10/06/2017
नव ज्योती जनता इङ्लीश स्कुल मा अर्जुन दृष्टि अनलाइन पत्रिकाको उद्घाटन -
पश्चिम क्षेत्रमा सञ्चारलाई व्यवस्थीत तथा सञ्चारको हकलाई प्रत्याभूति दिलाउनका लागि बबई गाउँपालिका वडा नं ७ मा आज अर्जुन दृष्टि अनलाइन खबर पत्रिकाको उद्घाटन गरिएको छ । पत्रिकाका सम्पादक एकराज बोहराको अध्यक्षता, बबई गाउँपालिकाका कार्यकारी अधिकृत नोखीराम वलीको प्रमुख आतिथ्यता एवं नेकपा माओवादीका बबई गाउँपालिकाका इञ्चार्ज भिमबहादुर वलीको विशिष्ट आतिथ्यतामा उद्घाटन कार्यक्रम सम्पन्न गरिएको पत्रिकाका सहसम्पादक रामबहादुर खत्रीले जानकारी दिनुभएको छ । कार्यक्रममा बोल्दै बक्ताहरुले पत्रिकाले कसैको पनि मुख पत्रकोरुपमा काम नगरी स्वतन्त्ररुपमा पत्रीकाको धर्म निभाउनुपर्ने बताउनु भएको थियो । स्वतन्त्र पत्रिकारीतालाई आत्मसात गर्दै स्थानिय धर्म, संस्कार, पर्यटकीय क्षेत्रको संरक्षण एव प्रचारप्रसार गर्न साथै स्थानिय गतिविधीलाई प्रमुख ग्राहयता दिन अनुरोध गर्नुभएको थियो । कार्यक्रममा दाङ जिल्ला तरुण दलका अध्यक्ष टिका घर्ती, नेकपा एमालेका बबई गाउँपालिका वडा नंं ६ का अध्यक्षका उम्मेदवार रामबहादुर डाँगी, वडा नं ७ का अध्यक्षका उम्मेदवार कृष्णप्रसाद चौधरी, नेकपा माओवादीका बबई गाउँपालिका वडा नं ७ का अध्यक्षका उम्मेदवार मोहनलाल थापा, रेडियो हापुरेका टोपबहादुर चौधरी, शब्दशिखा अनलाइन साहित्यीकका प्रमोद धिताल, भानुभक्त माविका प्रअ नेकमान बस्नेत, शिद्धेश्वरी आधारभूत बिद्यालयका विव्यस अध्यक्ष तिलकराम भण्डारी, धनौरी स्वास्थ्य चौकीका अहेव मोहन रावत, वेष्टर्न डेभलपमेन्टका हापुरे शाखाका म्यानेजर छविलाल भण्डारी, नवज्योति इङ्गलिश स्कुलका अध्यक्ष प्रकाश चौधरी, बुद्धीजिवि तथा समाजसेवी कुलबहादुर घर्तीलगायतकाले शुभकामना व्यक्त गर्नु भएको थियो । पत्रिकाका सहसम्पादक रामबहादुर खत्रीको स्वागत मन्तव्यबाट शुरु भएको कार्यक्रमको सहजिकरण जगत चौधरीले गर्नुभएको थियो ।।
Image may contain: one or more people, people standing and indoor
