दधिराजसुवेदी पुरस्कार प्रतिष्ठान,बिराटनगर,नेपाल

  • Home
  • Nepal
  • Biratnagur
  • दधिराजसुवेदी पुरस्कार प्रतिष्ठान,बिराटनगर,नेपाल
Call Directions Contact the organization

दधिराजसुवेदी पुरस्कार प्रतिष्ठान,बिराटनगर,नेपाल बिष्णुविभु घिमिरे ,डा.तुलसी प्रसाद भट्टराई,प्रा.

भाषा साहित्य,समाज सेवा र पत्रकारिताको क्षेत्रमा विशिस्ट योगदान पुर्याउने व्यक्तिलाई पुरस्कृत गर्ने उद्येश्यले दधिराज सुवेदी पुरस्कार प्रतिष्ठानको स्थापना गरिएको छ ।

नेपाली भाषा,साहित्य,संस्कृती, शिक्षा,समाज सेवा,पत्रकारिता आदि क्षेत्रमा समर्पित बिराटनगर निवासी ७० बर्षिय प्राज्ञ दधिराज सुवेदीको सम्मानमा वहाँका सुपुत्रद्वय शरदराज सुवेदी र रुपकराज सुवेदीले प्रतिष्ठान स्थापना गर्न रु. १५ लाखको अक्षय कोषको व्यवस्था मिलाउनु भएको छ। उक्त कोषको रकमबाट प्राप्त हुने ब्याजले हरेक वर्ष प्राज्ञ सुवेदीको जन्म दिवसको अवसर पारेर दुई जनालाई रु.५१ हजार र रु.२५ हजारको राशीले पुरस्कृत गर्ने प्रतिष्ठानको उद्येश्य रहेको छ ।

प्रतिष्ठान गठन गर्न बिराटनगर मा आयोजना गरिएको एक भेला ले प्राज्ञ विवश पोखरेलको अध्यक्षतामा ९ सदस्यीय कार्य समितिको गठन गरिएको छ । जसको उपाध्यक्षमा शरदराज सुवेदी,सचिवमा दिङ्ग्लाली कान्छो र कोषाध्यक्षमा सिताराम पोख्रेल रहेका छन् । त्यसैगरी सदस्यहरुमा श्रीमती ईन्दिरा रिजाल, श्रीमती सरला चापागाईं,माधव अत्री,चूडामणि नेपाल "अकिञ्चन" र रुपक राज सुवेदी रहेनु भएको छ ।

यसैगरी सो प्रतिष्ठानको सल्लाहकारमा प्रा.बालकृष्ण पोखरेल,डा. लालानाथ सुवेदी,र श्रीमती लक्ष्मी उप्रेती लाई चयन गरिएको छ। प्रतिष्ठानका अध्यक्ष विवश पोखरेलले प्रतिष्ठानको संरक्षकमा दधिराज सुवेदी र श्रीमती मीना सुवेदी रहनु भएको जानकारी गराउनु भएको छ ।
सो प्रतिष्ठानले दधिराज सुवेदीले नेपाली भाषा,साहित्य,शिक्षा,समाज सेवा र अनुसन्धानको क्षेत्रमा गर्दै आउनु भएका बिबिध कार्यहरुको संरक्षण र सम्बर्धन गर्दै जाने कुरा पनि सो प्रतिष्ठानका अध्यक्ष पोखरेलले बताउनु भयो ।

02/09/2026

परोपकार सामुदायिक भवन बिराटनगर

31/08/2026

पुस्तकालय दिवसको अवसरमा परोपकार अभियानमा कार्यक्रम:

