Studieforbundet Funkis Møre og Romsdal

04/07/2026

Klikk på linken, les meir og der kan du melde deg på grunnleggande kurs i StyreWeb.
https://www.funkis.no/aktuelt/more-og-romsdal-dagskurs-i-styre-web

31/05/2026

På første møtet etter årsmøtet bestemte vi oss for å ha styreseminar dei to siste dagane i vårmånaden. Over tid har vi arbeidd med utarbeiding av Strategidokument for Funkis Møre og Romsdal. Arbeidet har vore tidkrevjande, og målet er at styret i junimøte skal setje strek for arbeidet. Viktig er det også å utarbeide årshjul fram til neste årsmøte. Då kan styret legge det inn i kalenderen sin og unngår dobbeltbooking. Inn i årshjulet vert det også lagt oppgåver som skal utførast til visse tider. I strategi- og handlingsplanen gjev fylkesårsmøtet oss arbeidsoppdraget. Såleis la vi plan for bl.a. aktivitetar ut årsmøteperioden der vi også tok med kurs etter innspel frå organisasjonane. Vi tek sikte på å halde fylkesårsmøtet 13. mars 2027.

26/05/2026

Dagane 29. og 30. mai skal fylkesstyret ha styreseminar på Vestnes. Det skal arbeidast med strategi for styret sitt arbeid og leggast plan for gjennomføring av mange temaer i vedteken handlingsplan 2026 - 2028.

30/03/2026

Årsmøtet i Funkis Møre og Romsdal vart halde 28. mars på Scandic Seilet. Leiar Sølvi Hagen konstituerte møtet der 17 delegatar og 9 observatørar møtte.Iver Kåre Mjelve vart valt til møteleiar og Anna Margrethe Drægebø Moe til årsmøtesekretær. Alle sakene gjekk greitt unna med samrøystes vedtak. Siste post på dagsorden er val. Det nye styret og valkomiteen vart valt med akklamasjon. Styret 2026-2027, sjå biletet, fekk slik samansetjing: Frå venstre: Berit Johnsen styremedlem, Oddrun Beyer Holm kasserar, Sølvi Hagen leiar, Odd Arne Grande nestleiar og Anna Margrethe Drægebø Moe studieleiar/sekretær. Annvei Skogen Sørensen 1. varamedlem og Håkon Leikarnes 2. varamedlem var ikkje til stades og er såleis ikkje med på biletet.

29/03/2026

27.- 28. mars hadde vi kurs i Kunstig Intelligens (KI). Ørjan Valstrand frå FOKU fortalde kva KI egentleg er og synte korleis vi kan bruke KI som arbeidsverkty i organisasjonsarbeidet. Vi fekk bl.a. sjå korleis KI kan lage utkast til artikkel og søknad. Når vi ber KI om utkast, er det viktig å vere presise i oppdraget. Men vi må vere kritiske og ikkje stole 100 % på svaret KI gjev, men gå gjennom det og korrigere og gjerne gå inn i kjeldene.
I løpet av kurset hadde vi praktiske øvingar og kursdeltakarane (33) viste stort engasjement. Konklusjonen er at det vil vere eit nyttig arbeidsredskap som vil lette og forenkle arbeidet i organisasjonane. Kurshaldaren minte oss om at det er viktig å øve på KI når vi kjem heim. Elles minner vi om at dersom fire samlar seg og arbeider vidare med KI i til saman minst fire timar i alt kan det registrerast som kurs. Du kan bruke Studieplan 11186 Utvikling av informasjonsteknologi (IT) i organisasjoinen.

21/03/2026

Årsmøtet i FFO Møre og Romsdal vart halde i Molde 21. mars med ni delegatar og ca. 20 observatørar med talerett, men utan forslags- og stemmerett.
Funkis kan møte med observatør, og leiar Sølvi Hagen og studieleiar/sekretær Anna Margrethe Drægebø Moe møtte. 1. nestleiar Roy Farstad frå FFO sentralt helsa årsmøtet og orienterte om viktige saker i organisasjonen. Deretter vart han valt til møteleiar og årsmøtet begynte.
Det var nokre spørsmål og litt debatt om budsjett 2026 og handlingsplan for komande periode som fekk to tillegg. Siste post på agendaen, val, vart unnagjort med akklamasjon til forslaga frå valkomiteen.

16/02/2026

https://www.funkis.no/om-funkis/fylkeslag/more-og-romsdal/artikler/invitasjon-til-kurs-og-arsmote-27-28-mars-2026

Funkis Møre og Romsdal har gleden av å invitere organisasjonene til kurs i Kunstig Intelligens (KI) med påfølgende årsmøte for delegater.

30/01/2026

Kurs i Kunstig intelligens (Ki og Ai). 27. og 28. mars tilbyr vi grunnleggande kurs i Ki fram til årsmøtet 28. mars i Funkis Møre og Romsdal. Det vert på Scandic Alexandra Molde. Set av dagane allreie no! Seinare vert det utsendt program og invitasjon for påmelding til organisasjonane.