08/10/2026
निल हिरा समाजको २५औँ वार्षिक उत्सवको अवसरमा यौनिक तथा लैङ्गिक अल्पसंख्यक समुदायका लागि रुपन्देही जिल्ला तथा आसपासका जिल्लाहरूमा पुर्याउनुभएको सहयोग, सहभागिता, समानता र समावेशिताका लागि गरिएको योगदानको उच्च मूल्याङ्कन गर्दै प्रदान गरिएको यस कदरपत्रप्रति हामी सिङ्गो रुपन्देहीका यौनिक तथा लैङ्गिक अल्पसंख्यक समुदायको तर्फबाट हृदयदेखि नै आभार व्यक्त गर्दछौँ।
यो सम्मान केवल एउटा संस्थाले प्राप्त गरेको सम्मान होइन, यो हाम्रो समुदायको संघर्ष, योगदान र निरन्तर यात्राको सम्मान हो। यौनिक तथा लैङ्गिक अल्पसंख्यक समुदायको अधिकार, समानता र समावेशिताका लागि आगामी दिनमा पनि रुपन्देहीको समुदाय परिवारको साथ, सहयोग र एकतासहित यस्ता सम्मान र उपलब्धिहरूलाई अझ धेरै उचाइमा पुर्याउने हाम्रो प्रतिबद्धता रहनेछ।
यो उपलब्धि हाम्रो संस्था मात्रको जीत होइन। यो हाम्रो सम्पूर्ण समुदाय, दातृ तथा अन्तर्राष्ट्रिय निकायहरू, स्थानीय तथा प्रदेश सरकारका निकायहरू, नागरिक समाज, सञ्चार क्षेत्र तथा हामीलाई एलायको रूपमा साथ, सहयोग र समर्थन गर्ने सम्पूर्ण सहयोगीहरूको साझा उपलब्धि हो। त्यसैले यो सम्मान र जीत हामी सबैप्रति समर्पित गर्न चाहन्छौँ।
यो जीत केवल हाम्रो संस्थाको जीत होइन, यो सिङ्गो यौनिक तथा लैङ्गिक अल्पसंख्यक समुदायको जीत हो। अझ महत्वपूर्ण रूपमा, यो सिङ्गो रुपन्देहीको जीत हो।
Blue Diamond Society समाजप्रति यस महत्वपूर्ण सम्मानका लागि हार्दिक धन्यवाद तथा आगामी यात्राका लागि शुभकामना व्यक्त गर्दछौँ। हामी आशा गर्छौँ—समानता, सम्मान, सहभागिता र समावेशिताको यो यात्रा अझ बलियो र फराकिलो बन्दै जानेछ।
धन्यवाद।
जय समानता, जय समावेशिता!
