Pakistan Union Norway Oslo

06/09/2026

ڈی ایس پی شہباز ہنجرا کے اعزاز میں پاکستان یونین ناروے کی جانب سے عشائیہ

پاکستان یونین ناروے کی جانب سے ڈی ایس پی شہباز ہنجرا کے دورۂ ناروے کے موقع پر ان کے اعزاز میں ایک پرتکلف عشائیے کا اہتمام کیا گیا۔ تقریب میں پاکستان یونین ناروے کے عہدیداران اور سینئر اراکین نے شرکت کی۔

یونین کے انفارمیشن سیکرٹری ملک پرویز مہر نے پھولوں کا گلدستہ پیش کرکے ڈی ایس پی شہباز ہنجرا کا استقبال کیا اور انہیں ناروے آمد پر خوش آمدید کہا۔ اس موقع پر انہوں نے اس امید کا اظہار کیا کہ شہباز ہنجرا پاکستان واپس جا کر اوورسیز پاکستانیوں کو پولیس تھانوں میں پیش آنے والے ناروا رویے اور مشکلات کے خاتمے کے لیے اپنا بھرپور کردار ادا کریں گے۔

ڈی ایس پی شہباز ہنجرا نے اس حوالے سے اپنے مکمل تعاون کی یقین دہانی کروائی اور پاکستان یونین ناروے کی ٹیم سمیت ناروے میں مقیم پاکستانی کمیونٹی کی پاکستان کے لیے خدمات کو سراہا اور ان کا اعتراف کیا۔

یاد رہے کہ ڈی ایس پی شہباز ہنجرا گزشتہ سال بھی 14 اگست کے موقع پر پاکستان یونین ناروے کے خصوصی مہمان رہے تھے۔

عشائیے کے اختتام پر پاکستان یونین ناروے کے سینئر ممبر چوہدری اکرم، میڈیا کوآرڈینیٹر عبدالرحمن اور سرفراز گوندل نے ڈی ایس پی شہباز ہنجرا کو پھول پیش کیے۔

تقریب میں پاکستان یونین ناروے کے جنرل سیکرٹری منشاہ خان، صدر طاہر محمود، انفارمیشن سیکرٹری ملک پرویز مہر، محمد اکرم سیکریالی, غفور بٹ، محمد اصغر دھکڑ، عبدالرحمن، سرفراز گوندل، اصغر خان دھکڑ، چوہدری محمد آصف سکریالی، چوہدری شیر محمد چک اور چوہدری محمد اشتیاق برنالی سمیت دیگر اراکین نے شرکت کی۔

04/09/2026

28/08/2026

تعزیتی پیغام

پاکستان یونین ناروے

ناروے کے بادشاہ Kong Harald کے انتقال پر پاکستان یونین ناروے گہرے دکھ اور افسوس کا اظہار کرتی ہے۔

بادشاہ 89 برس کی عمر میں انتقال کرگئے۔ وہ تقریباً 35 برس تک ناروے کے تخت پر فائز رہے اور اپنی سادگی، وقار، عوامی وابستگی اور قومی اتحاد کے لیے ہمیشہ یاد رکھے جائیں گے۔

ان کے طویل دورِ حکومت میں ناروے نے کئی اہم اور مشکل مراحل دیکھے، تاہم بادشاہ Kong Harald نے ہمیشہ قوم کو متحد رکھنے، عوام میں امید پیدا کرنے اور مشکل وقت میں حوصلہ دینے میں اہم کردار ادا کیا۔ بالخصوص 2011 کے المناک واقعات کے بعد ان کا قوم کے نام پیغام آج بھی ناروے کی تاریخ کے یادگار لمحات میں شمار ہوتا ہے۔

پاکستان یونین ناروے بادشاہ Kong Harald کی قومی خدمات، انسان دوستی اور ناروے کے عوام کے لیے ان کی طویل وابستگی کو قدر و احترام کی نگاہ سے دیکھتی ہے۔

پاکستانی کمیونٹی، ناروے کے شاہی خاندان اور ناروے کی تمام عوام سے دلی تعزیت اور ہمدردی کا اظہار کرتے ہیں۔

پاکستان یونین ناروے کی جانب سے انفارمیشن سیکرٹری مہر ملک پرویز نے میموریل میں شرکت کی

Pakistan Union Norge

Kondolanse ved Hans Majestet Kong Harald Vs bortgang

Pakistan Union Norge uttrykker med dyp sorg og vemod sin medfølelse ved Hans Majestet Kong Harald Vs bortgang.

