Mithila Wildlife Trust

05/08/2026

05/08/2026

https://mwt.org.np/2026/07/05/snake-in-a-residential-house-is-an-emergency/

घरमा सर्प देखिनु आपतकालीन अवस्था हो : उद्धार र सुरक्षित स्थानान्तरणको जिम्मेवारी स्थानीय सरकारले लिनुपर्छ । Leave a Co...

03/08/2026

स्थानिय नामः मछगिद्दी
नेपाली नामः ईन्द्रेणी सर्प
English Name: Olive Keelback
Scientific Name: Enhydris enhydris

मुख्यतया पानी भएको क्षेत्र वा सिमसार क्षेत्र वरिपरी, धानखेत, पोखरी, खोला–नाला तथा ताल–तलैयामा पाईने अर्ध–जलचर सर्प हो । यो हल्का विषालु भए पनि यसको विष मानिसका लागि हानिकारक हुँदैन । यो सर्प स्वभावले शान्त हुन्छ र यसले मान्छेलाई टोके पनि प्राणघातक मानिँदैन । यसले मुख्य रुपमा साना माछा, भ्यागुता, कीरा–फट्यांग्रा र साना जलचर जीवहरुको संख्या सन्तुलनमा राख्न महत्वपूर्ण भूमिक निर्वाह गर्दछ । यसको माथिल्लो भाग ईन्द्रेनी–हरियो रंगको हुन्छ र पेटतिर हल्का पहेँलो वा सेतो घेराहरु हुन्छन् ।

यसको उपस्थितीले सिमसार क्षेत्रको प्राकृतिक स्वास्थ्य अवस्था दर्शाउँछ । मधेशका खेतबारीमा गरुड प्रजातीका चराहरुले ढोँरिया सर्पका साथै यो सर्प पनि खाईरहेको प्रायः देख्न सकिन्छ ।

02/08/2026

नेपाली नामः चुइयाँ चैतेचरा
English Name: Savanna Nightjar
Scientific Name: Caprimulgus affinis
Location: Dhanusha, Madhesh Province, Nepal.

मुख्यतया खुला चौर, झाडीबुट्यान, खेतीयोग्य जमिन र सुक्खा घाँसे मैदानमा पाइने एक nocturnal (रातिको समयमा सक्रिय हुने) चरा हो। यसको शरीरको रङ सुकेको पात र माटोसँग मेल खाने (camouflaged) खैरो, छाला रङ र कालो बुट्टा भएको हुन्छ, जसले गर्दा दिउँसोको समयमा भुइँमा वा चट्टानमा बसिरहँदा यसलाई सजिलै देख्न सकिँदैन। यो चरा विशेष गरी साँझपख र राति उड्दै हावामा रहेका कीरा-फटेङ्ग्राहरूको शिकार गर्न माहिर हुन्छ। प्रजनन समयमा यसले भाले चराले साँझतिर उड्दै गर्ने विशेष किसिमको तिखो र एकोहोरो आवाज (chirping/cwip sound) बाट सजिलै पहिचान गर्न सकिन्छ। यसले निश्चित गुँड बनाउनुको सट्टा भुइँकै खाली वा सुक्खा ठाउँमा अण्डा पार्ने गर्छ र वातावरणीय सन्तुलन कायम राख्न तथा हानिकारक कीराहरूको नियन्त्रणमा यसको महत्त्वपूर्ण भूमिका रहन्छ।

01/08/2026

स्थानिय नामः ढील
नेपाली नामः सिमकुखुरा
English Name: White-breasted Waterhen
Scientific Name: Amaurornis phoenicurus

सेतो छाती भएको सिमकुखुरा दक्षिण तथा दक्षिणपूर्वी एसियाका सिमसार क्षेत्रहरूमा पाइने आकर्षक चरा हो। यसको शरीर गाढा खरानी रङको, अनुहार तथा छाती चम्किलो सेतो, पुच्छरमुनि खैरो-रातो र खुट्टा पहेँला हुन्छन्। यो पोखरी, दलदल, धानखेत र बगैंचाको झाडी वरिपरि हिँडिरहेको देखिन्छ र कीरा, साना माछा, बीउ तथा अन्य साना जीवहरू खान्छ।

28/07/2026

नेपाली नामः कैलो रबिन
English Name: Brown Rock Chat
Scientific Name: Cercomela fusca

कैलाे रबिन दक्षिण एसियामा पाइने सानो र फुर्तिलो चरा हो । यसको शरीर खैरो–खरानी रङको हुन्छ, पुच्छरमा कालो र सेतो ढाँचा देखिन्छ र यो प्रायः ढुंगा वा अग्लो ठाउँमा बसेर कीरा खोज्छ । यसले कीरा, साना किरा–फट्यांग्रा तथा अन्य साना जीव खान्छ र आफ्नो मधुरो स्वर तथा पुच्छर हल्लाउने बानीका कारण सजिलै चिनिन्छ । मधेश प्रदेशको राजधानी जनकपुरधाममा प्रशस्तै देखिने यो चरा अहिले विस्तार हुँदै गरेका क्षेत्रहरूमा २ देखि ३ वटासम्म बच्चाहरू हुर्काइरहेका सजिलै देख्न सकिन्छ।

https://mwt.org.np/2026/07/25/confirmed-breeding-record-of-the-brown-rock-chat-in-janakpur-dhanusha-madhesh-province-nepal/

26/07/2026

स्थानीय नामः घोंर करैत/ढोंर करैत
नेपाली नाम: करेत
English Name: Common Krait
Scientific Name: Bungarus caeruleus

करेत सर्प नेपालका तराई तथा मिथिला क्षेत्रमा सजिलै पाइने अत्यन्त विषालु, तर प्रायः राति सक्रिय हुने सर्प हो। यसले मुसा, छेपारा र अन्य साना सर्प खाएर पारिस्थितिक सन्तुलन कायम राख्न महत्त्वपूर्ण भूमिका खेल्छ। राति घर वा खेतबारी नजिक देखिन सक्ने भएकाले यसलाई नछुने, सुरक्षित दूरी कायम गर्ने र देखिएमा डिभीजन वन कार्यालय, नगर प्रहरी वा सुरक्षा निकायलाई खबर गर्ने गरौँ।

राती झुल लगाएर सुत्दा यस सर्पबाट राती सुतिरहेका बेला हुने सर्पदंशका घटनाहरूबाट जोगिन सकिन्छ ।