05/03/2022
Hjelpeorganisasjonen Radøy for Moldova har brått blitt involvert i flyktningkrisa i Ukraina.
Eitt av sentra Radøy for Moldova støttar ligg heilt sør i Moldova, berre nokre hundre meter frå grensa til Ukraina i småbyen Palanca. Palanca er prega av stor fattigdom, og Radøy for Moldova sender faste pengegåver til dei senteret, som støttar dei aller fattigaste med mat, klede mm.
Heile senteret er no blitt mottakssenter for flyktningar frå Ukraina. Det kjem titusenvis av menneske på flukt over grensa, og dette er så mange at senteret ikkje har kapasitet til å helpa dei som kjem med dei begrensa midlane som dei har. Dei har derfor akutt behov for pengar til å ordna med mat, vatn mm for å hjelpa menneske i humanitær krise.
Styret i Radøy for Moldova hastebehandla sist veke spørsmål om hjelp frå samarbeidsorganisasjonen Misjon utan Grenser. Me tømte kontoen, og sende før helga 50 000 kr til Palanca. Pengane kom godt med, for Misjon utan Grenser fortel om stor naud hjå dei som kjem over grensa. Men, behovet er sjølvsagt uendeleg mykje større, så me spør no om fleire i Nordhordland vil gje akutt naudhjelp via oss.
De kan gje pengane til Radøy for Moldova sin bankkonto 3632 50 91821
Radøy for Moldova sender alle pengane som kjem inn uavkorta vidare til Palanca via Misjon uten grenser