Gjennom nærmere 35 år som Norges konge har Kong Harald V viet sitt liv til tjenesten for sitt land og sitt folk. Han vil bli stående i norsk historie som en konge preget av varme, verdighet, klokskap og et sterkt menneskelig engasjement.

I sin lange regjeringstid har Hans Majestet stått ved det norske folk gjennom både gleder og prøvelser. Med sin rolige og samlende fremtoning har han vært et symbol på kontinuitet, trygghet og nasjonalt fellesskap. Hans evne til å møte mennesker med respekt og omtanke har gjort ham høyt verdsatt langt utover de kongelige institusjoners grenser.

I særdeleshet vil hans ord til det norske folk etter de tragiske hendelsene 22. juli 2011 bli stående som et sterkt uttrykk for medmenneskelighet, håp og samhold. Hans betydning som en samlende skikkelse i det norske samfunnet vil bli dypt savnet.

Pakistan Union Norge vil med stor respekt og takknemlighet minnes Hans Majestet Kong Harald Vs lange og trofaste tjeneste for Kongeriket Norge og det norske folk.

På vegne av det pakistanske samfunnet i Norge sender Pakistan Union Norge sine dypeste kondolanser og sin varmeste medfølelse til Deres Majestet Dronning Sonja, Kongefamilien og hele det norske folk i denne tunge og sorgfulle tiden.

Må Hans Majestet Kong Harald V hvile i fred.

Pakistan Union Norge

18/08/2026

Independence Day Pakistan Celebration's by Pakistan Union Norway

16/08/2026

پاکستان یونین ناروے کے زیرِ اہتمام اوسلو میں 8 اگست کو پاکستان کا جشنِ آزادی انتہائی جوش و خروش اور ملی جذبے کے ساتھ منایا گیا، جس میں پاکستان اور ناروے سے تعلق رکھنے والی اہم شخصیات، معزز مہمانوں اور پاکستانی کمیونٹی نے بھرپور شرکت کی۔

تقریب کے دوران مختلف شعبوں میں نمایاں خدمات انجام دینے والے پاکستانی، نارویجن اور یورپ میں مقیم پاکستانیوں کو ان کی بہترین کارکردگی اور خدمات کے اعتراف میں حسنِ کارکردگی ایوارڈز سے نوازا گیا۔

پاکستان یونین ناروے کے چیئرمین **چوہدری قمر اقبال کی جانب سے منعقد کی جانے والی یہ خوبصورت تقریب نہ صرف پاکستان کی آزادی کے جشن کا اظہار تھی بلکہ پاکستان کے **کلچر، ہیریٹیج، فنون، روایات اور ثقافتی سفارت کاری کے فروغ کی جانب بھی ایک قابلِ تحسین قدم ہے۔

ایسی تقریبات دنیا بھر میں مقیم پاکستانیوں کو اپنی دھرتی، ثقافت اور قومی شناخت سے جوڑنے کے ساتھ ساتھ پاکستان کا مثبت اور خوبصورت تشخص عالمی سطح پر اجاگر کرنے میں اہم کردار ادا کرتی ہیں۔

پاکستان زندہ باد 🇵🇰
پاکستانی ثقافت پائندہ باد!

