24/04/2025
साहित्यिक चौतारी नेपाल लुम्बिनी प्रदेशद्वारा शुभकामना आदानप्रदान तथा रचना वाचन साँझ सम्पन्न।
साहित्यिक चौतारी नेपाल लुम्बिनी प्रदेश शाखाको आयोजनामा मिति २०८२ साल वैशाख १० गते भर्चुअल रुपमा शुभकामना आदानप्रदान तथा रचना वाचन साँझ सम्पन्न भएको छ।
कार्यक्रममा न कसैको अध्यक्षता थियो भने न कोही प्रमुख अतिथिको रुपमा पाल्नुभएको थियो। उपस्थित सबै स्रष्टा सर्जकहरूलाई उच्चासनको दर्जा दिएर निधारित समयभन्दा केही ढीलो भएको उक्त कार्यक्रममा स्रष्टाहरू आफैमा विशिष्ट व्यक्तिहरू भएको हुनाले उहाँहरूलाई श्रेणीगत रुपमा छुट्याउन आवश्यक नरहेको भन्दै कार्यक्रम शुरु गरिएको थियो।
लुम्बिनी प्रदेश शाखा अध्यक्ष डीआर न्यौपानेको सञ्चालन र स्वागतबाट शुरु भएको उक्त साँझमा करिब डेढ दर्जन साहित्यकारको उपस्थिति रहेको थियो। कार्यक्रममा स्रष्टाहरूले नयाँ वर्षको शुभकामनासँगै रचना प्रस्तुत गर्नुभएको थियो। जस अनुसार अग्रज साहित्यकार लक्ष्मण ज्ञवालीले 'प्रवृति'लघुकथा , खगेन्द्र बस्यालले 'बाछिटा' हरू, गोविन्दराज पौडेलले 'भैरहवा' कविता, सरु ज्ञवालीले 'नयाँ वर्ष 'कविता, बालकुमार क्षेत्रीले साइनो र 'आउ नयाँ वर्ष' कविता, मधुसुदन पराजुली मानवले 'म एक मात्र हुँ' कविता , कविता केसरीले गजल, गोम विक्रमले मुक्तक र 'अमेरिकाको चिनो' लघुकथा , तेज बहादुर गुरुङ्ले 'कविता' शिर्षकको कविता, कमला भण्डारी ढकाले मुक्तकहरू र डीआर न्यौपाने 'सूर्य' ले 'फर्कू कसोरी घर' शिर्षकको कविता सुनाउनु भएको थियो भने विक्रम ओली र मुक्ति पोखरेलले कविहरूलाई सुनेर आनन्द लिँदै रचना वाचन साँझ उत्कृष्ट रहेको जानकारी दिनुभएको थियो। प्राविधिक कठिनाइका कारण शुभकामना आदानप्रदान तथा रचना वाचन साँझ २०८२ लाई फेसबुकबाट लाइभ गर्न भने सकिएको थिएन।
