11/09/2025
वक्तव्य
यस क्षेत्रका आदरणीय व्यक्तित्व,पुर्व मेयर तथा माननीय सांसद श्री बासुदेव घिमिरेज्यूको घर र होटलमा हालै केही जैन-जी समूहहरूले आन्दोलनको नाममा गरेको तोडफोड, लुटपाट र आगजनीजस्ता घटनाहरू घटेको समाचार सुन्दा हामी गहिरो दुःख र खेद व्यक्त गर्दछौं।
समाजमा स्वच्छ, ईमान्दार र पारदर्शी छवि कायम गर्नुभएको, समुदायको हित र विकासका लागि निरन्तर लागिरहनुभएको व्यक्तिमाथि यस किसिमको आक्रमण हुनु अत्यन्तै निन्दनीय र अस्वीकार्य कार्य हो।
शान्तिपूर्ण आन्दोलन प्रत्येक नागरिकको अधिकार भए पनि हिंसा, तोडफोड र आगजनीले हाम्रो सामाजिक सद्भाव र आपसी विश्वासमा गम्भीर चोट पुर्याउँछ। त्यसैले यस्ता घटनाले हाम्रो समुदायमा देखिएको अस्वस्थ माहोलले सबैलाई चिन्तित बनाएको छ।
हामी छिमेकी, शुभचिन्तक र उहा यस संस्थाका आजिवन सदस्यताको हैसियतले यस घटनाको कडा शब्दमा निन्दा गर्दै शान्ति, सद्भाव र आपसी सहकार्यको मार्गमा फर्कन सम्पूर्ण पक्षलाई आह्वान गर्दछौं।
यस दु:खद घडीमा हामी घिमिरे परिवारसँग पूर्ण ऐक्यबद्धता व्यक्त गर्दै उहाँको साहस र धैर्यलाई सम्मान प्रकट गर्दछौं।
