26/12/2025
साथ, सहभागिता र सहकार्यका लागि आभारी छौं🙏
पर्यटकीय नगरी धुलिखेललाई केन्द्रबिन्दु बनाउँदै काभ्रेपलाञ्चोक जिल्लामा प्रचुर सम्भाब्यता भएका पर्यटकीय गन्तब्यहरुको पहिचान, ब्यवस्थापन, सौन्दर्यकरण, प्रचारप्रसार र तीनको पूर्ण सदुपयोग गर्दै जिल्लालाई सुब्यवस्थित, बिबिध पर्यटकिय सम्पदाहरुसहितको पर्यटकमैत्री जिल्लाको पहिचान दपलाउँदै नमूना पर्टकीय गन्तव्यको रुपमा स्थापित गराउने अभियान अन्तरगत होटल संघ, काभ्रेपलाञ्चोकले धुलिखेल नमोबुद्ध शंखु हुँदै बल्थली सम्मको Orange Blossom Hike बाट शुरुवात गरेको छ।
यस अभियानलाई सफल र उपलब्धिमूलक बनाउन महत्वपूर्ण सहयोग र सहकार्यका लागि धुलिखेल नगरपालिका पर्यटन परिषद्
प्रति विशेष आभारी छौं।
रोटरी क्लव अफ धुलिखेल, NYEF काभ्रे च्याप्टर, नमोबुद्ध १, धुलिखेल १२ तथा पनौती ११ का वडाध्यक्षज्यूहरुको भूमिका र साझेदारीका लागि अनुग्रहित छौं।
कार्यक्रमको बारेमा विशेष चासो र प्राथमिकताका साथ प्रचार प्रसार तथा समाचार सम्प्रेषण गरिदिनुहुने र सहभागी हुनुहुने सञ्चारमाध्यम तथा सहृदयी सञ्चारकर्मी मित्रहरुप्रति कृतज्ञ छौं।
यस कार्यक्रमलाई विशेष प्राथमिकतामा राखि आफ्नो महत्पूर्ण समय प्रदान गर्नुहुने जिल्ला समन्वय समितिका प्रमुखज्यू, धुलिखेल नगरपालिकाका नगरप्रमुखज्यू, उपप्रमुखज्यू, प्रमुख जिल्ला अधिकारीज्यू लगायत सुरक्षानिकायका प्रमुखज्यूहरु, कार्यालय प्रमुखज्यूहरुप्रति विशेष आभारी छौं।
हाम्रो आमन्त्रणलाई सहर्ष स्विकारेर सहभागी हुनुहुने नेपाल फिल्म सोसाईटीका अध्यक्ष कृष्ण मल्ल लगायत बरिष्ठ कलाकारहरुको टिम, टुर एवम् ट्राभल एजेन्सिका प्रतिनिधि, कन्टेन्ट क्रियटर लगायत सम्पूर्ण अभियन्ताहरुप्रति विशेष आभार ब्यक्त गर्दछौं साथै कार्यक्रममा साथ सहयोग सहभागिता र महत्वपूर्ण भूमिकाका लागि विभिन्न संघसंस्थाका प्रतिनिधिज्यूहरु, उद्योगी ब्यवसायी, स्वदेशी तथा विदेशी सम्पूर्ण सहभागिहरुप्रति विशेष धन्यवाद ब्यक्त गर्दै यहाँहरुसँगको निरन्तर साथ सहयोग र हातेमालोका लागि अपेक्षा एवम् बिश्वास् ब्यक्त गर्दछौं🙏
