Volda Rotaryklubb

Hjem
Norge
Volda
Volda Rotaryklubb

Rotary er ein organisasjon for samfunnsengasjerte personar som arbeider for å gagne andre – lokalt og internasjonalt. Rotary i vekst – for å gagne andre.

Volda Rotaryklubb har møter kvar tirsdag kl 1930 på Volda Turisthotell Rotary – den leiande organisasjonen for samfunnsengasjerte ressurspersonar med ulik yrkesbakgrunn, som arbeidar for å gagne andre.

09/12/2025

Takk til Fora Form og flott presentasjon av admin. direktør Heidi Niss og leder bærekraft og kvalitet Heidi Lyngstad. Spennande reise og imponerande omstillingsevne.

Takk også til Ørsta Rotaryklubb for ein fin kveld.

27/11/2025

Brannvarslardagen 1 desember. Husk å byte batteri og sjekk/ bytt gamle røykvarslarar eldre enn 10 år. Sjekk slokkeutstyr.

Tusen takk til Knut Øystein Ekroll og Jørgen Hofsrud frå Volda Kommune som ga oss god nyttig informasjon rundt brannforebygging, brannvarslar, sløkkeutstyr pulver versus skum og kapasitet på apparat. Vidare nyttig om fyring, pipebrann, beksot, og ring 110 når uhellet er ute.

18/11/2025

Takk til Arne Lothe i Sparebankstiftinga for godt foredrag på vekas Rotarymøte. Stiftinga bidreg med betydelige midlar til ulike tiltak på søre Sunnmøre. Godt å sjå at middlane vert forvalta på ein god måte og som vil kome til gode for lang framtid.

11/11/2025

Takk til Gina Brøste Rundtom for særdeles interessant informasjon og omvisning på Newtonromet ved Voldabadet. Eit konsept som er styrt frå Bodø, har 53 rom i 18 land, der eit av dei er i Volda. Meir engasjert foredragsholder skal ein leite lenge etter, så her er heilt klart elevane i gode hender. Eit flott og viktig konsept for alle, frå barnehage til ungdomsskulen, som ved hjelp av kombinasjon praksis og teori er med på å gi kunnskap i fysikk og matematikk på ein anna måte enn på den tradisjonelle skulebenken. Det er ikkje fritt for at det kribla litt i hendene for oss godt voksne å kunne teste det ut meir, så potensialet for fleire brukargrupper er absolutt til stades. Ein ting er i alle fall sikkert, dette vil heilt sikkert løfte mange eit hakk opp.

09/11/2025

Takk til Natteravnane og Ung teamet i Volda for det viktige arbeidet knytt til barn og ungdom dei gjer. Det inngår også mc Ravnar på motorsykkel for å imøtekome mc miljøet. Dei er tilstades ute i gatebildet som nøytrale og skaper tryggheit, nokon å snakke med, forebyggande for rus, psykiatri. m.m.
Det blir viktig å få med foreldre på ein liten dugnad for å stabilisere dette viktige tiltaket.

28/10/2025

Flott og interessant omvisning på Grobygget i Hornindal. Fantastisk kVA dei har fått til i dette bygget, til glede for mange i Volda. Flott selskapslokale som kan leigast.
Historia til Grobygget strekk seg tilbake til slutten av 60-talet. Bygget husa Grodås Fabrikker som sydde dei berømte Gro-kjolane. På det meste var dei om lag 60 tilsette.
Grodås Fabrikker var ein viktig del av industrihistoria til Hornindal fram til midten av 80-talet, og det kom mange kvinner til Hornindal for å arbeide på fabrikken. Mange av desse har også blitt verande.

Hjartet i bygget er Grosalen, der det mellom anna er ungdomsklubb kvar onsdag. Dette store forsamlingslokale var ferdig i 2021, og er populært til utleige av konfirmasjonar, bryllaup og bursdagsfeiringar.

I tillegg husar bygget både BUA (utlån av aktivitetsutsyr) kyrkjelydsstova og bygdesamling

30/09/2025

Takk til kommunalsjef Tor Halvar Flacke Botnen v/ Volda Kommune som presenterte om eit strukturert og god kartlegging av behov, busetnad og mulig fortetning. Aktuelle planar for samfunnsutvikling i Volda og kva som skal til for å løfte Volda til ei vidare attraktiv kommune.

