Eid Fjordhestlag

Eid Fjordhestlag Ei offentlig side for alle med interesse for Eid Fjordhestlag.

Mange stilte ut unghest på skuet på Breim i helga, og her er resultata for eidahestane. Alle delkarakterar blei ikkje op...
27/04/2026

Mange stilte ut unghest på skuet på Breim i helga, og her er resultata for eidahestane. Alle delkarakterar blei ikkje opplest, så her er berre heilskapskarakteren gjengitt. Legg gjerne inn full karakterrekke i kommentarfeltet.
Sidan vi manglar nokre bilete oppmodar vi dei som har bilete av hestane sine om å poste dei i kommentarfeltet 😃 Vi gratulerer med fine resultat! 🏆🏅💐

På biletet 1.-kvalitetshoppene til Asle Espe - f.v. Espella og Espe Soleia.

Hopper3 år:
Espella/Asle Espe - 8,15 - sløyfe, ekstrasløyfe, 1. kvalitet
Ailin frå Skårhaug/Erhard Martin - 8,15 - sløyfe, ekstrasløyfe, 2. kvalitet

Hopper 2 år:
Espe Soleia/Asle Espe - 8,3 - sløyfe, ekstrasløyfe, 1. kvalitet
Espe Viola/Myklebust Farm - 8,25 - sløyfe, ekstrasløyfe, 2. kvalitet

Hopper 1 år:
Bø Oluffa/Hans Petter Vereide - 8 - sløyfe, ekstrasløyfe, 2. kvalitet

Vallak 2 år:
Ylvas Imre/Ingrid E. Aasen/Line Forberg - 7,65 - sløyfe

Hingstar 1 år:
Ylvas Ylmo/Line Forberg/Ingrid E. Aasen - 7,45 - sløyfe
Årøy Elmo/Linda Svoren - 7,45 - sløyfe

17/04/2026

På årsmøtet 3. mars vart styre for 2026 valt, og etter konstituering ser styret slik ut:

Anne-Karin Løken - leiar/skrivar
Kari Sefland Bjørlo - nestleiar
Lise Lotte Hansen - kasserar
Bjørn Egil Solibakke - styremedlem
Tone Kristin Smørdal - styremedlem

1. varamedlem - Hege Aardal Alsaker
2. varamedlem - Gunnbjørg Tufte
3. varamedlem - Kari Alsaker

Vi ønskjer å legge til rette for aktivitet i lokalmiljøet, og er lydhøyre for kva medlemmene ønskjer av aktivitet. Om de har noko de har lyst til å vere med på eller ønskjer at vi arrangerer, skriv gjerne på sida vår eller ta kontakt med ein i styret ☺️

12/03/2026

Minner om at påmeldingsfristane nærmar seg😊

I Eid Fjordhestlag er vi så heldige å ha fleire medlemmer med variert, lang og verdifull erfaring med fjordhest og organ...
07/03/2026

I Eid Fjordhestlag er vi så heldige å ha fleire medlemmer med variert, lang og verdifull erfaring med fjordhest og organisasjonsarbeid. Erfaringa dei har tileigna seg, er på mange måtar arven vi andre er så heldige å få med oss. Nokon må ha gjort jobben i går, for at vi skal ha noko å ta vidare i dag.

Derfor er det også viktig å anerkjenne og setje pris på engasjementet og innsatsen som desse har gjort ut frå ei ekte interesse for fjordhesten og god, gammaldags dugnadsånd.

Under årsmøtet den 3. mars vart Ola Alsaker, Knut Rasmus Hjelle og Ivar Os tildelt æresmedlemsskap i Eid Fjordhestlag.

OLA ALSAKER
har halde på med fjordhest som avlar, oppdrettar og utstillar gjennom heile livet. Han har lenge hatt verv i Eid Fjordhestlag og har også vore styremedlem i Eid Hestetrygdelag i ei årrekkje.
Ola har stilt eigenoppdretta hingst på Eid, og har ved drifta av heimgarden sørga for rekruttering og formidla hesteinteresse blant anna til mange av barnebarna.

Ola har vore veldig viktig og inkluderande for alle som ønskjer å lære om bruk av hest i skogen, og har sjølv brukt hest aktivt i skogen i over 60 år. I følgje Ola sjølv har det, med unntak av ein periode på 14 dagar, vore hest på garden heile hans liv.
Ola fekk også Eid kommune sin kulturpris i 2019 blant anna for bruken av hest i skogen.

KNUT RASMUS HJELLE
Knut Rasmus Hjelle har vore oppdrettar og utstillar i store deler av livet. Han har vore aktiv i utstillingsnemnda og har hatt styreverv i Eid Fjordhestlag i svært mange år. Han har også vore mangeårig revisor for Eid fjordhestlag. Knut Rasmus har også bidrege til rekruttering heime i tunet, der interessa har gått i arv i familien.