14/08/2026

Happy Independence Day Pakistan

13/08/2026

13/08/2026

01/08/2026

قابلِ احترام سفیرِ پاکستان برائے ناروے محترمہ سعدیہ الطاف قاضی کے اعزاز میں پاکستان یونین ناروے کی الوداعی تقریب

اوسلو: پاکستان یونین ناروے کی جانب سے سفیرِ پاکستان برائے ناروے، محترمہ سعدیہ الطاف قاضی کے اعزاز میں ایک پروقار الوداعی تقریب کا اہتمام کیا گیا۔

محترمہ سفیر کی آمد پر پاکستان یونین ناروے کے عہدیداران اور اراکین نے پھولوں کا گلدستہ پیش کرکے ان کا پرتپاک استقبال کیا۔ اس موقع پر چیئرمین قمر اقبال نے محترمہ سفیر کی گرانقدر سفارتی خدمات کے اعتراف میں انہیں یادگاری شیلڈ پیش کی۔

پاکستان یونین ناروے کی جانب سے اپنے پیغام میں کہا گیا کہ اوسلو میں پاکستانی سفارت خانے میں آپ کی خدمات ہمیشہ قدر کی نگاہ سے دیکھی جائیں گی۔ ناروے میں اپنے پورے سفارتی دور کے دوران آپ نے پاکستانی کمیونٹی اور ناروے کے حکام کے درمیان تعلقات کو مضبوط بنانے میں نہایت اہم کردار ادا کیا۔ باہمی افہام و تفہیم کے فروغ، کمیونٹی کی سرگرمیوں کی بھرپور حمایت اور خیرسگالی کو فروغ دینے کے لیے آپ کی کوششوں نے دیرپا اور مثبت اثرات مرتب کیے ہیں۔

پیغام میں مزید کہا گیا کہ پاکستانی کمیونٹی کے لیے آپ کی رسائی، پیشہ ورانہ مہارت اور غیرمتزلزل حمایت ہمیشہ یاد رکھی جائے گی۔ ہم ایک بار پھر آپ کی مثالی خدمات پر تہہ دل سے شکریہ ادا کرتے ہیں اور دعاگو ہیں کہ اللہ تعالیٰ آپ کو آنے والے برسوں میں مزید کامیابیاں، اچھی صحت اور خوشیاں عطا فرمائے۔

اس موقع پر ڈاکٹر سید جمیل طلعت نے اپنے خطاب میں کہا کہ آج ہم ایک باوقار شخصیت کو خراجِ تحسین پیش کرنے کے لیے جمع ہوئے ہیں، جنہوں نے اپنے سفارتی دور میں انتہائی وقار، دانشمندی اور اعلیٰ سفارتی صلاحیتوں کا مظاہرہ کرتے ہوئے پاکستان اور ناروے کے درمیان دوطرفہ تعلقات اور باہمی تعاون کو مزید مضبوط بنانے میں نمایاں کردار ادا کیا۔

اپنے خطاب میں سفیرِ پاکستان محترمہ سعدیہ الطاف قاضی نے کہا کہ وہ بخوبی جانتی ہیں کہ پاکستان یونین ناروے، ناروے میں قائم پاکستانیوں کی قدیم ترین تنظیم ہے۔ انہوں نے کہا کہ جہاں تک انہیں یاد ہے، انہوں نے پاکستان یونین ناروے کا کوئی بھی اہم پروگرام کبھی مس نہیں کیا۔ ہر تقریب میں انہیں کچھ نیا دیکھنے کو ملا، جو پاکستانی کمیونٹی اور پاکستان کے مثبت تشخص کو دنیا کے سامنے اجاگر کرتا ہے۔ انہوں نے چیئرمین قمر اقبال کی مسلسل محنت، کمیونٹی کے لیے خدمات اور انتھک کاوشوں کو سراہتے ہوئے انہیں مثالی قرار دیا۔

تقریب میں شریک نمایاں شخصیات میں ملک پرویز، منشاء خان، محمد اصغر، وقاص نثار، میاں بشیر، آصف علی، اصغر خان، طاہر محمود (کھاریاں)، خاور نوید، غفور بٹ، ڈاکٹر سید جمیل طلعت، شاہد جمیل، تنویر بیبلی، ندیم رشید، عمران بشیر خان، ناصر راجہ (دینہ)، غلام سرور (پنجن شاہانہ)، عمران خان (لاہور) اور شاہزیب سلیمی شامل تھے۔