03/09/2025

BrAInXR er eit spennande teknologisk selskap i Volda. Starte av innovatør og IT ekspert Peder Smart Sefland. Peder Smart engasjerte forsamlinga rundt tilgjengelig AI - kunstig intelligens, og prosjekt han jobbar med i det nye selskapet. Han demonstrerte og satte opp ein AI motor under møtet som sorterte tvist😀 Takk til Peder Smart, og vi ønsker lykke til!

18/06/2025

Sommarfest med rekeaften i Berkvika på hytta til Jon, og presidentskifte. Avtroppande president Gunnar Gjersdal overleverar vervet og kjedet til Else Lill Rise. Vi gratulerar 👏👏👏. Takk til Jon for gjestfriheita som inviterte til hytta, til Frode for sangen, maten, og gjestane som samla skapte ein magisk kveld. Med det er temaet « Magic of Rotary 2024/2025» over, litt ferie og vi er klar for kjekk haust.
Har du lyst å vite meir eller bli med i Rotary ? Ta kontakt.

13/06/2025

Volda Rotary prosjekt badstove

Etter å ha sett på andre flytande saunaer , med stort besøk, kom det våren 2023 opp en strålande ide om at det skulle vi i Volda Rotary også ha. Enkelt ! Vi kjøper eit understell og bygger badstove opp- på så kan vi legge den ut i hamna.

Fullt so enkelt skulle det ikkje bli. Vi måtte skaffe støtte, konsultasjon og etablerte godt samspel med kommuna då regelverket ikkje er beint fram. Med godt samarbeid også med Volda småbåtlag fekk ein etablert ei god løysing for lokalisering. I tillegg kunne ikkje Rotary drive ei slik badestove, men etter noko søk og god dialog med Volda Esport, tok dei den oppgåva og vil drifte denne.

Endeleg etter mykje dugnadstimar og prosjektering er det ein realitet, badstova er ferdig og åpna av ordførar Sølvi Dimmen, frå Rotary til innbyggjarane!

Stor takk til:

- Volda Næringsforum for gåve på 220 000kr.

- Studentsamskipnaden i Volda for gåve på 200 000kr

- Sparebankstiftinga Søre Sunnmøre for gåve på inntil 75 000kr i støtte til søknadsprosessen.

- Volda kommune for tilskot til forankring.

- Fiskeoppdrettselskapet Ode for fri frakt av bryggeunderstell

- Kranserviceselskapet Volda kranservice for gratis sjøsetting av den ferdige badstova.

- Coop Obs Volda har gitt rabattar for materialar vi har kjøpt der

- Marina Solutions har gitt rabattar for forankring av badstova

- Rådgivande ingeniør Mulvik for støtte i søknadsprosessen

- Tømrar Magnus Vassbotn for gratis råd og kontroll.

- Volda Småbåtlag for konstruktiv dialog og leigeavtale

- Volda Esport for initiativ til å drive badstova
Tiltaket er ei gåve til Volda Esport sitt ungdomsarbeid, men også eit trivselstiltak for Volda – og Volda sentrum, begge - i tråd med verdiane til Rotary. Vi håpar og trur badstova vil verte mykje nytta til glede for både Volda Esport og brukarane.

10/06/2025

Takk til ordførar Sølvi Dimmen med flott foredrag om framdrift, mål og utfordringar til ein engasjert forsamling. Vi er einige, det er auka grad av positivitet og framdrift i Volda kommune.

I fortsettelsen, vil ordførar Sølvi i morgon kl 17:00 åpne den nye flytande badestova ( sauna) i hamna som Volda Rotaryklubb har bygd til lokalsamfunnet 👏👏👏

03/06/2025

Litt sluttarbeid og tilrettelegging for badestoveprosjektet i hamna 👏👏👏Rotaryklubben har ein drivande gjeng som prosjekterer og bygger for tida badestove. I tillegg har vi bygd 3 gapahukar i Volda ( klepp, Prestesætra og Heltnelihuken) og bidreg til internasjonale prosjekter som David School i Sierra Leone. Vi utvidar vårt sosiale nettverk, og bygg kompetanse, og så har vi sjølvsagt mykje kjekt. Vi er ein gjeng kvinner og menn som møtast regelmessig med faglig eller sosialt innhald. Er Rotary noko for deg? Ta kontakt :-)

Adresse

Skjervavegen 17
Volda
6100

Nettsted

http://www.volda.rotary.no/

Varslinger

Vær den første som vet og la oss sende deg en e-post når Volda Rotaryklubb legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Snarveier

Vil du plassere din organisasjon på toppen av Frivillig Organisasjon-listen i Volda?

Del

Type

Ideell organisasjon