Noregs Ungdomslag

17/10/2026

BUL Bodø og Nordland ungdomslag har eigen Hilseminister. Det syns vi var så kjekt at vi måtte lage ein liten video. Alle lokallag bør i grunnen ha sin eigen Hilseminister, meiner Morten. Er du einig? 😄

09/10/2026

"Over 500 frivillige organisasjoner er medlem av et studieforbund. Dette er opplæring i alt fra styrearbeid og instruktørrollen til håndverk, musikk og naturforvaltning, i fellesskap og på deltakernes egne premisser. Denne kompetansen bygges ikke av det offentlige, og den er det som holder lokalsamfunn i live. Forsvinner kursene, forsvinner også kompetansen."

Les heile saka her 👇

Aktiviteten blomstrer mens tilskuddene kuttes drastiskGeneralsekretær Stian Juell og Styreleder Hege Fossum Sebastian Hytten, VofoI statsbudsjettet for 2027 kutter regjeringen studieforbundsordningen med 70 millioner kroner. Tilskuddet under Kultur- og likestillingsdepartementet reduseres med 37,2 ...

08/10/2026

"Regjeringa foreslår å kutte om lag 70 millionar kroner til studieforbunda i statsbudsjettet for 2027. Det er tre gonger så mykje som kuttet i 2018, og vil innebera ein reduksjon på om lag 26 prosent av den samla studieforbundsordninga.

Studieforbundsordninga er eit verktøy for læring og kompetansebygging i frivillige organisasjonar. Gjennom ordninga blir det kvart år gjennomført tusenvis av kurs innan kultur, handverk, musikk, dans, kulturarv, organisasjonsutvikling og ei rekkje andre fagområde.

Bak studieforbunda står om lag 500 medlemsorganisasjonar som nyttar ordninga for å tilby opplæring til frivillige, tillitsvalde og medlemmar. Fleire av medlemsorganisasjonane har og fått uforståelege kutt i driftstilskot."

Les heile saka her 👇

Regjeringa foreslår å kutte om lag 70 millionar kroner til studieforbunda i statsbudsjettet for 2027. Det er tre gonger så mykje som kuttet i 2018, og vil innebera ein reduksjon på om lag 26 prosent av den samla studieforbundsordninga. Studieforbundet kultur og tradisjon meiner kuttet vil få al...

07/10/2026

Regjeringa kuttar nær éin million til Noregs Ungdomslag!

– Det er vanskeleg å forstå samanhengen. Eit samla storting har nettopp sagt at rammevilkåra for dei frivilligdrivne kulturbygga må bli styrka. Regjeringa har bedt oss bruke tid og ressursar på å gi innspel til den nye kulturarenastrategien. Så kjem det eit budsjett der me får 905 000 kroner mindre til eit arbeid som heilt konkret styrkar den største gruppa av kulturarenaer i landet, seier generalsekretær Magni Hjertenes Flyum.

I denne filmen får de innblikk i nokre av utfordringane dei som driv frivilligdrivne kulturbygg faktisk står i. Filmen er laga av Filmprodusentane AS, med støtte frå Sparebankstiftelsen SMN og Sparebankstiftinga Sogn og Fjordane.

Du finn lenkje til saka om statsbudsjettet i kommentarfeltet under 👇

06/10/2026

Audhild Flaktveit Moxnes sin minnepris til unge utøvarar på hardingfele 2026 er tildelt G**o Bell Berge frå Kvam i Hardanger.

📷 Arve Ullebø

Du finn lenkje til saka i kommentarfeltet👇

01/10/2026

Kultur- og likestillingsdepartementet har invitert relevante aktørar til å sende innspel til arbeidet med ein nasjonal strategi for kulturarenaer. Noregs Ungdomslag har sjølvsagt levert vårt innspel på vegner av lokallag med kulturbygg over heile landet.

Gjennom Huset i Bygda har Noregs Ungdomslag i meir enn 15 år arbeidd med rådgjeving, kompetanseutvikling, nettverksbygging og politikkutvikling for frivillig eigde kulturbygg og møteplassar.

Huset i Bygda vart etablert etter eit initiativ frå Sogn og Fjordane Ungdomslag. Ei kartlegging i 2007 synte at ungdomshusa var sentrale møteplassar i bygdene, men òg at mange trong oppgradering og modernisering. I 2016 starta samarbeidet med Sparebankstiftinga Sogn og Fjordane, der Huset i Bygda etter kvart overtok ansvaret for gåvetildeling til organisasjonseigde kulturhus i regionen.

