Fjord Cadenza

12/06/2026

Årets festivalkunstner er Hilde Rosenberg Bamarni!

Ho arbeider med grafikk, fotografi og video — og havet går igjen i alt ho lagar. Ikkje som pynt, men som eit språk.

Vi er stolte over å presentere henne som årets festivalkunstnar på Fjord Cadenza 2026.

Med utstillinga Littoral Currents, eit audiovisuelt samarbeid med musikar og komponist Kristian Skaarbrevik, inviterer ho oss inn i grensesona mellom hav og menneske, der lyd og bilete påverkar kvarandre og skapar noko heilt eige.

Sjå fram til ei utstilling som set spor. 🌊

10/06/2026

Espen Berg Trio til Fjord Cadenza!🎹

Ein av Europas fremste pianotrioanar kjem til Sunnmøre – med nytt album i bagasjen.

Espen Berg Trio har selt ut konsertsalar i Tokyo, Berlin, Milano og Hong Kong, og vart omtala av britiske Jazz Journalsom ein av dei aller beste trioane i verda. No tek dei med seg fersk musikk frå det kommande albumet Entropies (juni 2026) til to konsertar på Sunnmøre.

Entropies handlar om spenninga mellom orden og oppløysing – det planlagde og det heilt spontane. Eit album med knallsterke melodiar, men òg polymetriske strukturar og spontankomponerte låtar som utfordrar og overraskar.

Med på scena: Bárður Reinert Poulsen på bass og Simon Olderskog Albertsen på trommer.

27. august – Parken Kulturhus, Ålesund Kl. 21 (Arrangert i samarbeid med Jazzsirkelen) Billettar: https://tix.no/nb/parken/buyingflow/tickets/47892/96808/

28. august – Bjørndals minne, Ulsteinvik Kl. 20 (Arrangert i samarbeid med Stiftinga Bjøndalfondet) Billettar: https://billetto.no/e/espen-berg-trio-billetter-1945330?utm_source=organiser&utm_medium=share&utm_campaign=copy_link&utm_content=2

03/06/2026

Opningskonsert - Gjermund Larsen Trio × Ensemble Allegria

Fjord Cadenza 2026 startar med eit heilt spesielt møte.

For første gong står Gjermund Larsen Trio og Ensemble Allegria saman på scene — to av Noregs mest profilerte musikkmiljø, i eit samarbeid skapt eksklusivt for festivalen.

Gjermund Larsen er ein av landets mest elska folkemusikarar, kjend for eit felespel som er varmt, leikent og djupt forankra i tradisjonen. I trioen har han med seg Andreas Utnem på piano og Sondre Meisfjord på bass ,saman har dei gjeve ut fem album og vunne prisar som Spellemannprisen og German Phonographic Critics Award.

Ensemble Allegria er rekna mellom dei fremste ensembla i landet, og er kjend for ein kunstnarleg kvalitet som alltid ber preg av glede og nærvær.

Saman skapar dei eit musikalsk rom der folkemusikk og kammermusikk smeltar saman, med improvisasjon, klang og samspel i sentrum.

25. august kl. 19:30 på Gomerhuset, Skodje
Dørene opnar kl. 19:00

Hald av datoen, og få med deg nokon! 🎵

🎟️ Billettar her: https://billetto.no/e/opningskonsert-gjermund-larsen-trio-med-ensemble-allegria-billetter-1945328?utm_source=organiser&utm_medium=share&utm_campaign=copy_link&utm_content=1

21/05/2026

Sykkylvsgutten som tok med seg heile musikkverda heim til Sunnmøre. Etter 15 år takkar Rune Bergmann av som kunstnarisk leiar – og han gjer det som han alltid har gjort alt: mit Schwung.

Etter 15 år som kunstnarisk leiar for Fjord Cadenza har Rune Bergmann bestemt seg for å takke av. Han går av med stil – med det største prosjektet festivalen nokon gong har gjennomført.

12/05/2026

❤️❤️

Over 150 utøvere, et internasjonalt solistlag og et av musikkhistoriens mest monumentale verk møtes i Parken Kulturhus 27. august. Beethovens 9. symfoni er den største symfoniske satsingen Fjord Cadenza har gjort på sine over 30 år.

