Volda Røde Kors Hjelpekorps

10/04/2026

Vi er svært stolte over at Jan Peder Hoggen er tildelt Fjellskikkprisen 2026!

Formålet med prisen er å heidre personar og institusjonar som over tid har gjort ein særleg innsats for å fremje god fjellskikk i Noreg, med vekt på trygg og ansvarleg ferdsel i fjellet.

Jan Peder har lagt ned mykje tid og innsats i mange år, noko vi er veldig takksame for. Han har bidrege i utviklinga innanfor skredredning på fleire nivå. Lokalt, nasjonalt og internasjonalt. Ein kjemperessurs som vi er kjempestolt av!

Jan Peder Hoggen er tildelt Fjellskikkprisen 2026. Tidlegare vinnarar av den høgthengande prisen er mellom andre HKM Dronning Sonja, HKM Kronprins Haakon, Den Norske Turistforening, Arne Næss, Lars Monsen, Cecilie Skog og Jens Kvernmo.

28/01/2026

Ein leiteaksjon etter ein sakna person i Fosnavåg onsdag morgon vart avslutta etter at personen vart funnen i 09.25-tida.

15/09/2025

Hjelpekorpset i Volda har delteke med søksmannskap, drone og leiarstøtte.

Det vart søndag kveld sett i gang eit omfattande søk etter ein sakna mann i Herøy. Måndag ettermiddag vart det gjort funn av ein død mann.

06/09/2025

Sanitetsvakt på melshornløpet i dag🌞

10/08/2025

Er du interessert i Friluftsliv og/eller fyrstehjelp? Kunne du tenkt deg å hjelpe andre?⛑🏔
Volda Røde Kors Hjelpekorps har oppstartsmøte måndag, 25.08.25! Møtet startar klokka 19:00 og vil gi ei innføring i kva vi driv med i hjelpekorpset i Volda. Vi held til på Røde Kors-huset i Gamle Engesetveg 7.
Dette er ei strålande moglegheit for deg som vil engasjere deg i lokalmiljøet og samtidig ha ein hobby som er sosial og ikkje minst givande!⛑
Hjelpekorpset tilbyr:
✅ Kompetanseheving i form av kurs, samlingar og øvingar
✅ Deltaking på redningsaksjonar (etter godkjenning)
✅ Ein sosial arena for deg som er fastbuande eller student
✅ Solid opplæring i førstehjelp
Ikkje nøl, kom på møtet for ein uforpliktande prat, anten du er fastbuande eller student ved høgskulen!😁
Vil du lese meir om Volda rkh? Sjekk ut nettsida vår!😀
https://www.voldahjelpekorps.no/

12/07/2025

Hjelpekorpset blei i dag varsla om ein person som hadde gått seg skårfast i nærleiken av Tyssevatnet. Posisjonen var ukjend, så vi sende mannskap både frå Bjørkesida og Hornindalsida. Den skårfaste blei etterkvart lokalisert av redningshelikopteret, som også fekk frakta personen ut av terrenget.
Takk til Stryn Røde Kors Hjelpekorps som kom for å bistå oss🤝🏽

07/07/2025

Ei helg med god aktivitet for hjelpekorpset. På laurdag hadde vi Sanitetsvakt på Hornindal rundt og på søndag bisto vi Sørøyane med eit oppdrag på Hareid.
Takk til Ørsta Røde Kors Hjelpekorps for hjelpa på Hornindal rundt!
Vi har eit godt samarbeid på tvers av kommunene på Søre Sunnmøre!

I går blei vi kalla ut for å assistere ein skadd turgåar ned frå Melshornet. Pasient reiste for vidare behandling etter vi hadde kome ned. Takk til Volda Røde Kors Hjelpekorps som blei med.

25/06/2025

Hjelpekorpset blei i ettermiddag kalla ut for å bistå AMK med å hente ut ein pasient som hadde skada seg på tur. Luftambulansa blei også kalla ut og løyste oppdraget før hjelpekorpset var framme hjå pasienten.

22/06/2025

29/05/2025

Hjelpekorpset blei tidleg i dag varsla om leiteaksjon ved Slyngstad i Haram kommune. Gjennom dagen har vi bidrege med søksmannskap og drone.

https://www.smp.no/nyheter/i/xm0P5B/leiteaksjon-i-haram?fbclid=IwZXh0bgNhZW0CMTEAAR6q1wOuM6kQQzauHHOTDDMANO0g7cWd7SJLBCFkmsx41WbILrpfLVdOzz86_g_aem_Bu1nsa1tBPGdBBIE5VIG6w

06/05/2025

I helga var vi sanitetsvakter på X2-festivalen saman med Ørsta Røde Kors Hjelpekorps! God stemning, flinke utøvarar og kjekke folk! Litt pasientbehandling blei det, men ingen alvorlege hendingar. Gratulerer med godt gjenomført festival, for 20. gong, X2 Festivalen!!