JCI Dharan, Nepal

15/06/2026

15/06/2026

धरान जेसीज सप्ताह २०२६ अन्तर्गत (चौथो दिन)”कला प्रतियोगिता" 🎨

“दिगो भविष्यका लागि युवा: वातावरणीय कार्यका लागि चित्रकला" भन्ने मूल नाराका साथ धरान जेसीजले ‘चित्रकला प्रतियोगिता' आयोजना गर्न गइरहेको जानकारी गराउन पाउँदा हामी निकै उत्साहित छौँ।

🔹 योग्यता: कक्षा ७, ८, ९ र १० मा अध्ययनरत विद्यार्थीहरू
🔹 दर्ता शुल्क: रु. २५०/-🔹
दर्ता गर्ने अन्तिम मिति: २ असार, २०८३
🔹 कार्यक्रम हुने मिति र समय: ३ असार, २०८३ (बिहान ११:०० बजेदेखि)
🔹 स्थान: नेपाल रेडक्रस सोसाइटी सुनसरी हल, धरान-१

आफ्नो सिर्जनात्मक कलामार्फत वातावरणीय परिवर्तन र भविष्यका लागि आवाज उठाउने यो सुनौलो अवसरलाई नगुमाउनुहोला! थप जानकारीका लागि पोस्टरमा उलिखित सम्पर्क नम्बरहरूमा सम्पर्क गर्न सक्नुहुनेछ।

15/06/2026

“परिवर्तित विश्वका लागि नेतृत्व विकास"

धरान जेसीजको गौरवमय प्रस्तुति 'जेसीज सप्ताह २०२६' को तेस्रो दिन अन्तर्गत महेन्द्र बहुमुखी क्याम्पस धरानको स्वतन्त्र विद्यार्थी युनियन (स्ववियु) सँगको सहकार्यमा "बैंकिङ तालिम" (Banking Training) आयोजना हुन गइरहेको छ।
यस कार्यक्रममा बैंकिङ प्रणाली, वित्तीय साक्षरता र भविष्यका लागि बचत गर्ने सही तरिकाहरूबारे विस्तृत छलफल र प्रशिक्षण गराइनेछ।

कार्यक्रमको विवरण:
📅 मिति: २ असार, २०८३
⏰ समय: बिहान ११:०० बजेदेखि
📍 स्थान: महेन्द्र बहुमुखी क्याम्पस, धरान-१०
वित्तीय ज्ञान र सचेतना अभिवृद्धि गर्ने यस महत्वपूर्ण सेसनमा यहाँहरू सबैको गरिमामय उपस्थितिका लागि हार्दिक निमन्त्रणा गर्दछौँ। 🙏

15/06/2026

धरान जेसीज सप्ताह: मैत्रीपूर्ण फुटसलमा धरान जेसीजलाई १–० ले हराउँदै पत्रकार महासंघ सुनसरी विजयी

धरान जेसीजले आयोजना गरेको सप्ताहव्यापी कार्यक्रमअन्तर्गत मैत्रीपूर्ण फुटसल खेलमा नेपाल पत्रकार महासंघ सुनसरीले धरान जेसीजलाई १–० गोलले पराजित गर्दै जीत हासिल गरेको छ।

कडा प्रतिस्पर्धात्मक खेलमा निर्णायक गोल गर्दै पत्रकार महासंघ सुनसरीले जित सुनिश्चित गरेको थियो। खेलको उद्घाटन प्रमुख अतिथि किशोर राई ले रेफ्रीलाई बल हस्तान्तरण गर्दै गरेका थिए। उहाँ कोशी फुटबल संघका अध्यक्ष तथा धरान खेलकुद मञ्चका अध्यक्ष समेत हुनुहुन्छ।

कार्यक्रमको संयोजन सहिल तामाङ ले गरेका थिए। आयोजकका अनुसार खेललाई आपसी सम्बन्ध विस्तार, सहकार्य वृद्धि तथा स्वास्थ्यप्रति सचेतना अभिवृद्धि गर्ने उद्देश्यसहित आयोजना गरिएको हो।

धरान जेसीजका अध्यक्ष सागर प्रसाईं ले यस्ता कार्यक्रमले संस्था–संस्थाबीचको सम्बन्ध अझ मजबुत बनाउने विश्वास व्यक्त गरे। कार्यक्रमको सञ्चालन तथा उद्घोषण महासचिव रीमा थापा मगर ले गरेका थिए।

कार्यक्रममा धरान जेसीजका पूर्व अध्यक्षहरू जेसी संदीप शाक्य र जेसी बसन्त कर्माचार्य, JCI Nepal Foundation का अध्यक्ष जेसी विष्णु बराल, तथा नेपाल पत्रकार महासंघ सुनसरी का अध्यक्ष सन्तोष काफ्ले लगायतको उपस्थिति रहेको थियो।

