Kringkastingsringen

06/03/2026

Denne veka har vi vore med og feira Norsk Ordbok. I år er det ti år sidan det imponerande ordboksverket vart ferdigstilt i tolv band, og åremålet vart markert med eit fagseminar på Universitetet i Oslo. Her fekk vi høyre om den nye nettsida til ordboka, om vilkåra for sann og kuratert informasjon i ei ny KI-tid, om rolla Norsk Ordbok kan ha i utdanning og forsking, og mykje meir.

Fremst på gruppebiletet ser du mange av dei som bidrog på seminaret, f.v. Ivar Berg, Endre Brunstad, Oddmund L. Hoel, Kristin Bakken, Marita Kristiansen, Stina Aa. Lødemel og Terje Svardal.

Kringkastingsringen gratulerer med dagen og ønskjer lykke til med vidareutviklinga av ordboka!

(Nemnda for Norsk Ordbok stod for fotograferinga av møtelyden.)

Med Norsk Ordbok 2014 - Ordbok over det norske folkemålet

03/03/2026

Nynorskpuben vår, den fjerde i rekkja, sist torsdag vart ein stor suksess – med publikumsrekord, interessante innleiingar og ordskifte og ikkje minst ei overraskande prisutdeling.

Her ser du nokre bilete frå arrangementet. Klikk deg inn på kvart bilete for å lese meir.

Norsk audiovisuell oversetterforening Språkrådet (NO)

Alle foto: Susanne M. Egset / Kringkastingsringen

26/02/2026

Kringkastingsprisen for 2025 går til Vidar Eidhammer!

På nynorskpuben torsdag kveld stod det ein hemmeleg post på programmet – det var nemleg tid for prisutdeling! Kringkastingsprisen går kvart år til ei røyst i eteren som utmerkjer seg med godt språk i radio eller fjernsyn, og som på ein framifrå måte brukar nynorsk eller dialekt i det daglege arbeidet. Ein overraska prisvinnar vart ropt opp på podiet i Bikuben på Det Norske Teatret etter at grunngjevinga vart lesen opp. Prisen består av eit diplom og eit kunstverk, i år laga av biletkunstnaren Erlend Wiggen Bliksrud.

Heile grunngjevinga:

Prisvinnaren kjem frå Skjold i Rogaland og har vore ei kjær nyheitsrøyst i 20 år. Hans fremste varemerke er ein presis og feilfri nynorsk med ein snert av tørr humor.

Som nynorskpraktikant i eit av dei første kulla ved NRK Nynorsk mediesenter var vinnaren del av eit pionerarbeid som over 200 kollegaer etter kvart har vore gjennom. Heile tida etterpå har han arbeidd med nyheiter i NRK – som journalist, programleiar, reporter og produsent.

Vinnaren er kanskje aller mest kjend for tallause Dagsnytt-bulletengar. I den krevjande jobben som bulletengjournalist formidlar han kompliserte saker på ein enkel og korrekt nynorsk. Kollegaer kallar han ei Dagsnytt-legende, men meir nyleg har han jamvel starta med tv. Her har han vist at han skjønner skilnaden mellom tv og radio, og at han veit å tilpasse språket til mediet. Som tv-journalist blir han ikkje for ordrik, men lèt bileta tale for seg – samstundes som han er like presis som på radio.

Medlemmene våre har lagt merke til prisvinnaren før. Han var ein av dei første som fekk nynorskkopp og diplom frå Kringkastingsringen for framifrå bruk av nynorsk i arbeidet. I nominasjonen denne gongen står det mellom anna: «Morgonsendingane hans er ein god start på dagen. Han er eit godt døme på at nynorsk er eit ypparleg radiospråk.» Vinnaren driv rett og slett nynorsk nyheitsformidling i meisterklasse.

26/02/2026

Velkommen på nynorskpub i kveld! Vidar Lynghammar har diverre mått melde forfall, men vi har vore heldige og fått med oss Morten Gottschalk, leiar i Norsk audiovisuell omsetjarforeining (Navio). Dessutan stiller som kjent Annvor Seim Vestrheim frå Språkrådet.

