NNJS Gulmi District Eye Care Centre

16/10/2026

08/10/2026

गुल्मी । विश्व दृष्टि दिवसको अवसरमा उपल्लो तम्घास माविका बहिरा तथा फरक क्षमता भएका बिद्यार्थीको आँखा जाँच गरिएक....

08/10/2026

विश्व दृष्टि दिवस २०२६ को अवसरमा "Love Your Eyes, Save Your Sight" "आँखालाई माया गरौँ, दृष्टिको रक्षा गरौं" भन्ने नाराका साथ नेपाल नेत्रज्योति संघ गुल्मी, जिल्ला आँखा उपचार तथा शल्यक्रिया केन्द्र गुल्मीद्वारा उपल्लो तम्घास मा.वि. तम्घासका भिन्न क्षमता तथा बौद्धिक अपाङ्गता भएका १८ जना विद्यार्थीहरूको निःशुल्क आँखा परीक्षण गरी ३ जना विद्यार्थीलाई चस्मा र १ जनालाई थप उपचारको लागि भैरहवा रिफर गरिएको छ।
संघका का.वा. सभापति पदमप्रसाद पाण्डेको अध्यक्षता र सह-सचिव कृष्णप्रसाद पोख्रेलको सञ्चालन रहेको कार्यक्रममा प्रमुख अतिथि प्रमुख जिल्ला अधिकारी श्री मोतिराम सापकोटा, रे.न.पा. वडा नं ९ का वडाध्यक्ष तथा विद्यालय व्यवस्थापन समितिका अध्यक्ष श्री कृष्णप्रसाद पाण्डे, विद्यालयका प्र.अ. मधुप्रसाद गौतम, लगायत शिक्षक शिक्षिका, जिल्ला आँखा उपचार तथा शल्यक्रिया केन्द्रका प्रमुख दृष्टि विशेषज्ञ विज्ञान भुसाल र पत्रकार महासंघ गुल्मीका पूर्व अध्यक्ष टोपलाल अर्याल लगायतको उपस्थिति रहेको थियो
कार्यक्रममा प्रमुख अतिथि प्रमुख जिल्ला अधिकारी सापकोटाले नेपाल नेत्रज्योति संघले आँखा उपचार सेवामा पुर्‍याएको योगदान प्रति प्रशंसा व्यक्त गर्दै सबैले दृष्टिको रक्षा गर्न सचेत हुनुपर्ने एवं आन्तरिक र बाह्य दुवै दृष्टिको रक्षा गर्नुपर्ने बताउनु भएको थियो । सभाध्यक्ष पाण्डेले विश्व दृष्टि दिवसको अवसरमा नेपाल नेत्र ज्योति संघको योगदान र जिल्लामा गरिरहेको कार्यहरु माथि प्रकाश पार्दै समय समयमा दृष्टि परीक्षण गरी आँखालाई माया गर्न र दृष्टिको रक्षा गर्न आग्रह गर्नुभयो। विश्व दृष्टि दिवस प्रत्येक वर्षको अक्टोबर महिनाको दोस्रो बिहिबार विश्वभर मनाइन्छ ।

22/09/2026

नेपाल नेत्रज्योति संघ अन्तर्गत लुम्बिनी नेत्र विज्ञान अध्ययन संस्थान तथा अनुसन्धान केन्द्र श्री रण अम्बिका शाह आँखा अस्पतालको कर्मचारीको रूपमा २०४८/०९/१९ देखि नियुक्त भई २०६१/०८/०१ देखि २०८३/०५/२० सम्म यस नेपाल नेत्रज्योति संघ जिल्ला आँखा उपचार तथा शल्यक्रिया केन्द्र गुल्मीको कार्यालय प्रमुखको रूपमा सेवारत रही यस क्षेत्रका नागरिकहरूको आँखा उपचार सेवामा विशिष्ट योगदान पुर्याउनुका भएका र २०८३ भाद्र २१ गतेदेखि सेवा निवृत्त हुनुभएका वरिष्ठ नेत्र अधिकृत श्री सूर्यबहादुर बस्नेतलाई एक औपचारिक समारोहका बीच विदाई कार्य सम्पन्न गरिएको छ। साथै सोही अवसरमा नवनियुक्त कार्यालय प्रमुख दृष्टि विशेषज्ञ श्री विज्ञान भुसाललाई स्वागत कार्यक्रम सम्पन्न गरिएको छ।