08/05/2026

Endeleg! Etter fleire år med planlegging får vi samla nokre av landets fremste musikarar til å fremføre Beethovens monumentale 9. symfoni under Fjord Cadenza

27. og 28. august samlar Fjord Cadenza solistane Jacquelyn Wagner, Marianne Beate Kielland, Markus Bjørlykke og Magne Fremmerlid. Orkesteret består av mellom anna Ensemble Allegria, Sjøforsvarets musikkorps og koret av Ålesund videregående skule sitt musikklinjekor og Ålesund kammerkor. Her får du høyre eit stykke musikkhistorie som krev alt av utøvarane, og som står seg like godt i dag som i 1824.

Den niande er eit monument i musikkhistoria. Fire satsar som går frå mørke og kamp til det som i fjerde sats eksploderer ut i «Ode til gleda» – Friedrich Schillers hyllest til fellesskap, fridom og menneskeverd, sett i musikk av ein kunstnar i dyp krise, som berre fekk høyre sitt kanskje største meisterverk inni seg, og som i følge historia måtte snu seg for å sjekke om publikum applauderte under urframføringa i 1824. ��

Dette vert ei "kor var du når"-oppleving!

Beethoven 9 - Ode til gleda // Fjord Cadenza 2026 // Parken Kulturhus
Beethoven 9 - Ode til gleda // Fjord Cadenza 2026

16/04/2026

I desse dagar arrangerer vi songstund for kommunen sine yngste innbyggarar saman med Ålesund kulturskole og Syngande kommune. Borna har lært seg ei rekke barnesongar saman med dei tilsette i barnehagane og møttest til storslått allsong på Parken kulturhus kor dei fekk synge songane saman med Håvard Sveås, Inger Bakke, Karoline Isaksen og Runar Tafjord. Ny runde for borna i indre strøk på Gomerhuset neste onsdag.

Tusen takk til Bypatrioten Ålesund som tok seg tid til å dele stunda med oss :)
Og takk til Sparebanken Møre som gjer INTRO-prosjektet mogleg 💙

01/04/2026

Ingen aprilsnarr!
I samband med eit 3-årig samarbeidsprosjekt med Høstscena søkjer vi dyktige folk til å vere med å styrke festivalane. Noko for deg?

🥚 Et lite påskeegg til deg som vurderer nye muligheter?

Høstscena og Fjord Cadenza søker nå to nøkkelroller i et ambisiøst utviklingsløp fram mot 2028:

→ Kommunikasjons- og markedsføringsansvarlig (50 %)
→ Produksjonsleder / produsent (50 %)

Vil du jobbe i skjæringspunktet mellom kunst, produksjon og strategi – og være med å utvikle en ny festivalplattform på Sunnmøre?

Arbeidssted: Ålesund / Sunnmøre / Oslo (med reise)
Tiltredelse: Snarlig, etter avtale

- Lønn etter avtale (ca. 600–700k i 100 %)
- Søknadsfrist: 20. april

Les mer og søk her: https://www.finn.no/job/ad/458135470

Spørsmål?

Siri Forberg
📞 930 89 940
✉️ [email protected]

26/03/2026

🎹 Første konsertslepp for festivalen 2026!🥁

JANOVE

Førehandssal via nyheitsbrev i dag kl 13:00
Meld deg på her: https://mailchi.mp/fjordcadenza/nyheitsbrev
Ordinært sal: 27. mars kl 10:00

Etter fleire år med store konsertar med Kaizers Orchestra på landets største scener, tek Janove i sommar turen til Fjord Cadenza og Parken kulturhus for å gje oss eit nært og meir personleg møte med ein av landets mest ikoniske artistar.
Åleine ved flygelet inviterer han publikum tett på låtane, slik dei opphavleg vart skrivne. Publikum kan vente seg eit repertoar som spenner over heile karriera, frå Kaizers Orchestra til soloutgjevingar og andre prosjekt.

– Det er ein eigen magi i å spele songane slik dei vart skapte, ved pianoet, i si reinaste form. Eg gler meg til å dele både musikken og historiene bak han, seier Janove.

Med ein karriere som strekkjer seg over meir enn to tiår, har Janove bygd opp ein omfattande katalog. Konserten gjev rom for både kjende låtar og nye tolkingar, i eit format som skil seg frå dei større produksjonane han elles er kjend for.
Dette vert ei sjeldan høve til å oppleve Janove i eit nært og akustisk format.