20/03/2026
Nordvesten Sogn og Fjordane 2026 - Recap
Allereie ei veke sidan korpsfest i Operahuset Nordfjord, og vi er framleis høgt opp etter ei vanvittig kjekk helg! Gratulerer til alle med flotte musikalske prestasjoner og plasseringar 🤩
Først, tusen takk til Eid Musikklag med Hilde Hoddevik i spissen, som tok rolla som teknisk arrangør på høgste alvor og verkeleg leverte. Alle ledd fungerte smertefritt og alt blei gjort med eit smil om munnen, saman med ansatte på operahuset 💐
Hjarteleg takk fortena også våre dyktige dommarar og musikalsk ansvarlege. Roger Andreas Holme og Haldis Bårdsen har storkosa seg med konsertar og gitt alle gode tilbakemeldingar å jobbe vidare med. Aspirantansvarleg Joakim Vederhus Rønhovde har haldt styr på 67 aspirantar og fekk dei til å skinne på festkonserten. Dirigent for NUBB, Preben Johansen, har verkeleg løfta kvaliteten i det store ensemblet og gav oss ein konsert vi vil hugse! Saman med slagverkslærar Torgrim Halse gjer dei ein formidabel jobb for ungdommen 🎶
Takk også til styret i NMF Nordvest, Musikk-Miljø as, Manger Folkehøgskule og Hans Majestet Kongens Garde for å vere med å lage ei inspirerande og fin ramme rundt arrangementet 📯
Og så til slutt, og viktigast av alle, stor takk til alle dedikerte og flotte musikantar som gjere Nordvesten så spesiell og fantastisk! Det er ei sann glede å møtast til fellesskap, meistring og speleglede - med målretta arbeid, disiplin, samahald og uthaldenheit er resultata vi får høyre på scena til stor inspirasjon 👏
Gler meg til neste år!
Erlend, NMF Nordvest
