Stranda Turlag

15/06/2026

❌AVLYST! ❌
Klar for sommarsesongens første fjelltur med turlaget? 🥾☀️ (Turen blir søndag 21.06)

RUNDTUR: REVDALSHORNET (1010 moh) - AURDALSNIBBA (1126 moh)

🥾 Dato: søndag 21.juni
🥾 Oppmøte: Esso, Stranda kl 08.00, eller P-plassen nord for Rema i Sykkylven kl 08.40
🥾Turtid totalt: 7-8 timar, 1100 høgdemeter
🥾 Vanskegrad: 5/5 støvler
🥾 Turleiarar: Leif Erling Løvoll (tlf 915 78 373) og Kåre Bø (tlf 954 98 465)

Dette blir ein rundtur med start fra Sunndalssætra. Opp til toppen av Revdalshornet (1010 moh) tek det cirka 2 timar. Fin utsikt! Vidare går turen ned igjen før oppstigninga til Aurdalsnibba (1126 moh) startar.

Vil du være med på tur laurdag 20.juni? Send melding til turleiar Leif Erling (tlf 915 78 373) eller Kåre (tlf 954 98 465). 🥾☀️

15/05/2026

🇳🇴🇳🇴🇳🇴Har du lyst å starte 17.mai feiringa på Ystevasshornet? 🇳🇴🇳🇴🇳🇴
Kåre har nyleg sjekka forhalda og ein må belage seg på å bære skia ca ein halv time og 100+hm.
Yr melder førebels om opphaldsver fram til kl 8.00.

Oppmøte på parkeringsplassen ved Svartevatnet. 17. mai-toget startar kl. 6:45

Dei som vil vere med ber vi sende ei melding til turleiar Kåre Bø på 95498465 (seinast kvelden før).

Turbeskriving:
Total togtid 3-5 timar, alt etter kva meir ein skal rekke av andre tog denne dagen.
Morgontur i gryotta på nasjonaldagen. Ved Svartevatnet på fjellovergangen mellom Sykkylven og Stranda, er det stor parkeringsplass. Turen går opp Vassdalen, med ei bratt, kort renne. Vidare går turen innover dalen i retning Tindeskardvatnet, men vi held til høgre oppover. Turen til topps tek omlag to timar, med tillegg for passande pausar undervegs.
Ei framifrå flott utsikt undervegs, og frå toppen m.a. panoramutsikt til Slogen, Brekketindane og Brunstadtind.
Turen krev at ein er i god fysisk form. Vinter – og høgfjellsturutrustning, randonee/fjelltelemarkski,
skifeller m.m., mat, drikke og det norske flagg.

24/04/2026

Tur til Grøtet i helga er avlyst. Det er for lite snø.

10/04/2026

Bli med på solskinstur på ski til Hatten i morgon! ☀☀

HATTEN (1372 moh., Hornindal)

Laurdag 11.04
Oppmøte: Coop, Hellesylt kl. 09.00, eller Horndøla bru kl. 09.30
Turtid til toppen: 4 timar, om lag 1000 høgdemeter.
Vanskegrad: 4 stavar
Turleiarar: Wenche H. Ringdal, tlf. 954 36 413 og Jostein Ringdal

Ved Horndøla Bru tek vi på oss ski og går inn til Hornindalssætra . Vi går vidare eit lite stykke innover anleggsvegen før vi svingar til venstre inn mot Kringdalen. I munningen til Kringdalen dreiar vi mot høgre, og tek fatt på ryggen som tek oss bak til Nausen på 1160 moh. Her må vi 60-70 høgdemeter ned. No gjenstår den siste lange bakken som fører oss til Hatten 1371 moh.
Dersom det er gode snøforhold tek vi returen ned Kringdalen. Alternativet er å ta samme veg tilbake som vi kom opp.

20/03/2026

❌Toppturen til Blåhornet i helga er avlyst pga lite snø.

06/03/2026

❌Turen i morgon til Ansokhornet - Jolgrøhornet er avlyst pga utfordrande føreforhold.
Vi håpar værmeldingane slik at det skal vere mogleg å gjennomføre nokon av vinterturane, men langtidmeldingane er ikkje veldig lovande. Følg med her for vidare oppdateringar.

27/02/2026

Turen til Sandfjellet i morgon er avlyst pga lite snø og generelt utfordrande forhald.

09/02/2026

Minner om årsmøte i morgon👇

Velkomen til årsmøte i Stranda Turlag

🗓 Tysdag 10. februar
🕢 Kl. 19.00
📍 Lokala til Mattilsynet på Stranda

På programmet står:
- Vanlege årsmøtesaker
- Presentasjon av nytt turprogram for 2026
- Ronny Ødegård fortel om planane for Strandaegga
- Sosial avslutning med enkel servering og turprat

Medlemmar som ønskjer å fremje særskilde saker til årsmøtet, må melde desse innan 3. februar til: [email protected]

Alle er hjarteleg velkomne – både nye og gamle medlemmar.
Vel møtt!

Helsing
Styret i Stranda Turlag

26/01/2026

Velkomen til årsmøte i Stranda Turlag

🗓 Tysdag 10. februar
🕢 Kl. 19.00
📍 Lokala til Mattilsynet på Stranda

På programmet står:
- Vanlege årsmøtesaker
- Presentasjon av nytt turprogram for 2026
- Ronny Ødegård fortel om planane for Strandaegga
- Sosial avslutning med enkel servering og turprat

Medlemmar som ønskjer å fremje særskilde saker til årsmøtet, må melde desse innan 3. februar til: [email protected]

Alle er hjarteleg velkomne – både nye og gamle medlemmar.
Vel møtt!

Helsing
Styret i Stranda Turlag