𝐌𝐢𝐭𝐡𝐢𝐥𝐚 𝐘𝐨𝐮𝐭𝐡 𝐍𝐞𝐭𝐰𝐨𝐫𝐤 𝐌𝐘𝐍 मिथिला युवा संजाल

14/04/2026

आज नयाँ वर्षको सुरुवातसँगै नयाँ कामको शुभारम्भ भएको छ । हाम्रो यस संस्थाको आयोजना र धनुषा जिल्ला हक्की संघको समन्वयमा १० सेट जुत्ता हक्की खेलाडीहरुलाई प्रदान गरिएको छ ।

नेपाल हक्की संघले सार्वजनिक गरेको राष्ट्रिय टिमको लागि तय गरिएको राष्ट्रिय टिमको क्याम्पमा मिथिला नगरपालिका बाट ६ जना हक्की ‌खेलाडीहरु छनौट भएकोमा, उनीहरुलाई
मिथिला नगरपालिका -७ का अमर पौडेलले १० सेट जुत्ता प्रदान गरिएको हो । साथै नयाँ वर्षको अवसरमा मिथिला युवा सञ्जाल ढल्केवर, धनुषा जिल्ला हक्की संघ र हक्की खेलाडीहरुबिच शुभकामना आदानप्रदान एवम् राष्ट्रिय टिमको क्याम्पमा छनौट भएका खेलाडीहरुलाई बधाई तथा शुभकामना व्यक्त गरेका थिए।

08/11/2025

इलाका प्रहरी कार्यालय ढल्केबरका प्रहरी निरीक्षक लक्ष्मण केसी ज्यूसँग आज विभिन्न संघ–संस्थाका प्रतिनिधिहरूको सहभागीता रहेको परिचयात्मक कार्यक्रम सम्पन्न भयो।
कार्यक्रममा स्थानीय क्षेत्रका विभिन्न क्लबका अध्यक्षहरू, सञ्जालका प्रतिनिधिहरू तथा सरोकारवाला व्यक्तिहरूको उल्लेखनीय उपस्थिति रहेको थियो।

कार्यक्रमका दौरान यस क्षेत्रमा भइरहेका विभिन्न गलत गतिविधिहरू र चुनौतीपूर्ण अवस्थाहरूलाई खुलेर प्रस्तुत गर्दै समाधानका उपायहरूबारे पनि विस्तृत छलफल गरिएको थियो।

परिचयात्मक कार्यक्रमसँगै क्षेत्रीय सुरक्षा, सामाजिक गतिविधि, समन्वय र सहकार्यका विषयहरू समेत उठाइए, जसले भविष्यमा अझ प्रभावकारी रूपमा काम गर्न सकिने विश्वास दिलायो।

07/11/2025

धरमेन्द्र बचाउ अभियान
उपचारका लागि आर्थिक सहयोगको अपिल प्यारालाइसिस (लकवा) मुटु राेग लागेर हात खुट्टा काम गर्न छाडेपछि वहालाइ उपचार गराउनु पन्ने भएकाेले गर्दा परिवारले सहयोगका लागि अपिल गरेको छ। मिथिला नगरपालिका–५ धनुषा मा स्थायी बसोबास गर्दै आएका ४५ वर्षीया धमेनद्र महताेकाे जीवनरक्षाका लागि आर्थिक सहयोगका लागि याचना गरेको हो।
Esewa number :9803868107
Bank account num:27855618140013
Bank Name : Himalayan Bank Ltd
Name : DHARMENDRA KUMAR MAHATO

थप जानकारी को लागि सम्पर्क
9803868107
9800856362
9815855974

25/10/2025

सहभागी सम्पुर्ण जनामा हार्दिक धन्यवाद।

आज मिति २०८२ कार्तिक ८ गते शनिबारका दिन धनुषा जिल्ला हक्की संघको आयोजना, मिथिला युवा सञ्जाल ढल्केबरको सहयोग र गोल्डेन त्रिदेवी सेकुरिटी सर्भिस एण्ड सप्लायर्स प्राईभेट लिमिटेड को प्रायोजक मा पुरुष र महिला मैत्रीपूर्ण एकदिवसीय हक्की प्रतियोगिता भएको छ।