समापनमा आयोजकले सहभागी सबै खेलाडी, अतिथि तथा सहयोगीप्रति आभार व्यक्त गरेका थिए।

सप्ताहव्यापी कार्यक्रमअन्तर्गत भोलि बैंकिङ सचेतना तालिम (Banking Awareness Training) आयोजना हुने जानकारी तालिम संयोजक प्रशान्त राई ले दिएका छन्।

Debu BaniyaJCI NEPAL

15/06/2026

14/06/2026

धरान जेसिज सप्ताह २०२६ को भव्य उद्घाटन, रक्तदान कार्यक्रमबाट सुरुवात

धरान, असार — धरान जेसिज वर्ष २०२६ द्वारा आयोजित “जेसिज सप्ताह २०२६” को आज पहिलो दिन वृहत् रक्तदान कार्यक्रममार्फत भव्य रूपमा उद्घाटन गरिएको छ।

धरान जेसिजका पूर्व अध्यक्ष स्वर्गीय सुबास सिंहको स्मृतिमा आयोजित रक्तदान कार्यक्रममा कुल ७५ जना रक्तदाताले रक्तदान गर्दै सप्ताहव्यापी कार्यक्रमको शुभारम्भ गरेका हुन्।

कार्यक्रमका प्रमुख अतिथि नेपाल रेडक्रस सोसाइटी धरानका अध्यक्ष उमेश थापाले जेसिज सप्ताहको औपचारिक उद्घाटन गरेका थिए। कार्यक्रममा धरान जेसिजका पूर्व अध्यक्ष, वरिष्ठ सदस्यहरू तथा विभिन्न संघ–संस्थाका प्रतिनिधिहरूको उल्लेखनीय सहभागिता रहेको थियो।

सप्ताहव्यापी कार्यक्रमका मूल संयोजक तथा धरान जेसिजका कार्यकारी उपाध्यक्ष (EVP) जेसी शुभम शाक्य रहेका छन् भने रक्तदान कार्यक्रमको संयोजन जेसी विवेक शाहले गरेका थिए। कार्यक्रमको सभापतित्व धरान जेसिज वर्ष २०२६ का अध्यक्ष जेसी सागर प्रसाईले गरेका थिए।

कार्यक्रमलाई सम्बोधन गर्दै अध्यक्ष प्रसाईले धरान क्षेत्रमा देखिएको रगत अभावलाई मध्यनजर गर्दै जेसिज सप्ताहअन्तर्गत रक्तदान कार्यक्रमलाई प्राथमिकताका साथ समावेश गरिएको जानकारी दिए। उनले आज उद्घाटन तथा रक्तदान कार्यक्रम सम्पन्न भएको र भोलि नेपाल पत्रकार महासंघ सुनसरी र धरान जेसिजबीच मैत्रीपूर्ण फुटसल प्रतियोगिता आयोजना गरिने बताए।

यसैगरी सप्ताहभर कला प्रतियोगिता, स्वास्थ्य शिविर, योग कार्यक्रम, बैंकिङ सम्बन्धी तालिम, सहयोग तथा दान कार्यक्रमसहित समापन समारोहलगायत विविध कार्यक्रमहरू सञ्चालन हुने जानकारी दिइएको छ।

करीब ५ लाख रुपैयाँको लागतमा आयोजना हुने जेसिज सप्ताहका कार्यक्रमहरूले सामाजिक उत्तरदायित्व, नेतृत्व विकास तथा सामुदायिक सेवाका विभिन्न पक्षलाई समेट्ने मूल संयोजक जेसी शुभम शाक्यले जानकारी दिए।

धरान जेसिजले आयोजना गरेको सप्ताहव्यापी कार्यक्रमले सामाजिक सेवासँगै युवाहरूको नेतृत्व विकास र समुदायप्रतिको उत्तरदायित्वलाई थप मजबुत बनाउने अपेक्षा गरिएको छ।

14/06/2026

समाचार स्वास्थय धरान जेसिस ले ‘जेसिस सप्ताह २०२६’ अन्तर्गत विशेष रक्तदान कार्यक्रमको आयोजना ३१ जेठ २०८३ धरान, । .....

14/06/2026

स्वास्थ्यको लागि खेलकुद ।
धरान जेसीज सप्ताह दोस्रो दिन धरान जेसीजद्वारा आयोजित फुटसल प्रतियोगितामा सहभागी हुन सम्पुर्ण जेसीजमनहरुलाई कार्यक्रममा उपस्थित भई खेलको मनोरञ्जन लिनूहून सम्पूर्णमा हार्दिक आह्वान गर्दछौं।

📅 मिति: १५ जुन २०२६ (०१ असार २०८३)
🕗 समय: बिहान ७:०० बजेदेखि
📍 स्थान: B.B futsal , धरान–१६