17/08/2025
Opning av Jotunheimen privatistskule ❤
Eg, som dagleg leiar ved frivilligsentralen – men fyrst og fremst mor til ein 1.–klassing – har den store glede å delta ved opninga av Jotunheimen privatistskule i morgon, den 18. august 2025. Dette er eit historisk augeblikk, fødd av eit sterkt engasjement frå bygdefolket.😍
Kampen for å behalde skule i Lom har vore intens. Lokalsamfunnet mobiliserte, og ein samla inn heile 60 millionar kroner for å sikre drift av skulen i minst tre år – eit klart signal på kva skulen betyr for oss . Dette handlar ikkje berre om tal; det handlar om å trø for barna våre kan bu heime, lære nær sine vener, og kjenne tryggleik i kvardagen.
For foreldra – og særleg dem som såg moglegheita for lokalt skuletilbod for våre ungdommar– er dette ei letting utan like. Ingen skal måtte sende barnet sitt på lang reise eller over natta til ein annan stad. Å vite at barnet vårt kan gå på skulen i Lom, med kjære vener og trygge vaksne, betyr alt.
Som dagleg leiar ved frivilligsentralen vil eg nemne at Lom frivilligsentral har bundingen strikkegruppe denne dagen, så dørene våre er sjølvsagt opne. Samstundes veit eg at mange vil vare en del av folkefesten i Utgard i samband med skuleopninga. Då er det heilt greitt å la strikkepinnane liggje for ein dag – det viktigaste er at vi møtest og feirar saman.🧶
Denne skulen er meir enn murar og undervisning – ho er eit symbol på kva som skjer når eit lokalsamfunn står saman. At eg, som mor, kan sjå framtida tryggare for barnet sitt, og at ein samstundes får skule, vener og heim i same nærmiljø – det vert eit hjarteleg teikn på at samfunnet lever og blomstrar.💐
Eg ser fram til morgondagen med stoltheit og lettelse, forventing og glede – og eg gler meg til å dele denne store dagen med alle dere. 💖
