार गम्भीर आर्थिक तथा सामाजिक समस्यामा परेको छ। विशेषगरी उनका सन्तानहरूको शिक्षा–दीक्षामा प्रत्यक्ष असर पर्ने अवस्था सिर्जना भएको थियो।

पीडित परिवारको कम्जोर आर्थिक अवस्थालाई मध्यनजर गर्दै हेल्प मधेसी मलेसियाले मानवीय उत्तरदायित्व निर्वाह गर्दै स्वर्गीय मनिता कुमारी दासका सन्तानहरूको शैक्षिक भविष्यलाई सहयोग पुग्ने उद्देश्यले रु. १५,००० (पन्ध्र हजार रुपैयाँ) आर्थिक सहयोग प्रदान गरेको छ। संस्थाले कठिन परिस्थितिमा रहेका परिवारका बालबालिकाहरूको शिक्षा निरन्तरता कायम राख्न सहयोग गर्नु समाजप्रतिको दायित्व भएको जनाएको छ।
सहयोग हस्तान्तरण कार्यक्रममा संजय यादव, विजय कुमार मण्डल, राजेन्द्र यादव तथा बजरंग मण्डलको उपस्थिति रहेको थियो। उपस्थित समाजसेवीहरूले विपत्तिमा परेका परिवारलाई साथ दिनु नै साँचो मानव सेवा भएको उल्लेख गर्दै आगामी दिनहरूमा पनि यस्ता मानवीय तथा सामाजिक कार्यहरूलाई निरन्तरता दिने प्रतिबद्धता व्यक्त गरेका छन्।

हेल्प मधेसी मलेसियाको यस सहयोगले पीडित परिवारमा आशा र भरोसाको सन्देश प्रवाह गरेको स्थानीयवासीहरूले बताएका छन्।

09/06/2026

मधेश प्रदेश , जनकपुरधाम उपमहानगरपालिका–११ निवासी दिपा मण्डल को पत्नी राजकुमारी मण्डलका नाति दिव्यम मण्डल हाइड्रोसिल रोगबाट पीडित भएपछि उपचारका लागि आर्थिक समस्या झेलिरहेका थिए। परिवारको आर्थिक अवस्था अत्यन्त कमजोर रहेको जानकारी प्राप्त भएपछि बालकको उपचारमा सहयोग पुर्‍याउने उद्देश्यले हेल्प मधेसी मलेसिया केएल शाखा बाट आर्थिक सहयोग प्रदान गरेको छ।
मानवीय सेवाको भावनालाई आत्मसात गर्दै हेल्प मधेसी मलेसियाले दिव्यम मण्डलको उपचारका लागि रु. २१,००० (एक्काइस हजार) आर्थिक सहयोग उपलब्ध गराएको छ। उक्त सहयोगले उपचार प्रक्रियामा केही राहत पुग्ने विश्वास व्यक्त गरिएको छ। संस्थाले विपन्न, असहाय तथा स्वास्थ्य समस्याबाट पीडित व्यक्तिहरूलाई आवश्यक सहयोग गर्दै आएको बताइएको छ।
सहयोग हस्तान्तरण कार्यक्रममा त्यहाको स्थानीय समाजसेवी तथा गाउँ बासी को उपस्तिथि थियो साथै हेल्प मधेस नेपालको कार्यबाहक अध्यक्ष संजय यादव, अन्तर्राष्ट्रिय सचिव विजय कुमार मण्डल, धनुषा जिल्ला अध्यक्ष राजेन्द्र यादव तथा सदस्य बजरंग मण्डलको विशेष उपस्थिति रहेको थियो। उपस्थित व्यक्तिहरूले मानवीय सेवाभन्दा ठूलो धर्म अरू कुनै नभएको उल्लेख गर्दै भविष्यमा पनि यस्ता सामाजिक कार्यहरूलाई निरन्तरता दिने प्रतिबद्धता व्यक्त गरेका छन्। हेल्प मधेसी मलेसियाको यस सहयोगी कार्यको स्थानीयवासीहरूले समेत प्रशंसा गरेका छन्।

