UL Fram

19/05/2026

Det blir eit ekstraordinært årsmøte tysdag 19.05.26 på Framtun kl. 18:00. Sjå plakat.
-Styret i UL Fram

28/04/2026

Hei,

NB: Kort frist!
SOMMARLEIR 2026 😃
Har du lyst på sommarleir? Sommarleir for ungdom mellom 13 og 26 år finn i år stad på Sunnmøre Folkehøgskule i Ulsteinvik frå 29.juni til 3.juli. Her kan du bli kjent med andre, og oppleve mykje gøy! Gjennom fire dagar får du oppleve kurs, utflukt og mange kjekke sosiale aktivitetar. Frist for påmelding er 30. april (bindande påmelding). Snakk gjerne ilag, og få med fleire 😊Kjekt at det fins slike tilbud til ungdommane 😃Meir info og påmelding på:
https://www.sommarleiren.no/

Økonomisk støtte: For medlemmane våre kostar det totalt 2500 kr å melde seg på. SFU (Sunnmøre Frilynde Ungdomssamlag) vil støtte med 1000 kr per medlem og UL Fram med 1000 kr per medlem som melder seg på. Hiv dåkke med på kjekke dagar! :D

Sommarleiren 2026 finn stad frå 29.juni - 3.juli på Sunnmøre folkehøgskule i Ulsteinvik! Påmeldinga er open! Endeleg er det klart for at du kan melde deg på kurs i folkedans, teater, linedance, spel eller noko heilt anna!

19/04/2026

UL FRAM KÅRA TIL ÅRETS LOKALLAG 2025 !! :D

Årets lokallag 2025 er Ungdomslaget Fram Rogne!

07/04/2026

Her er glimt ifrå påsketeateret på Framtun, “Boeing Boeing”!

Foto: Kenneth Flem Slyngstad 📸

03/04/2026

Vaksenteateret synte onsdag farsen “Boeing Boeing”! Det var stor suksess, med mykje latter frå salen og god stemning frå første stund! 🤩🙌🏽 Måndag 2. påskedag er dei klare på nytt. Dersom du ikkje har skaffa deg billett endå, bør du nytte høvet no. Billettar finn de på Tikkio.

27/03/2026

Her kjem ei gledeleg nyheit! 🤩🥰🎭

Vi er veldig stolte av å kunne meddele at UL Fram er eitt av fem ungdomslag i landet som er nominert til Årets lokallag i Noregs Ungdomslag.
Dette betyr at vi blir anerkjente for den fantastiske innsatsen vi legg ned for å skape gode, trygge og kreative møteplassar for både barn, ungdom og vaksne. Og at vi er eit flott døme på levande lokalkultur.

I samband med denne nominasjonen har vi laga ein film om laget vårt, som syner ein liten smakebit av aktivitetane våre og alt det kreative som vert skapt når små og store, unge og gamle møtest på Framtun .

Kenneth Slyngstad har laga denne flotte filmen, som no er sendt inn til NU og offentleggjort ilag med dei andre nominerte laga sine filmar.

Det er no klart for å stemme fram årets lokallag 🥰 og ALLE kan vere med å stemme.
Vi er superstolt av å bli nominert, og veldig stolt av laget vårt og den flotte filmen😊
Vi håper no at alle dåkke, små og store, unge og gamle vil vere med å stemme på UL Fram 🥰 og spre den gode nyheita til alle dåkke kjenner🤩

“UL Fram 💛 Fram i lag”

Følg lenka nedanfor og gå inn å stem på UL Fram :

https://www.ungdomslag.no/bodstikka/stem-pa-arets-lokallag-2025

Prisen for Årets lokallag i Noregs Ungdomslag vert delt ut for fjerde gong under landsmøte i Oslo 18-19. april 2026. I år er fem lag er plukka ut etter nominasjonsrunden, og fram til 13. april kan du stemme på det laget du meiner fortener å bli kåra til Årets lokallag!

24/03/2026

🐣🐥🐓 Det nermar seg påske og vi gler oss hemningslaust til onsdag 1/4 - der vi får servert hysteriske hendingar og elleville intriger med teatergjengen på Framtun. 🤩🤭
Tradisjon tru vert det også Påskedans i år, etter teaterframsyninga.
Vi har vore heldige i år og fått tak i sjølvaste Sunnmørsskalpane. Dei lovar knallbra stemning og strålande dansemusikk. 🤩🤩 🎸🤘🎶🎼🥁🎷
Onsdag 1/4, tid 22-02, aldersgrense 15 år.
🎼🥁🎸🤘🎶🎷🐣
Påmelding til dans, send melding til:
Kari Kolseth tlf: 993 71 693
Julianne Høistad Aakre tlf: 99232971
Pris kr 270.-
Band (Billettar) kan hentast på Framtun, tysdag 31/3 frå kl 18-20.
NB! BUSS FRÅ HARAM KL 22, RETUR TIL GARAM ETTER DANSEN.

22/03/2026

Minner om årsmøte på Framtun i morgon kl. 18:30 😊 Velkommen 😊☕️🍰