धनुषा जिल्ला हक्की संघका अध्यक्ष ई.मनिष कु. महतोको अध्यक्षतामा भएको सो प्रतियोगितामा पुरुष र महिला तर्फ जनता माध्यमिक विद्यालय नक्टाझिज प्रथम र जनता बाल क्लब दोस्रो स्थान प्राप्त गरेको कुरा प्रतियोगिताका संयोजक अरुण कुमार महतोले बताउनुभएको छ । प्रतियोगितामा प्रथम र दोस्रो विजेता समुहलाई प्रमाण पत्र दिएर सम्मान गरेका थिए भने प्रतियोगिताको एमर्जिङ प्लेयर अफ दि टुर्नामेन्ट को अवार्ड बाट साजन कुमारी महतो र राजविर यादवलाई मोडेल र प्रमाणपत्र दिएर सम्मान गरेका थिए।

"खेलमा स-साना विधार्थीहरु सक्रियताका साथ लागेको देखेर आफू एकदमै उत्साहित भएको" कार्यक्रमका प्रमुख अतिथि गोल्डेन त्रिदेवी सेकुरिटी सर्भिस एण्ड सप्लायर्स प्राईभेट लिमिटेड का सञ्चालक मुन्ना सिंहले बताउनुभयो । उहाँका अनुसार खेल राष्ट्रका लागि गौरवको विषय भएको र स्थानिय खेलहरूमा आफु सक्दो सहयोग गर्ने प्रतिबद्धता व्यक्त गर्नु भएको थियो। सञ्चालक सिंहले सोही खेलको अवसर पारेर खेलाडीहरुलाई ४८ सेट खेलाडी ड्रेस उपलब्ध गराउनुको थियो ‌ ।

कार्यक्रममा विशिष्ट अतिथिका रुपमा मिथिला युवा सञ्जाल का उपाध्यक्ष बिबेक ठाकुर,सचिव भोला साह , ईलाका प्रहरी कार्यालय ढल्केवरका ईन्सपेक्टर लक्ष्मण केसी, हिमालय युवा क्लव का अध्यक्ष विजय सिंह, समाजसेवी रामविलास महतो , हक्की प्रशिक्षक रविन्द्र सिंह, श्याम बाबु नायक लगायतका स्थानिय वासीहरुको उपस्थित थियो।

22/10/2025

प्रहरी निरीक्षक जटाशंकर यादव ज्यूको १३ महिने प्रभावशाली कार्यकालको समापन

(२०८१-०६-०९ देखि २०८२-०७-०५ सम्म)

आज ढल्केवरमा सरको बिदाई कार्यक्रम सम्पन्न भयो। उहाँको विदाईले यहाँका जनताको मनमा गहिरो भावनात्मक छाप छाडेको छ।

इ.प्र.का.ढल्केवरमा उहाँको आगमनसँगै सुरक्षाको अनुभूति जनमानसमा बढ्यो। जनसहभागिता, अनुशासन र सत्यनिष्ठा उहाँको कार्यशैलीको पहिचान बन्यो। कसैको राजनीतिक दबाब वा व्यक्तिगत स्वार्थले उहाँलाई प्रभावित गर्न सकेन।

राति–दिन जनसेवामा तत्पर रहँदै उहाँले प्रहरीको गरिमा बढाउनुको साथै सामाजिक सन्तुलन, अपराध नियन्त्रण र मानवतामा आधारित दृष्टिकोण अवलम्बन गर्नुभयो। ढल्केवर मेला, पर्व र भीड व्यवस्थापनमा उहाँको संयम प्रशंसनीय रह्यो। जनताको हरेक समस्या सुनेर तुरुन्त समाधान खोज्ने बानी उहाँको विशेषता रह्यो।

आजको बिदाई कार्यक्रममा उहाँले भन्नुभयो, "यो १३ महिना मेरो जीवनको सबैभन्दा यादगार अवधि रह्यो। ढल्केवरका मानिसहरू मेरा लागि परिवारजस्तै हुनुहुन्थ्यो।"

उहाँजस्ता इमानदार र व्यावहारिक प्रहरी अधिकारी हाम्रो देशका गौरव हुन्। ढल्केवर तपाईको नामसँग अब सदैव जोडिनेछ।