06/06/2026

"जहाँ पुग्दैन स्थानीय सरकार त्यहाँ पुग्छ हेल्प मधेशी परिवार घर मर्मतका लागि
आर्थिक सहयोग नेपाली रु.१५,१००/-

मधेस प्रदेश धनुषाधाम नगरपालिका वडा न.-१ गाउँ धनुषाका स्थानीय बासी विनाेद कुमार दास काे आर्थिक अवस्था एकदमै नाजुक रहेकाे हुनाले बस्ने घर पुर्ण रुपले क्षतिग्रस्त रहेको छन घर मर्मतका लागि गाैरवसाली संस्था हेल्प मधेशी साउदी अरेबिया बाट आर्थिक सहयोगकाे अपिल गरेका थिए। उहाँको अपिल स्विकार्दै हेल्प मधेशी साउदी अरेबिया द्वारा न्यानो माया सानाे सहयोग स्वरुप रु.१५,१००/- अक्षरेपी पंद्रह हजार एक सय रुपैया रकम पठाउनु भएको छ।
उक्त सहयोग रकम लिएर नेपाल टिम द्वारा विनाेदकाे घरमै पुगि स्थानीय युवाहरुकाे उपस्थितिमा रकम हस्तान्तरण गरिएको छ।

सहयोगी दलानहरु:-
१) सेकेन्ड सनैया दलान =SR100
२) माँ जानकी दलान = SR100
३) सिटकाे अलखैर दलान = SR100
४) अपन दलान = SR25
५) सामुहिक दलान = SR25
६) जनसेवा दलान = SR25

सहयोगी सम्पुर्ण सेवकमित्रहरु लाई हिर्दय देखि धन्यवाद व्यक्त गर्दछु अगामी दिनहरुमा यस्तै साथ सहयोगकाे अपेक्षा गर्दछु। “प्रार्थना गर्ने ओठहरु भन्दा सेवा र सहयोग गर्ने हातहरु पवित्र हुन्छन्।"

जिन्दगी एउटा सुन्दर सपना हाे, जसमा जिउने चाहना हुनुपर्याे।
दु:ख आफैं सुखमा बदलिन्छ, बस अरु लाई साथ सहयोग गर्ने बानी हुनुपर्याे। हेल्प मधेशी संस्था तन..मन..धन..सँ। 🙏🤝

31/05/2026

हेल्प मधेशीद्वारा आर्थिक सहयोग

मधेस प्रदेश जिल्ला सर्लाही, चक्रघट्टा गाउँपालिका वडा नं. ५ पडरिया निवासी श्री शिवजी भण्डारीको घर हावाहुरीका कारण पूर्ण रूपमा क्षतिग्रस्त भई बसोबास गर्न कठिन अवस्था सिर्जना भएको थियो।

पीडित परिवारलाई राहत तथा घर पुनर्निर्माणमा सहयोग पुर्‍याउने उद्देश्यले हेल्प मधेशी मलेसिया, जोहरबारु दलानद्वारा नेपाली रुपैयाँ १५,००५।- (पन्ध्र हजार पाँच रुपैया ) आर्थिक सहयोग उपलब्ध गराइएको छ। उक्त सहयोग रकम हेल्प मधेशीका सेवक तथा सदस्यहरूको उपस्थितिमा पीडित श्री शिवजी भण्डारीलाई हस्तान्तरण गरिएको हो।

हेल्प मधेशीले विपद्का कारण समस्यामा परेका परिवारहरूको जीवन पुनर्स्थापनामा सहयोग पुर्‍याउने उद्देश्यका साथ निरन्तर मानवीय सेवाका कार्यहरू सञ्चालन गर्दै आएको छ। यस सहयोगले श्री भण्डारीको घर निर्माण तथा पुनर्स्थापनामा केही राहत पुग्ने विश्वास गरिएको छ।

सहयोग प्रदान गर्ने हेल्प मधेशी मलेसिया, जोहरबारु शाखाका सम्पूर्ण सहयोगी मनहरू प्रति हार्दिक धन्यवाद तथा आभार व्यक्त गर्दछौँ।