Sidan den gong har Huset i Bygda vakse og etablert seg fleire stader i landet. I 2025 vart satsinga eit nasjonalt kompetansesenter for organisasjonseigde kulturhus. Erfaringane frå det ti år lange samarbeidet med Sparebankstiftinga Sogn og Fjordane er samla i rapporten Tett, trygt og tilgjengeleg: 10 år med støtte frå Sparebankstiftinga Sogn og Fjordane.

📷 Filmprodusentene AS/Jørgen Storhaug

30/09/2026

Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.

Du finn lenkje til saka i kommentarfeltet 👇

30/09/2026

Velkomen til temasamling for frivilligdrivne kulturhus!

Dato: 17. oktober
Klokkeslett: 12.00 – 16.30
Stad: Bridgehuset, Brattørveita 10, Trondheim
Påmelding: 1. oktober

Program:

Søknadsskriving
Korleis skriv vi søknadar som treff?
Huset i Bygda gjev nyttige tips til korleis skrive gode søknadar.

Ungdomshusa som beredskapslokale
Kva rolle kan ungdomshuset spele når lokalsamfunnet blir sett på prøve?
Straumbrot, ekstremvêr, flaum, skogbrann eller andre hendingar kan raskt skape behov for lokale møteplassar.
Kva bør huset ha oversikt over? Kva med straum, varme, vatn, toalett, kjøkken, tilgang, kommunikasjon og tryggleik? Og korleis kan frivillige lag, kommunen og andre lokale aktørar samarbeide dersom huset må takast i bruk?
Vi ser på kva som skal til for at ungdomshuset eller det lokale forsamlingshuset kan fungere som eit trygt og fleksibelt beredskapslokale, og kva ein kan gjere allereie i dag.

Tryggleik og universell utforming
Korleis gjer vi ungdomshuset tilgjengeleg for alle?
Universell utforming handlar både om lovkrav og om å skape eit hus der fleire kan delta. Etablerte og eldre ungdomshus krev ofte kreative og praktiske og gode løysingar rundt tilgjenge og tryggleik.

Ungdomshuset som samskapande arena-Gruppearbeid
Må styret organisere alt sjølv?
Korleis kan vi få medlemmane og lokalsamfunnet til å skape meir aktivitet saman?
Idretten er flinke til å involvere foreldre og medlemmar, ofte gjennom å gje folk konkrete oppgåver og ansvar. Kan vi bli flinkare til det same?
Korleis kan vi få lokalbefolkninga eller andre aktørar til å bruke huset og skape kulturen sjølv, utan at styret alltid må levere det ferdige arrangementet?

Målet med samlinga er at du skal reise heim med konkrete idear, nye kontaktar og kanskje verte inspirert til å gå i gong med prosjekt allereie veka etter.

29/09/2026

Hugs å melde deg på NU-helga 2026 i Trondheim!

Saman med BUL Nidaros inviterer vi til ei helg med fagleg input, inspirasjon og erfaringsutveksling.

Påmeldingsfrist 1. oktober.

Les meir og meld deg på på våre heimesider. (Link i story)

25/09/2026

⭐️Påmeldingsfrist 1. oktober!⭐️

Korleis kan vi få fleire til å slenge seg med i turdansen når musikken lêt over dansegolvet eller i øvingssalen?

Rilar, rekkedansar og ringdansar i valsetakt er alle typar av turdansar eller sosiale dansar. Mange kjenner godt til dei frå eigen danseerfaring, men for andre kan
turdansane vere framande og uvante.

Instruktør Marianne Dahl vil i dette dagskurset inspirere deg til å ta i bruk turdansane på ein ny og inviterande måte.

Kurset er ein del av NU-helga i Trondheim og det vil vere mogleg å delta på meir av programmet viss du ønskjer det. Påmelding skjer i same skjema som påmelding til NU-helga.

Les meir her på facebookarrangementet 👉 https://fb.me/e/4jr8NaaWd

Eller på arrangementsida på våre heimesider 👇

Rilar, rekkedansar og ringdansar i valsetakt er alle typar av turdansar eller sosiale dansar. Mange kjenner godt til dei frå eigen danseerfaring, men for andre kan turdansane vere framande og uvante. Korleis kan vi få fleire til å slenge seg med i turdansen når musikken lêt over dansegolvet ell...