Tamu Hyula Chhoj Dhin Gurung Rastriya Parishad

27/08/2026

भाद्र ११ गते/ काठमाडौं विश्वविद्यालय स्कुल अफ एजुकेशन र तमू ह्युल छोंज धीं गुरुङ राष्ट्रिय परिषद बीच उच्च शिक्षामा गुरुङ भाषा (तमु क्युई) र संस्कृतिलाई पाठ्यक्रम र तालिम कार्यक्रमहरूमा गुणस्तरीय शिक्षा प्रवर्द्धन गर्न सहकार्य गर्ने विषयमा साझेदारीमा हस्ताक्षर भएको छ ।
यो सम्झौताले काठमाडौं विश्वविद्यालय र तमू ह्युल छोंज धीं गुरुङ राष्ट्रिय परिषदको सहकार्यमा प्रमुख पेशागत, शैक्षिक र अनुसन्धान-उन्मुख भूमिका खेल्नेछन र यसका सम्भावित सरोकारवालाहरूसम्म पुगेर गुरुङ भाषा र संस्कृति तथा अन्य शैक्षिक गतिविधिहरूलाई प्रवर्द्धन गर्न सहकार्य गर्नेछन् । दुइ संस्थाले गुरुङ भाषा र संस्कृतिसम्बन्धी अनुसन्धान परियोजनाहरूको नेतृत्व वा समर्थन गर्न, कोष परिचालन गर्न, विज्ञता आदान-प्रदान गर्नेछन र कक्षाकोठा अभ्यासकर्ताहरू, भावी शैक्षिक विज्ञहरू र शिक्षकहरूको विकासमा योगदान पुर्याउनेछन् ।
तमू ह्युल छोंज धिं गुरुङ राष्ट्रिय परिषदले काठमाडौं विश्वविद्यालय, शिक्षा संकायमा सञ्चालन हुने PGDE in GLT कार्यक्रममा अध्ययन गर्न इच्छुक सम्भावित विद्यार्थीहरूका लागि छात्रवृत्ति वा अन्य आर्थिक सहयोगका स्रोतहरू पहिचान गर्न तथा त्यस्ता स्रोतहरूसम्म पहुँच स्थापित गर्न विश्वविद्यालयलाई सहयोग गर्नेछ ।
तमू ह्युल छोंज धीं गुरुङ राष्ट्रिय परिषदले काठमाडौं विश्वविद्यालयलाई आदिवासी शिक्षा र गुरुङ भाषा शिक्षण कार्यक्रममा सम्भावित विद्यार्थीहरू जोड्न र उनीहरूको शैक्षिक अवसरहरूको लागि कोष बनाउन सहजीकरण गर्नेछ ।
आज भएको दुइ संस्था विचको सहकार्यको सम्झौता कार्य(LOL)मा तमू ह्युल छोंज धीं गुरुङ राष्ट्रिय परिषदका अध्यक्ष धनमान गुरुङ र काठमाडौं विश्वविद्यालय शिक्षा संकायका डिन प्राध्यापक डाक्टर बालचन्द्र लुइटेलले सहमति पत्रमा हस्तान्तर गरेको थियो ।