विराटनगर, भाद्र १५ गते।
परोपकार अभियान समूह विराटनगरको आयोजनामा १९ औं राष्ट्रिय पुस्तकालय दिवसको सन्दर्भ पारेर पुस्तकालय दिवस र परोपकार पुस्तकालयका संस्थापक प्राज्ञ दधिराज सुवेदीको स्मृतिमा एक कार्यक्रम आयोजना भएको छ। उक्त कार्यक्रममा "आजको सन्दर्भमा पुस्तकालयको आवश्यकता र दधिराज सुवेदीको बहुआयामिक व्यक्तित्वमाथि" विभिन्न विद्वानहरूले विचार प्रस्तुत गर्ने, शुभकामना तथा श्रद्धाञ्जली प्रदान गर्दै विषयवस्तु माथि चर्चा गर्ने कार्यक्रम गरिएको छ। परोपकार पुस्तकालयको स्थापनाको सन्दर्भमा संस्थापक दधिराज सुवेदीको योगदान बारे चर्चा गरिनुको साथै सुवेदीको कृतित्व र व्यक्तित्वमाथि प्रकाश पार्ने कार्यक्रम सम्पन्न भएको छ । आजको कार्यक्रममा पुस्तकालयको महत्त्वबारे प्रा. डा. भेषप्रसाद धमलाले आफ्नो विचारहरू व्यक्त गरेका छन् भने दधिराज सुवेदीको कृतित्वमाथि चर्चा गर्ने कार्य प्राज्ञ विवश पोखरेलले गरेका छन्। त्यसैगरी दधिराज सुवेदीको व्यक्तित्वमाथि प्रकाश पार्ने कार्य प्राध्यापक कविराज न्यौपानेबाट भएको छ।
उक्त कार्यक्रममा संस्थाकी सह-कोषाध्यक्ष तथा पुस्तकालय संयोजक इन्दू सुवेदीले पुस्तकालय स्थापनादेखि हालसम्मको अवस्था जानकारी गराउँदै कार्यक्रममा सहभागी हुनुहुने सम्पूर्णलाई स्वागत मन्तव्य प्रस्तुत गरेकी थिइन्। यसैगरी सचिव कुलप्रसाद पौडेलले संस्थाको गतिविधि बारे र उपाध्यक्ष किशोर भट्टराईले परोपकार अभियान समूहको स्थापनाकालदेखिको संक्षिप्त परिचय प्रस्तुत गरेका थिए।
कार्यक्रमलाई सम्बोधन गर्दै कोशी प्रदेशकी सभासद माननीय शिला दीक्षित कार्कीले परोपकार अभियान समूह विराटनगरको एउटा विशिष्ट योगदान प्रदान गर्ने संस्था मध्येएक रहेको जानकारी गराइन् । यसैगरी कार्यक्रमका प्रमुख अतिथि वरिष्ठ साहित्यकार बलराम पोखरेलले परोपकार अभियान समूहको गतिविधि र परोपकार पुस्तकालयका संस्थापक दधिराज सुवेदीको योगदानको समाजले मूल्याङ्कन गर्दै आएको र यसले समाजमा विभिन्न समुदायका मानिसहरूलाई जोड्ने सह्रानीय काम गरेको बताए। संस्थाका अध्यक्ष बाबुराम न्यौपानेको अध्यक्षतामा सम्पन्न भएको उक्त कार्यक्रममा अध्यक्षले सहभागी सम्पूर्णलाई धन्यवाद ज्ञापन गरेका थिए भने कार्यक्रमको अन्त्यमा मुलुकमा हालै घटेको विपत्तिमा परेर ज्यान गुमाएका सबैजनाको स्मरण गर्दै सामूहिक श्रद्धाञ्जली अर्पण पनि गरिएको जानकारी संस्थाका उपाध्यक्ष सोमराज कोइरालाले दिएका छन्।

https://breakingnepal.com/2026/08/31/106758/
31/08/2026

https://breakingnepal.com/2026/08/31/106758/

विराटनगर / परोपकार अभियान समूह विराटनगरले १९औँ राष्ट्रिय पुस्तकालय दिवसका अवसरमा परोपकार पुस्तकालयका संस्थापक ...

Address

Biratnagar-3, Kanya Marga
Biratnagur

Telephone

+9779842023502

Website

Alerts

Be the first to know and let us send you an email when दधिराजसुवेदी पुरस्कार प्रतिष्ठान,बिराटनगर,नेपाल posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to दधिराजसुवेदी पुरस्कार प्रतिष्ठान,बिराटनगर,नेपाल:

Shortcuts

Share