24/02/2025
Når utviklingslaget etterspør «kjøpesterke» turistar, handlar det ikkje om å sile ut folk basert på formue, men om å tiltrekke seg eit segment av cruiseturistar som faktisk legg igjen pengar i lokalsamfunnet ved å nytte seg av butikkar, kafear og andre opplevingar.
Dei som kjenner bransjen veit kva cruise som har ei meir eksklusiv målgruppe.. Som for hotell og restaurantbransjen så er det ulike segment innanfor cruiseturismen. Sandane må velje si målgruppe, og utviklingslaget ser klare fordelar med ei meir eksklusiv målgruppe der det er kvalitet framfor kvantitet.
Når det gjeld liggetida, hevdar Viken at kravet om 12 timar er urealistisk. Faktiske tal seier noko anna: I 2023 hadde Nordfjordeid 24 cruiseanløp med minst 12 timars opphald, og i 2024 auka talet til 26 – heile 40 % av anløpa har minst 12 timar liggetid.
I førre veke var utviklingslaget på synfaring med ein representant frå eit av dei største cruiserederia som operera i Norge. Her blei kravet om liggetid diskutert, og vi fekk vi full støtte.
Dette viser at det finst rederi som både er villige til, og ser fordelane med å ha eit lengre opphald. Eit slikt opphald gjev turistane tid til mykje meir enn ein kort spasertur – dei kan oppleve kultur og natur, og ikkje minst bruke pengar i dei lokale butikkane.
Fleire timar på staden gjev kanskje noko meir utslepp lokalt, men færre skip med lengre opphald er betre for miljøet enn fleire skip som kjem og går i raskt tempo.. Lang liggetid gjev også moglegheit for betre logistikk med gjenbruk av lokale bussar og aktivitetar framfor å hente bussar utanfrå og sende gjestar på lengre utflukter utanfor kommunen.
Ja, ei liggetid på minimum 12 timar kan vere krevjande, men det er nettopp slike tøffe krav vi skal stille fordi vi kan. Både når det gjeld lokal verdiskaping, miljø og investeringar i nødvendig infrastruktur.
Sandane Utviklingslag har god oversikt over dei mange flotte attraksjonane og aktivitetane Gloppen kommune har å tilby. Her finst det så mykje spennande at vi ved små skip ikkje treng å sende ein einaste buss ut av kommunen; vi kan heller leggje til rette for reell lokal verdiskaping.
I staden for å gjere narr av arbeidet til utviklingslaget, burde ein heller støtte visjonen om å utvikle cruiseturismen på Sandane på ein måte som faktisk gjev noko tilbake til lokalsamfunnet – både økonomisk og kulturelt.
Med ein tydeleg og målretta cruisestrategi kan Gloppen bli ein attraktiv og ansvarleg destinasjon for cruiseanløp. Ved å stille klare krav som legg til rette for lokal verdiskaping, så kan ein sikre at cruiseturismen bidreg positivt til lokalsamfunnet samtidig som dei besøkande får ei god oppleving. Ein må sjølv ta føringa for denne satsinga og ha begge hender på roret.
Eg ser i Firda Tidend at Sandane utviklingslag har sendt ein høyringsuttale til kommunen der dei mei ...
