18/06/2026
धन्यवाद ज्ञापन
एटलस वेल्फेयर अर्गानाइजेसनको आयोजना तथा बुटवल उपमहानगरपालिका वडा नं. ८ को सहयोग र समन्वयमा मिति २०८३ साल असार ४ गते अक्सफोर्ड सेकेन्डरी स्कुलमा अध्ययनरत कक्षा ९ र १० का विद्यार्थीहरूलाई लक्षित गरी सञ्चालन गरिएको “लागू पदार्थ दुर्व्यसनविरुद्ध सचेतना कार्यक्रम” भव्य, सभ्य र सफलतापूर्वक सम्पन्न भएकोमा हार्दिक खुसी व्यक्त गर्दछु।
यस महत्वपूर्ण कार्यक्रमलाई सफल बनाउन प्रत्यक्ष तथा अप्रत्यक्ष रूपमा सहयोग, समन्वय, व्यवस्थापन तथा सहभागिता जनाउनुहुने एटलस वेल्फेयर अर्गानाइजेसनका सम्पूर्ण कार्यसमिति पदाधिकारी, सदस्यहरू, स्वयंसेवक साथीहरू तथा शुभेच्छुकहरूप्रति संस्थाको अध्यक्षको हैसियतले हार्दिक धन्यवाद तथा आभार व्यक्त गर्दछु। यहाँहरूको सक्रियता, समर्पण र सहयोगबिनाको यो सफलता सम्भव हुने थिएन।
कार्यक्रम सम्पन्न गर्न आवश्यक वातावरण निर्माण गरी उत्कृष्ट सहयोग प्रदान गर्नुहुने अक्सफोर्ड सेकेन्डरी स्कुल परिवार, विद्यालय व्यवस्थापन समिति, प्राचार्य, शिक्षक-शिक्षिका तथा सम्पूर्ण कर्मचारी वर्गप्रति विशेष कृतज्ञता व्यक्त गर्दछु। साथै कार्यक्रममा उत्साहजनक सहभागिता जनाई कार्यक्रमलाई सार्थक बनाइदिनुहुने सम्पूर्ण विद्यार्थी भाइबहिनीहरूलाई पनि हार्दिक धन्यवाद व्यक्त गर्दछु।
यस कार्यक्रमका प्रमुख अतिथि बुटवल उपमहानगरपालिका वडा नं. ८ का वडाध्यक्ष श्री यज्ञप्रसाद पंगेनीज्यू, विशिष्ट अतिथि अक्सफोर्ड सेकेन्डरी स्कुलका प्राचार्य श्री दिनेश भुसालज्यू तथा अतिथिका रूपमा उपस्थित भई कार्यक्रमलाई थप गरिमामय बनाइदिनुहुने एटलस वेल्फेयर अर्गानाइजेसनका संरक्षक श्री प्रेमचन्द श्रेष्ठज्यू, संस्थापक अध्यक्ष श्रीमती कल्पना श्रेष्ठज्यू, विशिष्ट सल्लाहकार श्री भीमबहादुर श्रेष्ठज्यू, वडा सदस्य श्रीमती सविता बिकज्यू, श्रीमती सीता खनालज्यू तथा श्री तुलबहादुर थापाज्यूप्रति हार्दिक धन्यवाद ज्ञापन गर्दछु।
त्यसैगरी, कार्यक्रमको तयारी, समन्वय तथा व्यवस्थापनमा महत्वपूर्ण भूमिका निर्वाह गर्नुहुने बुटवल उपमहानगरपालिका वडा नं. ८ का वडा सचिव श्रीमती सुन्दरी आचार्यज्यूप्रति विशेष आभार व्यक्त गर्दछु।
कार्यक्रमकी प्रशिक्षक आदरणीय माला प्रधानज्यूले लागू पदार्थ दुर्व्यसनका कारण, असर, चुनौती तथा यसबाट बच्ने उपायहरूबारे अत्यन्त प्रभावकारी र प्रेरणादायी प्रशिक्षण प्रदान गरी विद्यार्थीहरूमा सकारात्मक सोच र सचेतना अभिवृद्धि गर्न महत्वपूर्ण योगदान पुर्याउनुभएकोमा विशेष धन्यवाद व्यक्त गर्दछु।
समाजमा बढ्दो लागू पदार्थ दुर्व्यसनको जोखिम न्यूनीकरण गर्दै सचेत, जिम्मेवार र सकारात्मक युवा पुस्ता निर्माण गर्ने उद्देश्यका साथ आयोजित यस कार्यक्रमलाई सफल बनाउन सहयोग गर्नुहुने सम्पूर्ण महानुभाव, सहयोगी संस्था, सञ्चारकर्मी तथा सरोकारवाला पक्षहरूप्रति हार्दिक आभार व्यक्त गर्दछु।
भविष्यमा पनि समाज रूपान्तरण, युवा सशक्तीकरण तथा जनचेतनामूलक अभियानहरूमा यहाँहरूको निरन्तर साथ, सहयोग र सद्भाव प्राप्त भइरहने विश्वास व्यक्त गर्दै पुनः एकपटक सम्पूर्णमा हार्दिक धन्यवाद ज्ञापन गर्दछु।
धन्यवाद।
विष्णुप्रसाद पन्त
अध्यक्ष
एटलस वेल्फेयर अर्गानाइजेसन