Vi gler oss og håpar vi ser deg i Bikuben på Det Norske Teatret!

Foto, Annvor: Amanda Iversen Orlich
Foto, Morten: Marianne Karlsen / Navio

27/01/2026

Har vi ikkje komme lenger enn dette? Finansavisen avviste eit oppfølgingsinnlegg i ei pågåande nyheitssak – fordi det var på nynorsk! Vi er heilt samde med innleggsskrivar Lars Mamen i at ein slik politikk er bakstreversk. Heldigvis er det få aviser som framleis praktiserer nynorskforbod.

Journalisten

Finansavisen bad kronikkforfattaren om å omsette innlegget sitt. Når Journalisten tek kontakt får avisa smake sin eigen medisin.

20/01/2026

Kringkastingsprisen for 2025 – nominer no!

Kringkastingsprisen for 2025 skal snart delast ut, og no er det aller siste sjanse til å nominere kandidatar. Alle medlemmer av Kringkastingsringen kan nominere, og nominasjonen (med ei kort grunngjeving) må sendast til [email protected] seinast fredag 23. januar.

Prisen går til ei røyst i eteren som har utmerkt seg med godt radio-, tv- eller podkastspråk, og som på ein framifrå måte brukar nynorsk eller dialekt i det daglege arbeidet.

Her ser du vinnarane dei to siste åra: Eivind Molde i NRK (2023) og Ingrid Halstensen i TV 2 (2024). Du kan sjå alle tidlegare vinnarar her: https://www.kringkastingsringen.no/kringkastingsprisen/

Foto: Inger Marit Kolstadbråten / NRK og Frode Hoff / TV 2

07/01/2026

Den siste månaden har vi fått 33 nye medlemmer! Det inneber storproduksjon av velkomstpakker. Her er kapsar og handlenett klare for Posten, og straks er vi i gang med å pakke koppar til resten av dei nye medlemmene.

Kjenner du ein potensiell medlem? Verv i veg! Både vervarar og nyinnmelde får gåve.

24/12/2025

Me ynskjer alle medlemmer og fylgjarar ei fin og fredeleg jol! 🌟

23/12/2025

Verv ein venn til jul! Vi manglar berre 17 medlemmer for å nå fjorårstalet på betalande medlemmer, og det vil vi jo gjerne! Nye medlemmer får velkomstgåve og blad i posten, og vervaren kan velje mellom dei same gåvene. Medlemskap kostar berre 350 kr i året (200 kr for dei under 30). Fin og meiningsfylt julegåve!
www.kringkastingsringen.no/medlem

16/12/2025

I dag har vi hatt det årlege møtet mellom språkorganisasjonane og NRK-leiinga. I tillegg til å få presentert fersk språkstatistikk fekk vi høyre om mykje godt og systematisk nynorskarbeid i NRK-systemet og sjå nokre døme på satsingar på samisk og kvensk.

Vi set stor pris på kontakten med NRK, som har eit så viktig språkoppdrag.

På biletet ser du f.v. Aksel Torsnes Mehlum, dagleg leiar i Kringkastingsringen; Rune Fossum Lillesvangstu, leiar for Nynorsk mediesenter; Peder Lofnes Hauge, leiar i Noregs Mållag; Mari Kaslegard, skrivar i Norsk Målungdom; Gro Morken Endresen, dagleg leiar i Noregs Mållag; Vibeke Fürst Haugen, kringkastingssjef; Jørgen Heid, direktør for strategi og medium i NRK; Sebastian Vinsent Natvik, leiar i Norsk Målungdom; Karoline Riise Kristiansen, språksjef i NRK; Jógvan Helge Gardar, leiar i Kringkastingsringen. I tillegg deltok Nina Birgitte Einem, leiar av språkstyret i NRK, på skjerm.

10/12/2025

Vi gratulerer Frida Pernille Mikkelsen (og Norsk Barneblad!) med tilsetjinga som redaktør for verdas eldste barnemagasin! 🤩

https://www.barneblad.no/blogs/news