Blind Youth Association Nepal Chitwan Branch

22/08/2026

21/08/2026

चितवन, भदौ ५- भरतपुर महानगरपालिका–१५ फुलबारीकी निरिता पौडेल दृष्टिबिहीन छन् । स्नातक गरिरहेकी २० वर्षीया पौडेलल....

16/08/2026

मिति २०८३ साल साउन २८ र २९ गते नेत्रहीन युवा सङ्घ नेपाल (BYAN), चितवन शाखाद्वारा ARISE Project अन्तर्गत क्रियाकलाप नं. १.५ “Delivery of Community Sessions – Diverse Disability Groups (Physical, Blind and Deaf)” सफलतापूर्वक सम्पन्न गरिएको छ।

भानुचोक, रत्ननगरस्थित BYAN चितवन कार्यालयमा आयोजित दुईदिने कार्यक्रममा विभिन्न प्रकारका अपाङ्गता भएका समुदायका सदस्यहरूको सक्रिय सहभागिता रहेको थियो। कार्यक्रममा यौन तथा प्रजनन स्वास्थ्य तथा अधिकार (SRHR), प्रजनन अङ्गहरूको बनावट तथा कार्य, महिनावारी स्वास्थ्य तथा सरसफाइ, लैङ्गिक हिंसा, यौनरोग (STI), HIV/AIDS लगायतका विषयमा अन्तरक्रियात्मक छलफल, ज्ञान आदानप्रदान तथा सिकाइ गरिएको थियो।

अपाङ्गता भएका व्यक्तिहरूको SRHR सम्बन्धी ज्ञान, आत्मविश्वास र अधिकारबारे सचेतना अभिवृद्धि गर्दै समावेशी, सचेत र सशक्त समुदाय निर्माणमा यस्ता कार्यक्रमहरूले महत्वपूर्ण योगदान पुर्‍याउने विश्वास लिएका छौँ।

कार्यक्रममा सक्रिय सहभागिता जनाउनुहुने सम्पूर्ण सहभागीहरू तथा कार्यक्रम सफल बनाउन सहयोग गर्नुहुने सबैप्रति हार्दिक धन्यवाद व्यक्त गर्दछौँ। 🙏

16/08/2026

BYAN चितवनले राप्ती नगरपालिकामा उनीहरूकै मात चेपाङ भाषाबाट pure education मार्फत अपाङ्गतामुखीकरणका लागि कानुनी प्रशिक्षण सम्बन्धी सेसन सञ्चालन गरिरहेको एक झलक

15/08/2026

Blind youth Association Nepal (BYAN) चितवन शाखा अन्तर्गत सञ्चालित Advancing Rights in Sexual and Reproductive Health and Education-ARISE Project को तर्फबाट कालिका नगरपालिका, चितवनसँग स्वास्थ्य सेवामा अपाङ्गता भएका व्यक्तिहरूको पहुँच, समावेशिता र सुदृढीकरणका लागि एक महत्त्वपूर्ण एडभोकेसी मिटिङ सफलतापूर्वक सम्पन्न भएको छ।
यस बैठकमा स्वास्थ्य सेवालाई पूर्ण रूपमा समावेशी, अपाङ्गतामैत्री तथा किशोर-किशोरीमैत्री बनाउने विषयमा बृहत् छलफल भयो। बैठकमा स्वास्थ्य संघसंस्थाहरूको भौतिक संरचनामा रहेका सूचनाका प्ल्याटफर्महरूलाई सुधार गर्ने, स्वास्थ्य सेवा प्रदायकहरूका लागि व्यवहार परिवर्तन तालिम (Behavior Change Training) सञ्चालन गर्ने तथा कालिका नगरपालिकाभित्र कम्तीमा एक स्वास्थ्य चौकीलाई नमुनाको रूपमा विकास गर्ने जस्ता एजेन्डामा गहन छलफल गरियो। यसका साथै, नगरपालिकाका वेबसाइट तथा सामाजिक सञ्जालहरूलाई रिफर्म गरेर एक्सेसिबल बनाउने, न्यून लागतमा तत्कालै गर्न सकिने एक्सेसिबिलिटीसम्बन्धी भौतिक संरचनाका कामहरू सञ्चालन गर्ने र हेल्थ सर्भिस प्रोभाइडरहरूलाई तालिम दिने विषयमा पालिकाले पूर्ण प्रतिबद्धता जनाएको छ। नगरपालिकाले यसरी एक्सेसिबल बनाउनका लागि रिक्वायरमेन्टहरू के-के हुन्छन्, न्यून लागतमा तत्कालै सुधार गर्न सकिने पार्टहरू के-कस्ता हुन सक्छन् र उक्त तालिम कसरी सञ्चालन गर्दा उपयुक्त हुन्छ भन्ने विषयमा एडभोकेसी मिटिङको रिपोर्टसहितको सिफारिस पत्र (Recommendation Letter) पालिकामा बुझाउन अनुरोधसमेत गरेको छ।
उक्त एडभोकेसी मिटिङमा संस्थाको तर्फबाट अध्यक्ष किरण पन्त, सचिव संकल्प अर्याल, ARISE परियोजना फिल्ड मोबिलाइजर रोस्टन सुनुवार, सहसचिव अमृता ढकाल र BYAN चितवनकी एक्सेस एजुकेटर (दौंतरी शिक्षक) कविता आचार्यको उपस्थिति रहेको थियो भने नगरपालिकाको तर्फबाट प्रमुख प्रशासकीय अधिकृत, सामाजिक शाखा अधिकृत, स्वास्थ्य शाखा अधिकृत, योजना शाखा प्रमुख र सूचना अधिकृत लगायतका महत्त्वपूर्ण व्यक्तित्वहरूको सहभागिता रहेको थियो।