26/08/2026

विज्ञप्ति :-
आज बिहानको समयमा अकल्पनीय रुपमा तिब्बतबाट आएको अप्रत्याशित बाढिले भोटेकोसी र त्रिशूली नदि किनाराका बस्तीहरूमा भिषण क्षति गरेको समाचारले हामी स्तब्ध र मर्माहत भएका छौं । यतिबेला सो बाढिले पारेको ठूलो मानवीय क्षति र भौतिक क्षतिले सिंगो देश पिडामा परेको र बाढिपछिको उद्वार एवं प्रतिकार्यमा जुटेको छ ।
नेपाल सरकारका बिभिन्न निकायहरु राष्ट्रिय विपद् जोखिम न्यूनीकरण तथा व्यवस्थापन प्राधिकरणको संयोजनमा उद्वार कार्य र सम्भावित थप जोखिमबाट जोगाउन भरमग्दुर प्रयासमा छ । यस बेला हामी सम्पूर्ण तमू (गुरुङ) समुदाय पनि नेपाल सरकारको यस अभियानमा पूर्ण रुपमा सहभागि भै उद्वार र राहत कार्यमा जुटन आव्हान गर्दछौं । यस बेलामा हाम्रो संस्था तमू ह्युल छोंज धीं गुरुङ राष्ट्रिय परिषद अन्तर्गतको प्रदेश कार्य समिति, जिल्ला कार्य समितिहरु, भातृसंगठनहरु, आबद्ध पेशागत तथा अन्य तमू संघसंस्थाहरुलाई उद्वार कार्यमा सहयोग पुर्याउन र राहत कार्यलाई संस्थाको सदस्यहरु बिचमा अभियानको रुपमा संचालन गरि नेपाल सरकारको राहत कोषमा जम्मा गर्नका लागि हार्दिक अनुरोध गर्दछौं ।
यस अकल्पनीय रुपमा आएको बाढिमा परि निधन हुनुभएका मानिसहरु प्रति हार्दिक श्रद्धाञ्जली अर्पण र शोक सन्तप्त परिवारजनमा गहिरो समवेदना प्रकट गर्दै, घाइते हुनुभएका सबैजनाको शिध्र स्वास्थ्य लाभको कामना र सरकारबाट स्वास्थ्य उपचारको व्यवस्था गर्न र बाढिबाट विस्थापित नागरिकको भोजन र बसोबास आदिको सुनिस्चितता गर्न नेपाल सरकारको ध्यानाकर्षण गर्दछौं ।
मिति :-२०८३ भाद्र १० गते ।

धनमान गुरुङ अधिवक्ता राजु गुरुङ
अध्यक्ष महासचिव
तमू ह्युल छोंज धीं गुरुङ राष्ट्रिय परिषद
केन्द्रीय कार्यसमिति परिवार

04/08/2026

मिति २०८३ श्रावण २२ गते शुक्रबारको दिन ३२ औं विश्व आदिवासी दिवसको अवसरमा हाम्रो संस्थाको आयोजनामा सहजातिय संस्थाहरु बीचमा "आदिवासी जनजाति थातथलोको मौलिक नाम पुर्नस्थापनामा जातिय संस्थाको भूमिका" बिषयक अन्तरक्रिया सहित शुभकामना आदान प्रदान कार्यक्रम गरिने भएकोले सम्पूर्णमा गरिमामय उपस्थितिको लागि सादर अनुरोध गर्दछौं ।

21/02/2026

९ फागुन, सौराहा ।
तमू ह्युल छोंज धीं गुरुङ राष्ट्रिय परिषदको आयोजनामा र काठमाडौं विश्वविद्यालयसँगको सहकार्यमा तमू (गुरुङ) भाषा शिक्षणमा एक वर्षे (Post Graduate Diploma Education in Gurung Language Teaching) उत्तर स्नातक पाठ्यक्रम तर्जुमा कार्यशाला दोस्रो चरणको गोष्ठीको केहि तस्विर ।
अध्यक्ष धनमान गुरुङको अध्यक्षता एवं महासचिव राजु गुरुङको संचालनमा शुरुवात ।
यो कार्यशाला चितवनमा गर्नका लागि तमू ह्युल छोंज धीं गुरुङ राष्ट्रिय परिषद, चितवन जिल्ला कार्यसमितिको अनुरोधमा भएको थियो ।

31/01/2026

१७ माघ/ यस संस्थाको आयोजनामा "तमू क्युई र खेमा लिपी सम्बन्धी" राष्ट्रिय प्रशिक्षक प्रशिक्षण कार्यक्रम केन्द्रिय कार्यालयमा भाषा आयोगका माननीय डाक्टर श्री पुष्करराज भट्टज्यूको प्रमुख आतिथ्यमा सम्पन्न भयो । सोहि अवसरमा मुख्य प्रशिक्षक तथा खेमा लिपि प्रमुख अभियन्ता श्री भिम गुरुङबाट सम्पुर्ण प्रशिक्षक प्रशिक्षार्थीलाई एक दिने प्रशिक्षण कार्य भयो ।
उक्त अवसरमा तमू क्युई र खेमा लिपीको लागि अभियन्ताको रुपमा निरन्तर योगदान दिनुहुने श्री भिम गुरुङ, श्री ठाकुरजंग गुरुङ, श्री देवकुमार सुनुवार, श्री डम्बर बहादुर गुरुङ, श्री पोबिन्द्र गुरुङ, श्री तेज चहाक्ली गुरुङ, श्री खिमा गुरुङ, श्री शान्ति गुरुङ, श्री सरिता गुरुङ, श्री देवराज गुरुङ, श्री गीरमान गुरुङ र श्री सिता त्होर्जे गुरुङलाई फेटा र क्रमुले सम्मान सहित प्रमाणपत्र प्रदान गरिएको छ ।
उक्त कार्यक्रमलाई श्री पोबिन्द्र गुरुङ, श्री खिमा गुरुङ, श्री देवकुमार सुनुवार र प्रमुख अतिथिवाट मन्तव्य व्यक्त भएको थियो । सो कार्यक्रमको अध्यक्षता अध्यक्ष धनमान गुरुङबाट, कार्यक्रम औचित्य सहित स्वागत मन्तव्य बरिष्ठ उपाध्यक्ष डम्बरबहादुर गुरुङबाट र महासचिव अधिवत्ता राजु गुरुङबाट संचालन रहेको थियो ।

