Heimstadkjær i Midsund

12/06/2026

I går hadde vi siste samling før ferien. Vi fekk pakka ut mykje fint, fotografert og gjort alt klart til sending over helga.

Vi kjenner oss så takknemlege for alle som på kvar sin måte bidreg til at dette arbeidet er muleg å halde på med. Tusen takk til dere som sender, kjem innom, donerer ting og pengar til frakt og prosjekta våre, hjelper med logistikk, og heiar på oss undervegs.

Og ikkje minst: tusen takk til alle frivillige hjelparar som stiller opp for medmenneske som treng ei hand — akkurat no.

Saman får vi til mykje meir enn vi kunne gjort kvar for oss, og saman får vi hjelpe mange, mange. 💕

06/06/2026

♥️

Midt i slummen i Nairobi finst det ein liten stad med eit stort hjarte: Little Heaven-barnehagen.

I dag har vi 20 barn hos oss. Måndag opnar vi dørene for 10 nye små – barn som treng ein trygg stad å vere medan mødrene deira jobbar, leitar etter arbeid eller prøver å skape ein betre kvardag for familien sin.

For mange av desse barna betyr Little Heaven meir enn berre barnehage. Det betyr mat. Omsorg. Leik. Læring. Trygge vaksne. Eit fang å sitje på. Nokon som ser dei.

Her får barna vere barn.

Vi jobbar no med å få på plass all nødvendig dokumentasjon, helseopplysningar, vaksinasjonsstatus og papirarbeid, slik at dei nye barna kan starte trygt hos oss på måndag. Nokre familiar manglar fødselsattestar og andre viktige dokument, og vi hjelper dei vidare – steg for steg.

Little Heaven er ikkje stort. Men for barna og familiane deira kan det bety alt.

Når ei mor veit at barnet hennar er trygt, får ho moglegheit til å arbeide. Når eit barn får mat, omsorg og læring, får det ein betre start. Når eit lite menneske blir møtt med varme og verdigheit, blir framtida litt lysare.

No gler vi oss stort til å ta imot dei 10 nye barna.

Tenk at ein liten barnehage i Nairobi kan vere eit lite himmelrom midt i ein krevjande kvardag♥️

Vil du være med å sikre desse barna ein god oppvekst? Link til å bli fadder finner du i første kommentarfeltet.
Om du ikkje har mulighet å forplikte deg månedlig så kan du vippse eit eingangsbeløp til Heimstadkjær i Midsund, vipps nr 107482 - så går 100% til Little Heaven Daycare Centers♥️
Å ved å dele innlegget så når vi enda fleire. Takk♥️

https://nsp-aid.com/barnehage-i-slummen/

05/06/2026

I går kveld hadde vi ei god og aktiv samling i Heimstadkjær, den nest siste før ferien.

Det kom inn så mykje fint – strikka klede, leiker, kosedyr, klede, tekstiler, kjøkkenutstyr og andre gode gåver som no får reise vidare dit dei verkeleg trengst. Det er rørande å sjå kor mykje omsorg som ligg i mennesker når vi legg til rette for at ho kan kome til uttrykk.

Tusen takk til alle som donerte og til dere som stiller opp og hjelper til. Saman fekk vi pakka ned 10 kasser som no skal vidare til ulike destinasjonar. Det betyr meir enn ord kan seie.

Små handlingar kan skape stor varme.
Takk for at de er med og gjer ein forskjell ♥️

04/06/2026

Så utruleg fint å få besøk av denne flotte gjengen i dag frå VG II barn og ungdom, Romsdal Videregående♥️ Dei kom med eit nydeleg heimelaga lappeteppe, laga med varme hender og gode tankar, til eit lite og sårbart barn i Ukraina.

Kvart einaste felt i teppet ber med seg omtanke, tid og kjærleik. Det er rørande å sjå unge menneske bruke kreativiteten sin til å gje tryggleik, varme og håp til nokon som treng det ekstra mykje.

Tusen hjarteleg takk for gåva, for engasjementet og for det store hjartet de viser. Slike handlingar minner oss om kor mykje godheit som finst når menneske bryr seg om kvarandre. Dette teppet kjem til å bety meir enn de kanskje anar. 💛💙

Tusen takk til lærer Bente Olea Johnsen♥️

28/05/2026

Ei god samling i kveld med kjekt besøk. Tusen takk til dere som stakk innom med donasjoner. Vi set veldig stor pris på alle som bidreg i hjelpearbeidet vårt på ein eller anna måte. Saman får vi til å hjelpe mange, mange💕

26/05/2026

Då er alle sengene på sjukeheimen bytta ut og dei er no henta av Raitis med team. Tusen takk til Midsund Omsorgssenter og til Olianne for organisering ♥️

12/05/2026

I dag kom alltid like blide og kundevennlige Marius innom og henta 9 kasser – heile 85 kilo – med varer og hjelp som skal vidare til sårbare menneske i Ukraina, Oslo og Moldova.
Tusen takk for hjelp og god service - og for smilet 🤩♥️

12/05/2026

♥️

08/05/2026

Vil du vite mer om barnehagen i Kibera-slummen?
Lik gjerne: https://www.facebook.com/share/1Gcx2HvUJi/?mibextid=wwXIfr

Frivillig org. i Kibera-slummen i Nairobi som tilbyr gratis heldagsplass for sårbare barn, 1 1/2-3 år

08/05/2026

I går hadde vi ei verkeleg kjekk og effektiv samling i Heimstadkjær ❤️

Vi fekk tid til ein god prat rundt bordet, og det var ekstra kjekt å få besøk av gode støttespelarar som kom innom med mykje flott. Tusen takk for alt de bidreg med – både handarbeid, gåver, tid og omtanke betyr mykje.

I løpet av samlinga fekk vi også pakka ferdig heile 11 kasser som no skal sendast vidare til ulike destinasjonar. Kassene er fylte med varme, omsorg og praktisk hjelp – frå små strikka vener og fine klede til andre nyttige ting som kan glede nokon som treng det.

Takk til alle som var med og gjorde samlinga så god, sosial og effektiv. Saman får vi til mykje! 💕