07/05/2026

हेल्प मधेशी नेपालद्वारा पीडित परिवारलाई भैँसीको बच्चा सहयोग

हेल्प मधेशीनेपालद्वारा जिल्ला सप्तरी महदेवा गाउँ पालिका वार्ड -४ वस्ने वोमा सदाको घरमा विधुत सर्किट सट भई आगलागी भएको हुदाँ सम्पूर्ण सर सम्मान चलेर नष्ट भएको अवस्थामा सहयोग

पीडित परिवारको जीवन पुनरुत्थान गर्ने उद्देश्यका साथ भैँसीको बच्चा सहयोग गरिएको छ।

हालै आगलागीका कारण ठूलो क्षति व्यहोरेर समस्यामा परेका पीडित परिवारलाई आत्मनिर्भर बनाउन तथा दैनिक जीवनयापन सहज होस् भन्ने उद्देश्यले हेल्प मधेसी साउदीले भैँसीको बच्चा प्रदान गरेको छ।
सहयोग हस्तान्तरण कार्यक्रममा संस्थाका केन्द्रीय सदस्य समीर शेख , सप्तरी जिल्ला अध्यक्ष आदित्य यादव मेयर सुनिल कु.मण्डल उपस्थित भई पारी हास्ताक्षण गरियो
दुःखको समयमा पीडित परिवारलाई साथ दिनु नै

मानवताको सबैभन्दा ठूलो धर्म हो।

साथै आगामी दिनमा पनि विपन्न, गरिब तथा असहाय परिवारको सहयोगमा संस्था निरन्तर सक्रिय रहने प्रतिबद्धता व्यक्त गरिएको छ।
पीडित परिवारले कठिन परिस्थितिमा आफूहरूलाई सहयोग गरेकोमा हेल्प मधेशी नेपालप्रति आभार व्यक्त गरेका छन्। स्थानीयवासीहरूले समेत संस्थाको सामाजिक कार्यको प्रशंसा गरेका छन्।

06/05/2026

हेल्प मधेसीद्वारा मृगौला पीडित बालकलाई आर्थिक सहयोग

२०८३ वैशाख-२०

मधेश प्रदेश, जिल्ला सिरहा, मिर्चैया नगरपालिका वडा नं. ७ निवासी तमबहादुर सार्खीका ८ वर्षीय छोरा सन्देश कुमार सार्खीको बायाँ मृगौला खराब भई उपचारका लागि गम्भीर अवस्था सिर्जना भएको थियो।

आर्थिक अभावका कारण परिवारले गाउँ तथा समाजबाट सहयोग संकलन गरी बालकको मृगौला प्रत्यारोपण (अपरेशन) गराइसकेका छन्।

तर, अपरेशन पश्चात् निरन्तर औषधी सेवन तथा शरीरभित्र राखिएको पाइप निकाल्ने प्रक्रियाका लागि आवश्यक खर्च जुटाउन परिवारलाई कठिनाइ भइरहेको छ ।

दैनिक जीवनयापन समेत कठिन अवस्थामा रहेको परिवारले आफन्त तथा समाजबाट ऋण सापटी गरी उपचार गराएको भए पनि हाल थप उपचार खर्च व्यवस्थापन गर्न नसकेको जानकारी प्राप्त भएको छ।

सहयोगी संस्था “हेल्प मधेसी” अन्तर्गत अन्तर्राष्ट्रिय सदस्य राम यादवले आफ्नो कर्मभुमि कतारका सिसोर अल्मुनियम कम्पनीमा कामगर्ने साथिहरुवाट रकम सङकलन गरी सन्देश वावुको लागि पठाउँनु भयो। हामी सम्पूर्ण सेवकगण उपस्थित भई .रु १६००५/- नेपाली रकम हास्ताक्षण गरियौँ।

धन्यवाद सहयोगी साथीहरू लाई 🙏

06/05/2026

हेल्प मधेसीद्वारा आर्थिक सहयोग

२० वैशाख २०८३
जिल्ला सिरहाको मिर्चैया नगरपालिका वडा नं.–७ फुलबरिया निवासी दिनेस (दिलजार) खानकी ३७ वर्षीया पत्नी नौसविन खातुन केही महिना अघिदेखि पक्षघात (प्यारालाइसिस/लकवा) रोगबाट पीडित भएकी छन्।

