26/08/2026
Som dokke veit har Olden ungdomslag dessverre hatt omfattande vasskadar i kjellaren i Aldaheim i sommar. Reparasjonsarbeidet er godt i gang, men slik situasjonen ser ut no, vil arbeidet halde fram utover hausten.
Vi beklagar for at kjellaren ikkje har vore tilgjengeleg slik vi skulle ønskje denne sommaren. Samtidig er vi svært takksame for at folk framleis vel å bruke bygdehuset vårt. Vasskadane har ført til ekstra kostnader og tapte inntekter for ungdomslaget, så vi håpar at bygda har lyst til å delta på to store hendingar på programmet: Teaterframsyning, Den dagen Nils Vik døde 10. september, og bilbasar på Alda Stadion 13. september.
Målet er at kjellaren skal vere tilbake i ny og oppussa stand i løpet av hausten 2026, og vi ser fram til oppussa kjellar og nytt aktivitetsutstyr!