30/01/2026

तमू समुदायको संस्थागत विकासमा "तमू (गुरुङ) भाषा शिक्षणमा एक बर्षे (Post Graduate Diploma Education in Gurung Language Teaching ) उत्तर स्नातक" पाठ्यक्रम तर्जुमा कार्यशाला गोष्ठी-१ शुरूवात । तमू ह्युल छोंज धीं गुरुङ राष्ट्रिय परिषदको आयोजनामा भैरहेको यस कार्यमा संलग्न सबै विज्ञ सदस्यज्यूहरूमा सत् सत् नमन 🙏🙏🙏
साथै आजको कार्यशालामा सहजिकरण गरिदिनु भएकोमा काठमाडौं विश्वविद्यालयका उपप्राध्यापक डाक्टर श्री लिना गुरुङ र यस किसिमको कार्यको अनुभव आदानप्रदान गरिदिनुभएकोमा भाषाविद् श्री अजितमान तामाङ र किरात याक्थुङ चुम्लुङका केन्द्रिय अध्यक्ष श्री प्रेम येक्तेन लिम्बुज्यू र आयोजना व्यवस्थापनमा महत्वपुर्ण सहकार्य गर्नुहुने तमू धीं दक्षिण कोरिया, तमू धीं ख्यङ्साङनाम्दो शाखा र तमू धीं थेगु शाखाप्रति हार्दिक आभार व्यक्त गर्दछौं ।

22/06/2025

06/06/2025

दिन १ - तमू ह्युल छोंज धीं गुरुङ राष्ट्रिय परिषदको ५ औं राष्ट्रिय महाधिवेशनको उद्घाटन समारोहका केहि मीठो क्षणहरु 🥰🙏

06/06/2025

📢तमू ह्यूल छोंज धीं गुरुङ राष्ट्रिय परिषदको पाँचौ राष्ट्रिय महाधिवेशनद्वारा पारित २० बुँदे घोषणापत्र जारी
https://tamuhyula.org.np/news/20-points-manifesto/

तमू ह्यूल छोंज धीं गुरुङ राष्ट्रिय परिषदको पाँचौ राष्ट्रिय महाधिवेशन द्वारा निर्वाचित कार्यसमिति द्वारा २० बुँ...

06/05/2025

हिजो वैशाख २२ गते केन्द्रिय कार्यालयमा गैर आवासीय नेपाली संघ, अन्तर्राष्ट्रिय समन्वय परिषद (सन २०२५-२०२७) को लागि श्री जुनु गुरुङ (दक्षिण कोरिया) महिला उपाध्यक्षमा र श्री प्रेम गुरुङ (बेल्जियम) युरोप क्षेत्रीय संयोजकमा निर्वाचित हुनुभएकोमा यस संस्थाबाट स्वागत तथा सम्मान कार्यक्रम गरियो ।
उक्त अवसरमा एनआरएनका पूर्व महासचिव श्री जानकी गुरुङ र सल्लाहकार श्री तिलक गुरुङ (हङकङ) को विशेष उपस्थिति रहेको थियो । त्यसैगरी दक्षिण कोरिया एनआरएन राष्ट्रिय अध्यक्ष श्री बिपिनकुमार गुरुङ र पुर्व अध्यक्ष श्री लक्ष्मी गुरुङलाई पनि स्वागत तथा सम्मान कार्यक्रम गरियो ।