हजुरलाई सदैवको लागि शुभकामना! 🙏🇳🇵

#प्रहरी_निरीक्षक_जटाशंकर_यादव
#ढल्केवर
#जनसेवा
#शुभकामना
ई.प्र.का. ढल्केबर धनुषा

15/10/2025

नगरबासी मतदाता साथी, भाई - बहिनीहरू, युवा वर्ग, जन समुदाय, किसानहरू, शिक्षकहरू

जनताको चाहनाअनुसार जनप्रतिनिधिहरु चलिदिएको भए, सुशासनमात्रै कामय गरिदिएको भए, भ्रष्टाचारलाई घटाउन प्रयासमात्रै पनि गरिदिएको भए, देखिने होइन महसुस गरिने प्रकारको विकासमा जोड दिएको भए हामीले स्वतन्त्र उम्मेदवारी दिनुपर्ने थिएन । 'अटेरी' बन्नु कसैको रहर हुने थिएन ।

दलीय अकर्मण्यता विरूद्ध अटेरी उम्मेदवारी दिएर हामीले स्वतन्त्र नागरिकको कर्तव्य पूरा गर्नुपर्ने हुन्छ मातृभूमिप्रतिको न्यूनतम कर्तव्य पालनाको 'अटेरी' जिम्मेवारी अब तपाईंको हातमा छ ।
सबैको जय होस् ।
मिथिला अटेरी अभियान
मिथिला सुशासन अभियान

15/10/2025

मिथिलावासि साथीहरु,

सबै चिज हुँदा हुँदै पनि दरिद्र जिन्दगी बाँच्नु नालायकीपन बाहेक केही होइन । प्रसिद्ध वैज्ञानिक अल्बर्ट आइन्स्टाइन भन्नुहुन्छ : बारम्बार उही तरिकाले एउटै काम गरिरहने तर फरक नतिजा चाहने मान्छेलाई मूर्ख भनिन्छ ।

बारम्बार एउटै दलका तिनै नेतालाई मतदान गरेर नयाँ मिथिला , नयाँ समाजको आशा गर्नु मूर्त्याइँ सिवाय केही होइन । हाम्रो अभियानको लक्ष्य मूर्ख हुन अभिशप्त मतदातालाई मूर्ख नहुने विकल्प दिनु हो । विकल्पको खोज गर्ने या नगर्ने, अर्को आउदो फाल्गुण को चुनावमा उस्तै स्वास्थ्य, उस्तै शिक्षा, उस्तै सडक, उस्तै भ्रष्टाचार, उस्तै अव्यवस्था, उस्तै दुख उस्तै जिन्दगी भोग्ने कि परिवर्तनको नवीन बाटो खन्ने ? जिम्मा तपाईंको ।

कमजोरहरु इतिहास रट्छन् । साहसीहरु इतिहास रच्छन् । इतिहास रचनाको यो मौलिक अभियानमा सरिक हुन तपाईंलाई हार्दिक स्वागत छ ।
मिथिला अटेरी अभियान
Er Leo Manish Singh
Bibek Thakur
Kailash Prasad Mahato
Bhola Shah
Hari Lal Mahato
Rajiv Mahato
Ranjan Singh
Krishan Kumar Chaudhary
Ramesh Kumar Sah
Sangita Thakur
Jitendra singh
Mamta sah
Singh Rk
Aarab Singh
कैलाश प्रसाद महतो
शिव दयाल महतो
सबैको जय होस् !

23/09/2025

मिथिला युबा संजालकाे तर्फ बाट धेरै धेरै धन्यबाद

19/09/2025

18/09/2025

सूचना
आदरणीय सम्पूर्ण मिथिला नगरपालिकावासी ज्युहरू,
आम जनसमुदाय, कर्मचारी, व्यापारी वर्ग, विद्यार्थी तथा सम्पूर्ण सरोकारवाला महानुभावहरूलाई जानकारी गराइन्छ कि यस मिथिला नगरपालिकामा यस वर्षको संविधान दिवसको अवसरमा,

🗓️ मिति : २०८२/०६/०३ गते, शुक्रबार
⏰ समय : बिहान ७:३० बजे
📍 स्थान : मिथिला नगरपालिका–६, ढल्केवर चोक (गोलपार्क)
कार्यक्रम
1. सदाझैं नयाँ राष्ट्रिय झण्डा फेर्ने कार्य
2. पार्क सरसफाई अभियान
3. ट्राफिक प्रहरी कार्यालयको झटिग्रस्त भवन सञ्चालनका लागि आवश्यक सामग्रीहरू हस्तान्तरण