Av Knut Rasmus sine hestar vil vi trekkje fram elitehoppa Fjellmøy, som har hatt stor betydning som avlshoppe ved å vere mor til fire avlsgodkjende hingstar og sju premierte hopper. Aller største meritt er nok prestasjonane til sonen Fjelltor, som er avlsgodkjend og har stått spiss i heile fire ulike land.
Knut Rasmus er også æresmedlem i Nordfjord Fjordhestlag.

IVAR OS
har stilt hingstar i ei årrekkje og har vore aktiv eigar og utstillar i tillegg til å vere hingstehaldar. Ivar har i mange år vore revisor og styremedlem i Eid Fjordhestlag, og mangeårig formann i Eid Hestetrygdelag. Han har vore aktiv i utstillingsnemnda og har synt fleire betydelege hingstar. Blant dei fyrste var hingsten Mynt 1778, fødd i 1973. Av dei “nyaste” finn vi Felix og Kim Hero, som begge har sett viktige spor i avlen.

Ivar har også, ved å legge om drifta på garden sin til stall med treningsområde, vore viktig for hestemiljøet i Eid, då han på denne måten har gjort det enklare og mogeleg for mange å drive med hest i vårt distrikt. Ivar har alltid vore flink til å kome med råd og vink til yngre hestefolk. Ivar er også æresmedlem i Nordfjord Fjordhestlag.
Arna Synnøve Os

Styret tildeler difor Ola, Knut Rasmus og Ivar æresmedlemsskap i Eid Fjordhestlag for sitt lange virke for og med fjordhesten og for det dei har betydd i organisasjonen og i miljøet lokalt.

Vi takkar og gratulerer!

Takk til Marius Alsaker og Steinar Furnes for utfyllande opplysningar.

Fotofaksimile: Ingebjørg Nilsen/Fjordabladet

02/03/2026

Vi minner om årsmøtet i Eid Fjordhestlag i morgon, tysdag 3. mars kl 20.00 på Norsk Fjordhestsenter. Vanlege årsmøtesaker og nokre orienteringssaker. Det blir mat, kake og kaffi - og ei ekstra markering etter sjølve årsmøtet. Vi håpar mange tek turen ☺️

Kjære medlemmer og alle andre som følgjer sida vår 🌹 Året går mot slutten, og Eid Fjordhestlag kan sjå tilbake på eit in...
22/12/2025

Kjære medlemmer og alle andre som følgjer sida vår 🌹 Året går mot slutten, og Eid Fjordhestlag kan sjå tilbake på eit innhaldsrikt år der vi i ulike samanhengar har markert at laget er 100 år. Medlemmane våre har vist hestar på følsjå og utstillingar, laget feira med jubileumsmiddag under hingsteutstillinga og vi har hatt følsjå og Barnas Fjordhestlag-arrangement. Laget har vore representert på fjordhest-NM og Nordisk. I tillegg har vi hatt fleire ride- og køyrekurs gjennom året, og vi har halde medlemsmøte i samband med revisjon av avslplanen. Ein delegasjon frå laget deltok på Haustmøtet i Trondheim, og vi inviterte til førjulstreff med julebord i november. I starten av desember stilte også medlemmer med hest og vogn på Toregarden sin førjulsmarknad. Styret vil takke dei som har møtt opp og vist interesse og bidrege med dugnad på tilstellingane våre. Dugnadshjelp er avgjerande for at vi får til aktivitet💫 vi gratulerer alle som har delteke på utstillingar og stemne gjennom året. Biletet viser Agate og Knut Rasmus med Hjelles Fjellfryd som fekk andre premie i Ørsta i haust, og vi gledar oss med dei 🎖️🏵️🏆

Som ei fin avslutning på jubileumsåret 2025 kan vi med glede melde at vi har fått kr 10 000,- i sponsorstøtte av Lefdal Mine Datacenter. Lefdal Mine lyser årleg ut ein søknadsrunde der frivillige lag og organisasjonar kan søkje støtte til gode formål. Eid Fjordhestlag ønskjer å arbeide særleg med rekruttering, og søkte om støtte til dette ✅
Midlane vi har fått skal gå til gratis ridekurs for born, med grunngjeving at vi ønskjer at fleire skal få anledning til å halde på med hest uavhengig av føresette sin økonomiske situasjon. Tusen takk til Lefdal Mine Datacenter - vi skal sjå til at midlane blir nytta på beste vis.

Vi vil nytte høvet til å rette ei takk til alle samarbeidspartar, og ønskje alle rundt oss ei god og fredeleg jul og eit riktig godt nytt år 🥂🎄✨💖🔔💫🌠

Eid Fjordhestlag v/styret

HEILE STORFAMILIEN STILTE OPP då vi arrangerte aktivitetsdag med Barnas Fjordhestlag på fjordhestsenteret under jubileum...
09/11/2025

HEILE STORFAMILIEN STILTE OPP

då vi arrangerte aktivitetsdag med Barnas Fjordhestlag på fjordhestsenteret under jubileumshelga vår. Farfar, farmor, pappa, tre born og tanta fekk møte fjordhesten i stallen, og ungane fekk prøve både riding og voltige. I kantina fekk dei kaffi og kakao, mat og frukt.
- Veldig kjekk dag, sa farfar Jon Agnar Vereide, som møtte opp denne søndagen saman med dei tre borneborna Julia, Martin og Adrian. Sjølv om det var mykje som skjedde i bygdene denne helga, valde dei å ta turen til fjordhestsenteret slik at ungane kunne få ha det kjekt med fjordhesten.