रोगका कारण उनको शरीरका अधिकांश अंग निष्क्रिय बनेका छन् भने हाल छोराछोरीको सहारामा दैनिक जीवनयापन भइरहेको जनाइएको छ।

दैनिक ज्यालादारी गर्दै परिवारको गुजारा चलाउँदै आएका पति दिलजार खानमाथि यस्तो स्वास्थ्य संकट आइपर्दा परिवार आर्थिक रूपमा अत्यन्त कमजोर अवस्थामा पुगेको छ।
परिवारलाई दुई छाक खाना जुटाउने कि बिरामीको उपचारका लागि औषधि खरिद गर्ने भन्ने गम्भीर समस्यामा परेका दिनेस खानले गाउँ समाजमा सहयोग मागदै, याचना गर्दै उपचारलाई निरन्तरता दिँदै आएका थिए।

केही समय उपचारपछि स्वास्थ्य अवस्थामा आंशिक सुधार देखिए पनि पछिल्लो समय औषधि खरिदका लागि आवश्यक रकम अभाव हुँदा पीडित महिला एक सातादेखि औषधिविना नै कष्टकर अवस्था भोग्न बाध्य भएको जानकारी प्राप्त भएको छ।

यही अवस्थालाई मध्यनजर गर्दै सहयोगी संस्था हेल्प मधेसी ले मानवीय सहायताअन्तर्गत नौसविन खातुनको उपचारका लागि आवश्यक औषधि खरिद गर्न नेपाली रुपैयाँ ११,००० (एघार हजार) आर्थिक सहयोग प्रदान गरेको छ।

01/05/2026

धनुषाधाम नगरपालिका–७, किसानपुर निवासी करिब १५ वर्षीय कृष्णा कुमार मुखिया भारतको बैंगलोरबाट घर फर्कने क्रममा पटना नजिकै भएको सवारी दुर्घटनामा गम्भीर रूपमा घाइते भएका छन्। हाल उनको उपचार काठमाडौंमा भइरहेको छ आर्थिक अवस्था अत्यन्त कमजोर भएकाले परिवार उपचार खर्च जुटाउन असमर्थ भएपछि विदेशमा रहेका सामाजिक संस्था हेल्प मधेसी मलेसिया ले मानवीय भावनासहित आर्थिक सहयोग उपलब्ध गराएको हो।
उक्त सहयोग हेल्प मधेसी मलेसिया का केन्द्रीय अध्यक्ष प्रमोद कुमार महतो तथा हेल्प मधेसी नेपालका कार्यवाहक अध्यक्ष संजय यादव र विजय मण्डलको नेतृत्वमा संकलन तथा हस्तान्तरण गरिएको हो। संस्थाले विदेशमा रहेका नेपाली तथा मधेसी समुदायलाई एकजुट गर्दै आपतकालीन अवस्था, दुर्घटना तथा विपद्को समयमा निरन्तर सहयोग गर्दै आएको जनाएको छ। पीडित परिवारलाई उपचारका लागि आवश्यक आर्थिक सहयोग हस्तान्तरण गर्दै संस्थाले मानवीय सेवामा आफ्नो प्रतिबद्धता पुनः दोहोर्याएको छ।
सहयोग प्राप्त भएपछि स्थानीयवासीहरूले हेल्प मधेसी मलेसिया संस्थाप्रति गहिरो आभार व्यक्त गरेका छन्। उनीहरूले विदेशमा रहेर पनि आफ्नै गाउँ–समाजका पीडितहरूको दुःखमा साथ दिएको भन्दै संस्थाको कार्यको खुलेर प्रशंसा गरेका छन्। जिल्ला अध्यक्ष राजेन्द्र कुमार यादवसहित स्थानीय प्रतिनिधिहरूले पनि यस मानवीय सहयोगको उच्च मूल्याङ्कन गर्दै आगामी दिनमा पनि यस्ता सामाजिक कार्य निरन्तर रहोस् भन्ने अपेक्षा व्यक्त गरेका छन्।