30/06/2026
आदरणीय स्वगिय चार्टर प्रेसिडेन्टज्यू, चार्टर सदस्यज्यूहरू, पूर्वअध्यक्षज्यूहरू, रोटरी वर्ष २०२५–२६ का सम्पूर्ण पदाधिकारी, रोटरी परिवार तथा सम्पूर्ण रोटेरियन मित्रहरू,
रोटरी वर्ष २०२५–२६ मा यहाँहरूबाट प्राप्त भएको अपार माया, साथ, सहयोग, मानवीय सेवा सहित को सामाजिक कार्य र विश्वासप्रति म हृदयदेखि नै हार्दिक धन्यवाद तथा गहिरो आभार व्यक्त गर्दछु।
मानवता र समाजप्रतिको हाम्रो साझा उत्तरदायित्वलाई आत्मसात गर्दै रोटरी क्लब बुटवल डाउनटाउनले रोटरी इन्टरनेसनलका आदर्श, उद्देश्य र मूल्यअनुसार शिक्षा, स्वास्थ्य, वातावरण, सामुदायिक विकास तथा सेवामूलक विविध कार्यक्रमहरू सफलतापूर्वक सञ्चालन गर्दै यो रोटरी वर्षलाई अत्यन्त उत्साह र गौरवका साथ सम्पन्न गर्न सफल भएको छ। यो उपलब्धि कुनै एक व्यक्तिको होइन, सम्पूर्ण रोटरी परिवारको सामूहिक समर्पण, एकता र अथक प्रयासको परिणाम हो।
यस ऐतिहासिक यात्रामा प्रत्यक्ष वा अप्रत्यक्ष रूपमा साथ दिनुहुने सम्पूर्ण चार्टर सदस्यहरू, पूर्वअध्यक्षहरू, पदाधिकारीहरू, सदस्यहरू, पार्टनरहरू, स्पोन्सरहरू तथा शुभेच्छुकहरूप्रति म पुनः हार्दिक आभार व्यक्त गर्दछु।
भोलि जुलाई १ देखि नयाँ रोटरी वर्षको शुभारम्भ हुँदैछ। यस सुखद अवसरमा नयाँ नेतृत्व टोलीलाई सफल कार्यकालको हार्दिक शुभकामना व्यक्त गर्दछु। आगामी वर्ष अझ प्रभावकारी, उपलब्धिमूलक र सेवामुखी बनोस् भन्ने शुभेच्छा व्यक्त गर्दछु।
रोटरी वर्ष २०२५–२६ मा अध्यक्षको रूपमा रोटरी क्लब बुटवल डाउनटाउनको समृद्ध विरासतमा मेरो नेतृत्वबाट एउटा सानो इँटा थप्ने अवसर पाउनु मेरा लागि जीवनकै ठूलो सम्मान र गौरवको विषय बनेको छ। यहाँहरूको विश्वास र सहयोगप्रति म सदैव ऋणी रहनेछु।
आउनुहोस्, हामी सबै मिलेर रोटरी इन्टरनेसनलको आदर्शलाई अझ उजागर गर्दै क्लबको गौरवशाली विरासतलाई अझ उचाइमा पुर्याऔँ।
बाबुराम बन्जाडे
अध्यक्ष, रोटरी क्लब अफ बुटवल डाउनटाउन
धन्यवाद!
UNITE FOR GOOD
to Create lasting Impact!
Service above self
Very happy silver jubilee year 2026-27
