Voss Frivilligsentral

26/05/2026

Sjå kva me fekk i dag 🤩
100 000 kroner frå Sparebanken Norge som skal gå til gratis kveldskøyring for unge, samt Inspirasjonskveld for foreldre til tenåringar og ungdomsskuleelevar i Voss herad.

Dette er eit samarbeid mellom ulike frivillige organisasjonar, næringslivet og heradet. Stor takk til banken som gjer at me kan halda fram med dei gode tiltaka, det betyr meir enn de anar❣️

22/05/2026

Fredagens Frivillig er dyktige Knut Løne 🤩

Etter fleire år i Bergen flytta Knut heim til Voss i 2010. Sidan då har han vore aktiv i ei rekke lag og organisasjonar – mellom anna Voss Paragliderklubb, Ekstremsportveko, Ørnar og Voss MTB‑klubb.

Knut fortel:
«I dag er eg far til to gutar på 9 og 7 år som er engasjerte i ski, fotball, sykling og speidar. Eg er lagleiar i Ørnar og trenar/arrangør for terrengsykling for born opp til 10 år saman med Guri Finne Sognæs. Me har fokus på leik, meistring og å få fleire born med på sykling. MTB‑klubben jobbar òg med å utvikla nye stiar og område som gjer stisykling meir tilgjengeleg for alle – og som løftar kvaliteten på løypenettet. Me håpar endå fleire vil bli med på satsinga.»

Han var òg med i årets 17. mai‑komité, noko som gav stor respekt for alt arbeidet som ligg bak slike arrangement.

Kvifor stiller Knut som frivillig?
Fordi utan dugnad og frivillige hadde mange av tilboda for born og unge rett og slett ikkje eksistert. Knut fekk sjølv mykje glede av idrett då han vaks opp, takka vere foreldre og frivillige som stilte opp – og no ønskjer han å gi noko tilbake.

Takk, Knut, for at du bidreg til ein aktiv fritid for born og unge 💪❣️

18/05/2026

Vel overstått feiring – og sjå på denne flotte gjengen her! Dei var med på russerebusen førre veke.
Her er altså eit knippe av Natteravnene og Mc - ravnene Voss som stiller opp, medan endå fleire gjer ein enorm innsats helg etter helg.

Me treng alltid fleire ravnarar. Har du lyst til å vere med? Ta med ein ven og ta kontakt på [email protected] 🥰

15/05/2026

Møt denne blide jenta som likar å vera med på det meste – Fredagens Frivillig er Ann-Jeanette Sandven, også kalt Annie! 🙌

Gjennom åra har Annie vore frivillig i mykje forskjellig, mellom anna under Ekstremsportveko, Cowboyfest Løno, Urban Training, Badstovefestival og mykje meir.

For ho handlar frivillig arbeid mykje om å gi litt tilbake til bygda som har teke ho så godt imot.
Ho fortel:
– På Voss finn ein ei fin blanding av godheit, kreative folk, dugnadsånd og akkurat passe mykje smågal humor. Dei siste åra har det vore ekstra kjekt å få vera med og sjå oppbygginga av Voss Gatebil. Det har vore inspirerande å sjå korleis ein klubb kan skapa så mykje samhald og eit inkluderande miljø rundt ein felles interesse.

– No føler eg nesten at eg har «pensjonert» meg litt inn i styret til Voss Hagelag, noko som passar meg veldig bra. Hagen, det grøne livet og det å skapa noko som veks har blitt ei stor personleg interesse.

Annie avsluttar med:
– Eg likar tanken på å vera med og ta vare på både møteplassar, kunnskap og det fine som generasjonar før oss har bygd opp. For meg handlar frivilligheit eigentleg om å finna plassar der alle høyrer til.

Takk Annie, for at du er du! Du er god for bygda❣️

14/05/2026

Kjekk dag for Natteravnene og Mc - ravnene Voss i går. Me ynskjer russen ein god feiring 🙌🏻🥳🇳🇴

08/05/2026

Møt elveglade og engasjerte Tora – vår Fredagens Frivillig 🤩

Tora Heggem flytta til Voss i 2013 på grunn av elvene, fjella, folka og Ekstremsportveko. Ho hadde allereie lenge vore engasjert i elvesport på ulike nivå før ho flytta hit, og tok med seg det sterke engasjementet vidare til bygda.

Gjennom åra har ho mellom anna vore greinansvarleg for kajakk under Veko, konkurranseansvarleg under VM i brattpadling og bidrege i ei rekkje frivillige prosjekt. Sidan 2015 har ho òg sete i styret i Voss Naturvernlag.

Tora legg ned ein stor innsats både i Voss Elveklubb og i padlemiljøet nasjonalt – som trenar, instruktør og på dugnad. Ho er særleg oppteken av at barn og unge skal få oppleve gleda ved leikande padling, der natur, meistring, fellesskap og tilhøyrsle står i sentrum.

– Eg er oppteken av å bidra til gode fellesskap, kjekke arrangement og å ta vare på naturen vi lever av og i. Jo mindre eg må kjempe for å unngå å øydeleggje naturen, jo meir kan eg bidra til å byggje andre ting, seier Tora.

Og me er heilt einige med psykologen Tora når ho vidare seier:

– Det finst mykje forsking som viser at det å gi noko til andre og bidra til samfunnet rundt oss faktisk gir oss meir enn å få noko sjølv. Det bidreg til livskvalitet og meining. Eg vil oppmode alle som ikkje allereie er frivillige til å finne noko dei bryr seg om og bidra der dei kan. Det er bra både for deg sjølv og for samfunnet.

Takk for det go’hjarta menneske du er, Tora ❣️

07/05/2026

I går var me på plass på Bornas dag i Aktivitetsparken – ein ettermiddag med sol og snø, der ein sporty og blid gjeng deltok 🤩

03/05/2026

På onsdag er det bornas dag i Aktivitsparken, me gler oss 🤩🤸

30/04/2026

🫶

Denne gode gjengen – Natteravnene og MC-ravnene Voss, Voss Røde Kors Hjelpekorps, Voss Røde Kors, politi, vektarar og utekontaktar – er klare for å ta vare på ungdomane våre natt til 1. mai! ♥️

28/04/2026

Våren er her, og ungdomane våre samlast oftare ute. For mange foreldre kan det vera nyttig med nokre enkle råd når ein skal snakka om innetider og forventningar. Me tilrår alle foreldre til ungdom å lesa denne plakaten.