Studentmållaget i Oslo

10/08/2026

Det går an. Det skal skje. Vert med!🤩

Studentmållaget i Oslo fyrer av startskotet på hausten med eit sant smell når me skipar til vår eiga fadderveke!😯🥳

Er du ny student og fekk ikkje nok av fyrste fadderveka, er du gamal student og vil få fart i den slitne studentkroppen mange år etter ditt fyrste semester, eller berre likar du nynorsk, dialektar, språk og mangfald generelt?🤔

Gå ikkje glipp av denne mogelegheita!🕺💃😍

30/06/2026

God sumar alle i hop! Me i SmiO tenkte det ville vore lurt og nyta det gode vêret med gode folk. Difor inviterer me til den fyrste sumar-Smjøden nokosinne! Laurdag kl. 18:00 i Ivars Aasens hage og mange andre stader utover kvelden! Ta med god drikke og god stemning!

09/06/2026

Sidemålsordninga + karakter = sant!❤ Bli medlem i Mållaget, og støtt språkmangfald💪

Lenke i kommentarfeltet👇

20/05/2026

Kransenedlegginga ved grava til Ivar Aasen på nasjonaldagen vart storsuksess med stort oppmøte og storfint vêr!🎉🇧🇻

Erlend Loe heldt ein fin, humoristisk men òg klok tale, Vokal Vivo bidrog med nydeleg kormusikk, kransa vart lagt ned og ikkje minst song me alle Nordmannen til slutt. Me sest ved bautaen om eit år!🙌

13/05/2026

For ein dag! I går var SmiO med på nynorsk gatefest med Oslo mållag . Det var livemusikk, kake, Mozell og god stemning!

Leiar Endre var faneberar opp åt baudaen til Ivar Aasen på Vår Frelsers gravlund. Der la me ned ein blome og song nordmannen for me gjekk ned att og heldt festen gåande!
I
Om du gjekk glipp av høve til å feira nynorsken og Ivar eller veit at kvar dag er ein nynorsk dag har me eit gladnyhende! SmiO skal som alltid leggja krans på baudaen 17. Mai kl. 9 – i år er det Erlend Loe som held tale!

10/05/2026

Me gler oss til neste gong!😀

Vi har feira messe på nynorsk saman med Studentmållaget i Oslo i Oslo domkirke og det var aldeles nydeleg. Takk alle som gav og delte!

10/05/2026

I dag drog me til Oslo Domkyrkje for ei høgtidleg markering av nynorskveka! Det var nemleg nynorsk høgmesse, og studentmålungdomen var tungt
involvert!😎

Nestleiar Herman og styremedlem Lucas las ifrå den gamle boka, både ifrå den moderne nynorskutgåva og ifrå sjølvaste fyrebilsbibelen, som SmiO sjølv gav ut i 1921 som fyrste heile bibelen på norsk! Leiar Endre stod ved inngangen og ynskte velkomen, og var òg med på å dela ut nattverden.🙏

Etter den salige seansen i domkyrkja drog me og åt ein ordentleg SmiOlønsj, ein SmØnsj! På nynorskkafeen Erketunet Gardsbakeri. Med andre ord har det vore nok ein vellukka dag for SmiO!🤩

05/05/2026

6. til 12. mai er det nynorskveka, og den skal me feira! Vert med på høgmesse i helga og på gatefest i lag med Oslo Mållag på nynorskdagen!🎉🎊 https://fb.me/e/49kc1B3lO

02/05/2026

Til lukke med kampdagen som var kameratar! SmiO har gått i toget i år. Me ropa slagord som «målkamp er klassekamp», «me skal verta ein milion». Hovudbodskapen var at Noreg skal gjera det same som Kymri (Wales) og satsa på at nynorsken skal veksa og at me må gjera alle turvande tiltak for å få det til. Det var mange som såg oss i toget og enno fleire som høyrde oss!