JSS Norway

10/07/2026

🏐 JSS Norway द्वारा आयोजित ११औँ भलिबल संस्करण – खेल तालिका 🏐

JSS Norway द्वारा आयोजित ११औँ भलिबल संस्करण को खेल तालिका यसप्रकार प्रकाशित गरिएको छ।

सम्पूर्ण नर्वेबासी नेपाली दाजुभाइ तथा दिदीबहिनीहरूलाई उक्त कार्यक्रममा हार्दिक स्वागत तथा सहभागिताका लागि अनुरोध गर्दछौं। प्रकाशित खेल तालिका अनुसार सम्बन्धित टोली तथा सहभागीहरू समयमै उपस्थित भई कार्यक्रमलाई सफल बनाउन सहयोग गरिदिनुहुन अनुरोध छ।

यस कार्यक्रममार्फत रोमाञ्चक भलिबल खेलको आनन्द लिनुका साथै स्वादिष्ट नेपाली परिकारको स्वाद र मनोरञ्जनको भरपूर मजा लिनुहोस्।

📅 मिति: १२ जुलाई

📍 स्थान: Sognsvann

आउनुहोस्, सबैजना Sognsvann मा भेटौँ र JSS Norway को ११औँ भलिबल संस्करणलाई भव्य तथा सफल बनाऔँ।

30/04/2026

See you all at AGM and VOLLEYBALL !!
AGM- 24th May
VOLLEYBALL- 12th JULY

13/04/2026

"नयाँ वर्ष २०८३ को हार्दिक मंगलमय शुभकामना"
जनसम्पर्क समिति, नर्वेको तर्फबाट देश तथा विदेशमा रहनु भएका सम्पूर्ण आमाबुबा, दाजुभाइ, दिदीबहिनी, इष्टमित्र, साधारण सदस्य, क्रियाशील सदस्य तथा सम्पूर्ण शुभचिन्तकहरूमा यस पावन अवसरमा हार्दिक शुभकामना व्यक्त गर्दछौं ।

नयाँ वर्ष २०८३ ले यहाँहरूको जीवनमा नयाँ उमङ्ग, उत्साह, आशा र ऊर्जा थपोस् ।
तपाईँ तथा तपाईँका सम्पूर्ण परिवारजनमा सुस्वास्थ्य, दीर्घायु, सुख, शान्ति, समृद्धि तथा उत्तरोत्तर प्रगतिको कामना गर्दछौं ।

यस नयाँ वर्षले आपसी सद्भाव, एकता र सहकार्यलाई अझ सुदृढ बनाउँदै समाज तथा राष्ट्रको विकास र समृद्धिमा महत्वपूर्ण योगदान पुर्‍याउने प्रेरणा प्रदान गरोस् भन्ने कामना गर्दछौं ।

12/04/2026

"Help Desk सञ्चालन सम्बन्धी सूचना"!!

नर्वेमा बसोबास गर्नुहुने सम्पूर्ण नेपाली आमाबाबु, दाजुभाइ तथा दिदीबहिनीहरूमा यो जानकारी गराइन्छ कि Tax Return सम्बन्धी फारम आफूले चेक गरी ठिक भएको/नभएको भनी प्रमाणित गरी बुझाउनु पर्ने फारम यही अप्रिल ३० तारिख भित्र अनिवार्य रूपमा बुझाउनुपर्ने भएकोले, यदि तपाईंलाई उक्त फारम भर्न कुनै समस्या भइरहेको छ भने, त्यसमा सहयोग पुर्‍याउने उद्देश्यले जनसम्पर्क समिति, नर्वे (JSS) ले अप्रिल १९ तारिख, आईतबार का दिन JSS Help Desk आयोजना गर्ने भएको छ । कसैलाई उक्त फारम भर्दा केही समस्या भएमा उक्त कार्यक्रममा उपस्थित भई सेवा लिनुहुन सम्पूर्णमा हार्दिक निमन्त्रणा गर्दछौं ।

स्थान: Selma Ellefsens vei 2, 0581, Oslo.
समय: बिहान १०:०० बजे देखि दिउँसो १२:३० बजे सम्म

31/03/2026

29/03/2026

Let's play together!!!
July 12th, SUNDAY!!

