19/09/2026
🇳🇵 संविधान मन्थन–२०८३ | सुधार र संशोधनका सवालहरू
समृद्ध युवा समाज नेपालको आयोजना तथा पूर्वाञ्चल विश्वविद्यालय कलेज अफ लको समन्वयमा, पूर्वाञ्चल विश्वविद्यालय डिन हल, विराटनगरमा संविधान दिवसको अवसरमा आयोजित “संविधान मन्थन–२०८३” सम्पन्न भएको छ।
संविधान दिवस मनाउनु केवल संविधानको उत्सव होइन; संविधानले नागरिकलाई दिएको अधिकार र राज्यलाई दिएको जिम्मेवारीमाथि प्रश्न गर्ने अवसर पनि हो।
संविधान जारी भएको ११ वर्षपछि पनि जनअपेक्षा र उपलब्धिबीचको दूरीमाथि प्रश्न उठ्नु स्वाभाविक छ। किनकि संविधानको वास्तविक शक्ति त्यसका अक्षरमा होइन, नागरिकको जीवनमा त्यसको अनुभूतिमा हुन्छ।
संविधान भन्छ, “सार्वभौमसत्ता र राजकीयसत्ता नेपाली जनतामा निहित रहनेछ।”
अब प्रश्न यही हो, यो वाक्य संविधानको पानामा मात्र छ कि नागरिकको जीवनमा पनि?
यही प्रश्न, विचार र बहससँगै आजको मन्थन सम्पन्न भयो।
बहस सकिएको छैन। प्रश्न जीवित छन्।
कार्यक्रममा उपस्थित सम्पूर्ण अतिथि, वक्ता, प्राध्यापक, अधिवक्ता, विद्यार्थी, नागरिक समाजका प्रतिनिधि तथा सहभागीहरूप्रति हार्दिक आभार।
संविधान दिवसको हार्दिक शुभकामना। 🇳🇵
#संविधान_दिवस_२०८३