उक्त महान कार्यमा उपस्थित भई हातेमालो गर्नका लागि सम्पूर्णलाई हार्दिक अनुरोध गर्दछौं।
आयोजक संघ–संस्था :
१. मिथिला युवा सञ्जाल
२. मिथिला उद्योग वाणिज्य संघ
३. खानेपानी तथा सरसफाई उपसमिति
४. मिथिला ब्याडमिन्टन क्लब
५. लयस्न कल्ब अफ मिथिला
६. उद्योग परिसंघ, मधेश प्रदेश
७. मिथिला नगर पत्रकार सञ्जाल

17/07/2025

🏑 स्वास्थ्यका लागि खेलकुद, राष्ट्रका लागि खेलकुद! 🇳🇵
एक दिवसीय अन्तरविद्यालय स्तरीय महिला तथा पुरुष 5'S' हक्की च्याम्पियनसिप – 2082
📅 मिति: 2082 श्रावण 1 गते
📍 स्थान: श्री जनता माध्यमिक विद्यालय, नकटाझिज, मिथिला नगरपालिका–2, धनुषा

जनता मावि तथा जनता हक्की युथको संयुक्त आयोजनामा आयोजित यो प्रतियोगिता मिथिला नगरपालिकाका नगर प्रमुख श्री महेन्द्र महतो ज्यूको प्रमुख आतिथ्यमा भव्य रूपमा सम्पन्न भएको छ।
कार्यक्रममा युवा खेलाडीहरूलाई उत्साह प्रदान गर्न निमन्त्रणा स्वीकार गरेर उपस्थित हुनु भएका:

🔸 मिथिला नगरपालिका वडा नं२का सदस्यज्यूहरू
🔸 वि.व्य.स. सदस्यज्यूहरू
🔸 वि.व्य.स.का भू.पू. अध्यक्षज्यूहरू
🔸 विभिन्न सहयोगी समाजसेवी महानुभावहरू
🔸 साथै सक्रिय रूपमा साथ दिइरहनु भएका मिथिला युवा सञ्जालका पदाधिकारीज्यूहरूलाई
हार्दिक धन्यवाद तथा आभार प्रकट गर्दछौं।

यस्ता प्रतियोगिताहरूले युवा प्रतिभा पहिचान, खेलकुदको प्रवर्द्धन र राष्ट्र निर्माणमा योगदान पुर्‍याउने विश्वास लिएका छौं।

🙏 तपाईंहरूको साथ, समर्थन र उपस्थिति हाम्रो लागि निरन्तर प्रेरणाको स्रोत रहिरहोस्।

#मिथिलायुवासञ्जाल #जनता_मावि

16/07/2025

🏑 स्वास्थ्यका लागि खेलकुद, राष्ट्रका लागि खेलकुद!

मिथिला युवा सञ्जाल खेल र खेलाडीप्रति सदैव प्रतिवद्ध छ। विगतका दिनहरूमा हामीले मिथिला नगरपालिका वडा नम्बर २ मा अवस्थित जनता माध्यमिक विद्यालय मा रहेका खेलाडीहरूलाई आवश्यक सामग्रीहरू उपलब्ध गराउँदै आएका छौं।

यही क्रमलाई निरन्तरता दिँदै श्रावण १ गते (२७ जुलाई २०२५) देखि हुने
“पहिलो अन्तरविद्यालय स्तरीय पुरुष तथा महिला 5'S' हक्की च्याम्पियनसिप – २०८२”
मा पनि हामीले पूर्ण साथ र सहयोग जनाइरहेका छौं।

📍 स्थान: श्री जनता माध्यमिक विद्यालय, नकटाझिज, धनुषा
📅 मिति: २०८२ श्रावण १ गते (२७ जुलाई २०२५)

हामी सम्पूर्ण खेलप्रेमी, अभिभावक, शिक्षक, समुदायका अग्रज र युवा साथीहरूलाई प्रतियोगितामा उपस्थित भई युवा खेलाडीहरूको हौसला बढाइदिन हार्दिक आग्रह गर्दछौं।

🙏 तपाईंको उपस्थिति नै हाम्रो लागि प्रेरणाको स्रोत हुनेछ।

#मिथिलायुवासञ्जाल #जनता_मावि