I løpet av dagen var rundt 70 born innom, der alle hadde vaksne med seg. Det blei fullt i kantina når alle var lunsj-svoltne på same tid. Men flinke dugnadsfolk i kantina ordna opp med både mat og drikke, som var dekka av Barnas Fjordhestlag gjennom frifond-midlane som laget søkjer om kvart år.

Oppslutninga viser at Barnas Fjordhestlag har livets rett, og tilbakemeldingane fortel oss at dette er noko vi skal halde fram med. Mange møter fjordhesten for aller fyrste gong, og nokre kjem igjen år etter år. Vi oppmodar andre lokallag om å arrangere slike dagar i sitt lokale miljø - det går fint an å ha dette heime på lokal stall også.

Dersom nokon er i startgropa og ønskjer tips til planlegging og gjennomføring, er de alltid velkomne til å ta kontakt - vi deler gjerne våre erfaringar med andre.

06/11/2025

Neste helg er det internasjonal dommarsamling på fjordhestsenteret. Arrangøren ønskjer fleire hestar å vise fram, så om nokon av medlemmene har hest(ar) ein kan tenke seg å delta med, ta kontakt med Asle Espe. Særleg aktuelt med visning laurdag ettermiddag.

28/10/2025

Informasjon frå ride-og køyreklubben:

"Dersom nokon har lyst å kjøre en presisjonsbane på slutten av stevne på lørdag som trening, så må dykk sende Charlotte G, Line eller Pontus ein melding! 🥳 Dette er ein utmerket måte å få trene og forberede både kusk og hest på stevne i tillegg til at det er veldig kjekt! 😁 Det kostar 100 kr pr stykk å delta."

Det er også mulig å melde seg på køyrestevnet, fristen er i kveld. Sjå info på ERKK si side 👍

RESULTAT FRÅ FØLSJÅET 26.10.Takk til alle som deltok på sjået vårt i Eid Fjordhestlag si jubileumshelg! Det vart ei fin ...
28/10/2025

RESULTAT FRÅ FØLSJÅET 26.10.

Takk til alle som deltok på sjået vårt i Eid Fjordhestlag si jubileumshelg! Det vart ei fin samling av føl - både lokale og nokre langvegsfarande. I tillegg til dei som var heimehøyrande i Eid kom to føl frå Jølster, eit frå Gloppen, eit frå Hjørnungavåg og eit heilt frå Lom. Tusen takk for at de valde å reise heile vegen, og velkomne igjen! Vi takkar speaker og dommarar, og gratulerer alle eigarar med fine resultat. Lukke til vidare!🏅🏆💐

Hoppeføl:

🥇1. kval Almas Edel, eigar Dan Ole Alme. 8,5-8,5-7,5-9-8,5 og Dagens føl 🏆
🥈2. kval Lyheims Lilje, eigarar Lucinda B. Reksten/Mathilde Reksten Dale. 8-8-8-7,5-8
🥉3. kval Bjørlos Freia, eigar Kjersti A. Botnevik. 8-8-7,5-7,5-8

Hingsteføl:

🥇 1. kval Ylvas Ylmo, eigarar Line Forberg/Ingrid Elisabeth Aasen. 8-8-8-8-8
🥈 2. kval Levi, eigar Marte Starheimsæter. 7,5-8-8-8-8
🥉 3. kval Lykkes Sjarm, eigar Jeanette Nakken. 7,5-8-7,5-8-8
🏅 Lyheims Fagerbror, eigar Sigrid Meklenborg. 7-7,5-7-8-7,5
🏅 Årøy Elmo, eigar Linda Beate Svoren. 7,5-7,5-8-7,5-7,5
🏅 Stasvikens Njål, eigar Grethe Marstein. 7,5-7,5-7,5-8,5-7,5

25/10/2025

Info om følsjået i morgon:

1345 Nummerering av føl
1400 Alle føla blir leidd nokre rundar på sporet i gruppe
1405 Felles lausmønstring
1415 Individuell visning, oppstilt og skritt
1500 Pause
1545 Rangering og premieutdeling

Velkomen og lukke til! 🏅

Adresse

Nordfjordeidet
6770

Nettsted

Varslinger

Vær den første som vet og la oss sende deg en e-post når Eid Fjordhestlag legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Organisasjonen

Send en melding til Eid Fjordhestlag:

Snarveier

Del

Type