17/05/2026
Visste du det?
Visste du at utan Suldal hadde ikkje rogalandsbunaden vore slik vi kjenner han i dag?
Då læraren Magnus Våge på 1920-talet reiste rundt i Rogaland og dokumenterte gamle klede, draktskikkar, bilete og forteljingar, fann han viktige delar av brunnlaget i Suldal. Her hadde eldre drakttradisjonar halde seg lenge. Medan motane skifta andre stader, heldt mange suldalskvinner fast ved trekk frå den gamle kleskikken — mellom anna liv, sølv og draktformer med røter langt tilbake i tid. Det gjorde Suldal til ei viktig kjelde då rogalandsbunaden vart utforma.
Fleire spor frå Suldal lever vidare i rogalandsbunaden:
🌿 Livet — har utgangspunkt i eit grønt fløyelslivfrå Suldal
🌿 Løland-broderiet — henta frå eit sjal på garden Løland, vist fram på utstilling i 1927.
🌿 Tjelmeland-broderiet — frå ein sjal på garden Vandvik i Suldal 🌿Jelsa-broderiet - eit av dei tidlege broderimønstra til rogalandsbunaden, inspirert av materiele frå Jelsa i Suldal
🌿 Skjortene - fleire skjortemønster til rogalandsbuanden ber også namn frå Suldal, mellom anna Suldal og Vasshus.
🌿 Den rekonstruerte herrebunaden - byggjer på klede frå gamle Suldal prestegjeld — som og omfatta Sauda og Røldal
På nasjonaldagen ber mange med seg historia vidare - frå grend til grend, frå fjord til fjell. Med stoltheit, handverk og røter frå Suldal.
Gratulerer med dagen, Noreg — og til deg!