11/01/2026

मितिः २०२६/०१/११
विज्ञप्ति
भदौ २३ र २४ पछि उत्पन्न बदलिँदो राजनीतिक परिस्थितिका सन्दर्भमा नेपाली कांग्रेसको केन्द्रीय समितिले आफैं विशेष महाधिवेशनको आह्वान गर्नुपर्ने आवश्यकता थियो । पार्टी
भित्रको संस्थागत सुदृढीकरण, लोकतान्त्रिक मूल्य–मान्यताको संरक्षण, संविधानको रक्षा तथा नेतृत्व र नीति–निर्णय प्रक्रियामा स्पष्टता र जिम्मेवारी स्थापित गर्न पार्टी अग्रसर हुनुपर्ने थियो । तर उक्त पहल समयमै हुन सकेन ।
यद्यपि, आम कांग्रेस कार्यकर्ता तथा महाधिवेशन प्रतिनिधिहरूको सक्रिय पहलमा विशेष महाधिवेशनको माग उठाइनु सकारात्मक र ऐतिहासिक कदम हो । यस प्रक्रियाको समन्वय गर्नु भएका नेपाली कांग्रेसका महामन्त्रीद्वय माननीय गगन कुमार थापा र माननीय विश्वप्रकाश शर्माप्रति जनसम्पर्क समिति नर्वे हार्दिक धन्यवाद व्यक्त गर्दछ ।
यस विशेष महाधिवेशनले देश तथा विदेशमा रहेका नेपाली कांग्रेसका नेता–कार्यकर्ता, शुभेच्छुक र समर्थकहरूमा सकारात्मक सुधार, आन्तरिक लोकतन्त्र र जिम्मेवार राजनीतिक अभ्यासलाई थप सुदृढ बनाउने विश्वास जनसम्पर्क समिति नर्वेले लिएको छ । पार्टीको ऐतिहासिक संघर्ष, लोकतान्त्रिक परम्परा, सामाजिक न्याय, समतामूलक समाज र राष्ट्रिय एकताको मूल्य–मान्यतालाई अझ बलियो संगठनात्मक आधारमा स्थापित गर्न यो विशेष महाधिवेशन मार्गदर्शक बन्ने अपेक्षा गरिएको छ ।
साथै, भोलि हुने बन्द सत्रमा छुट्नु भएका महाधिवेशन प्रतिनिधिहरू, शीर्ष नेतृत्व तथा नेपाली कांग्रेसका आदरणीय सभापति ज्यूको समेत उपस्थितिले यस ऐतिहासिक क्षणलाई अझ अर्थपूर्ण र विशेष बनाउने विश्वास हामीले लिएका छौं ।
अन्त्यमा, परिवर्तनको पक्षमा स्वेच्छिक रूपमा उभिनु भएका जनसम्पर्क समिति नर्वेअन्तर्गतका सातै जना महाधिवेशन प्रतिनिधिहरूप्रति हार्दिक धन्यवाद तथा बधाई ज्ञापन गर्दछौं । तपाईंहरूको प्रतिबद्धता र साहसिक भूमिकाले पार्र्टीलाई सही दिशातर्फ अघि बढ्न महत्वपूर्ण प्रेरणा प्रदान गरेको छ ।

31/12/2025

नव वर्ष २०२६ को पावन अवसरमा, हाम्रो संस्थाको तर्फबाट यहाँहरू सबैमा सुख, शान्ति, सुस्वास्थ्य, समृद्धि तथा उत्तरोत्तर प्रगतिको हार्दिक मंगलमय शुभकामना व्यक्त गर्दछौं।
आगामी वर्षले नयाँ आशा, नयाँ ऊर्जा र सकारात्मक सोचका साथ व्यक्तिगत तथा सामूहिक जीवनमा सफलता, सद्भाव र सहकार्यको भावना थप सुदृढ गरोस् भन्ने हाम्रो कामना छ। विगतमा प्राप्त सहयोग, विश्वास र सहकार्यका लागि हामी यहाँहरू सबैप्रति हार्दिक आभार व्यक्त गर्दछौं र भविष्यमा पनि यस्तै निरन्तर साथ र सहकार्यको अपेक्षा गर्दछौं।
नव वर्ष २०२६ यहाँहरू सबैका लागि सफल, प्रेरणादायी र स्मरणीय बनोस्।

हार्दिक शुभकामना सहित,
JSS Norway