13/08/2026

🎨 Different Strokes, Common Aspirations | Art Competition 2026 सम्पन्न

अन्तर्राष्ट्रिय युवा दिवस २०२६ को अवसरमा यस वर्षको मूल नारा "Different Contexts, Common Aspirations (फरक परिवेश, समान आकांक्षाहरू)" लाई आत्मसात गर्दै FYL परियोजना अन्तर्गत नेत्रहीन युवा संघ नेपाल, चितवन शाखा द्वारा आयोजित चित्रकला प्रतियोगिता (Art Competition) सफलतापूर्वक सम्पन्न भएको छ।

यस कार्यक्रममा चितवनका १९ जना युवाहरू को उत्साहजनक सहभागिता रहेको थियो। सहभागीहरूले समावेशी समाज, गुणस्तरीय शिक्षा, दिगो भविष्य, समान अवसर तथा युवाको आकांक्षालाई आफ्ना सिर्जनात्मक कलामार्फत प्रभावकारी रूपमा प्रस्तुत गर्नुभएको थियो। सबै सहभागीहरूको सिर्जनशीलता, मेहनत र उत्साहप्रति हार्दिक धन्यवाद व्यक्त गर्दछौँ।

🏆 विजेताहरू:

🥇 प्रथम: दिल गुरुङ – भरतपुर महानगरपालिका
🥈 द्वितीय: अनुसा अधिकारी – भरतपुर महानगरपालिका
🥉 तृतीय: स्वेच्छा तिमल्सिना – कालिका नगरपालिका

🌟 Best of Practice Award:
• निर्मल कण्डेल
• निशा तामाङ

सम्पूर्ण विजेताहरूलाई हार्दिक बधाई तथा सबै सहभागी, सहयोगी र कार्यक्रम सफल बनाउन प्रत्यक्ष–अप्रत्यक्ष रूपमा साथ दिनुहुने सबैप्रति हार्दिक आभार व्यक्त गर्दछौँ।

कला केवल चित्र होइन, परिवर्तनको सन्देश हो। 💙

11/08/2026

🎨 Different Strokes, Common Aspirations | Art Competition 2026

यस अन्तर्राष्ट्रिय युवा दिवस २०२६ मा आफ्नो कलामार्फत सपना र आकांक्षा व्यक्त गर्नुहोस्!

यस वर्षको अन्तर्राष्ट्रिय युवा दिवसको मूल नाराः

“Different Contexts, Common Aspirations”

यसै नारालाई आधार बनाएर नेत्रहीन युवा संघ नेपाल चितवन शाखा ले सम्पूर्ण युवाहरूका लागि कला प्रतियोगिता (Art competition ) आयोजना गर्दैछ |

तपाईंको भविष्यको सपना कस्तो देखिन्छ?

🌱 दिगो भविष्य?
♿ समावेशी समाज?
📚 गुणस्तरीय शिक्षा?
💼 रोजगारीका अवसर?
🗣️ निर्णय प्रक्रियामा युवाको अर्थपूर्ण सहभागिता?
❤️ समानता र स्वस्थ जीवन?

चित्रकला, स्केच, वा पेन्टिङ तपाईंलाई मनपर्ने जुनसुकै कलाको माध्यमबाट आफ्नो आकांक्षा कोर्नुहोस |

यहाँ कला कति सुन्दर छ भन्दा पनि तपाईंले व्यक्त गर्न खोजेको विचार र सन्देश महत्त्वपूर्ण छ।

मिति:१२ अगस्ट २०२६
समय: बिहान ११:३० बजेदेखि
स्थान:छनोट भएका सहभागीहरूलाई पछि जानकारी गराइनेछ
सहभागिता: चितवनका सम्पूर्ण युवाहरूका लागि खुला
🏆 विजेताहरूका लागि आकर्षक पुरस्कारको व्यवस्था!

सहभागी हुन चाहनुहुन्छ?
आफ्नो नाम र सम्पर्क विवरण
WhatsApp: ९८६६११६१२३ मा पठाएर दर्ता गर्नुहोस्।