30/07/2026
इटहरी उपमहानगरपालिकाले ३ दिन विद्यालय बन्द गर्ने निर्णय गर्दा आरोप–प्रत्यारोप वा निकृष्ट टिप्पणी गर्नु आवश्यक छैन। पछिल्लो समय सुनसरीमा भएको दुःखद घटनाले इटहरीलाई पनि प्रत्यक्ष प्रभाव पारेको थियो। इटहरी–१६ र १७ नम्बर वडामा निषेधाज्ञासमेत जारी भएको सुरक्षा अवस्थालाई मध्यनजर गर्दै विद्यार्थीहरूको सुरक्षाका लागि यो निर्णय गरिएको हो।
घटनाको नाम जोडेर बिदा घोषणा गर्दा विद्यार्थी र अभिभावकमा अनावश्यक डर, त्रास र मानसिक पीडा नहोस् भन्ने उद्देश्यले यसलाई 'गर्मी बिदा' भनिएको हो। यसको अर्थ सत्य लुकाउनु होइन, बालबालिकाको मनोविज्ञानको संरक्षण गर्नु हो।
भदौ २४ गते विद्यालय पोसाकमै आन्दोलनमा गएका आफ्ना सन्तानलाई समयमै रोक्न सकिएको भए, सायद आज त्यो परिवारले यस्तो पीडा र देशले यस्तो क्षति व्यहोर्नु पर्ने थिएन।
त्यसैले विकसित सुरक्षा परिस्थिति र सम्भावित जोखिमको मूल्याङ्कन गर्दै इटहरीले थप कुनै अभिभावकको आँखामा आँसु नआओस् भनेर विद्यालय बन्द गर्ने निर्णय गरेको हो।
घरबाट सन्तानलाई विद्यालय पठाउने जिम्मेवारी तपाईंको हो, तर उनीहरूलाई सुरक्षित रूपमा घर फर्काउने जिम्मेवारी हाम्रो पनि हो। हामी पनि अभिभावक हौँ। हाम्रो पनि दायित्व, कर्तव्य र संवेदनशीलता छ।जयनेपाल