Trønderlaget - fylkesmållag av Noregs Mållag

03/06/2026

LOs litteraturpris til Carl Frode Tiller

Prisen på 100 000 kroner vart delt ut under Litteraturfestivalen på Lillehammer. Den er meint å fremme norsk arbeidarlitteratur.

Ved siden av Tiller var også Elida Karo og Guri Idsø Viken nominerte til prisen.

Juryens grunngjeving.

I «Arbeidarhjerte» 1 og 2 skildrar Carl Frode Tiller arbeidarliv, klasse og tilhøyrsle med stor innsikt og litterær kraft. Gjennom nært portretterte menneske gir han stemme til erfaringar som ofte er underrepresenterte i samtidslitteraturen. Verka kombinerer sosialt engasjement med psykologisk djupn, og framstår som både rørande og tankevekkande. Samstundes løftar Tiller fram korleis strukturar i samfunnet formar enkeltmenneske sine livsvilkår, utan å miste blikket for det personlege og nære. Forteljingane opnar for gjenkjenning og refleksjon, og bidreg til å styrkje forståinga av arbeidarklassa sine erfaringar i vår tid. På bakgrunn av dette går LOs litteraturpris for 2026 til Carl Frode Tiller.

Foto: Aschehoug.

12/05/2026

Ingen nynorskdag på Orkland vidaregåande skole utan Nordmannen🇳🇴

12/05/2026

Til lukke med nynorskdagen! 😍

09/05/2026

Nord universitet i samarbeid med fleire inviterer til forskingskonferansen "Olav Duun. Dialogar" på Levanger 23.-24. september i samband med 150-årsjubileet for Olav Duun. Trønderlaget har gitt støtte til konferansen og oppmodar interesserte til å melde seg på! Sjå https://www.nord.no/arrangementer/konferanseseminar/konferanse-olav-duun-dialogar.

Oppdag en verden av muligheter ved Nord universitet. Vi har et stort utvalg studieprogrammer som passer for ulike interesser og karrieremål, og tilbyr også fleksible studiemuligheter.

07/05/2026

Sjå til Steinkjer! :-)

Vi markerer nynorskveka på Steinkjer bibliotek!✏️
Om du også vil bli med, kan du lese ei nynorsk bok, skrive noko på nynorsk, synge Nordmannen («Mellom bakkar og berg») eller andre nynorske songar, eller like og dele nynorsk i sosiale medium (hint hint!).

Veit du ikkje kor du skal starte? Kom innom og lån ei bok eller få ei anbefaling hos oss 📖❤️

02/05/2026

Olsøygutane

Vil du lese Olav Duun, men ikkje veit kor du skal starte? Romanen Olsøygutane frå 1927 er ein god start!

Det er berre Olav Duun som kan skildre våren slik:
"Slik gjekk vinteren, slik gjekk vintrane, og kvart åre hendte det dei kom heim ein laurdag og da var våren der. Blanke våren låg kring strendene og venta på dem. Og slik hadde han ikkje vore der før. Aldri hadde sola gjort berge så vakkert grått og aldri mosen så levande brun, sjøen hadde ikkje vore så blid frammed lande eller så botnlaust klår, og ikkje hadde dei set han så langt ut imot himmelen. Det hadde ikkje vore våren nokon gong før."

❤️

01/05/2026

Og i denne vår er alt arbeid leik

Bloddråpe-trall på 1. mai.

Til lukke med dagen! Vi feirar dagen med eit dikt av vår eigen store arbeidardiktar, Kristofer Uppdal frå Beitstad. Denne trallen lever sitt eige liv, og ting skjer. Akkurat som livet sjølv!

Bloddråpe-trall

Det er vår
ein gong i eit år
ein einaste stutt, men festleg vår.

Sidan blir det sumar
og ein større rikdom
i den breie mognad,
men med grå latskap over fargar, og med ein tørbrend hite
etter vårens våtvarme ølar.

Ein vår driv
berre ein gong over eit mannaliv,
- ein gong våren over mannalivet driv.

Og i denne vår er alt arbeid leik,
- er augo som opnar seg og stirer,
og som blir fulle av sol,
- er skjelvande varm hud,
med opne borur dei syg til seg
av ljosbylgja frå sola
til ljoset renn inn i blodet
- og tider det
og lagar ein bloddrope-trall,
han spelar gjenom alle rørslur,
frå hjarta til den solbrende lugg,
til fingrar som kjæler,
til fot-blad som trampar takten.

Denne bloddrope-trall,
han taktar seg gjenom alt,
- rytmar seg gjenom gras
der levande leikar,
i mold som skruvar seg ut,
æsande av liv!

Bloddrope-trallen dansar
gjenom alle hjartedulpar,
gjenom alle andedrag
og der sol og regn når,
der eld og vatn møtest,
- i lauvknuppar, dei brest
med ørsmå smellar,
liksom kyssar mot vårlufta.

Ja som kyssar mot vårlufta
går bloddrope-trallen,
frå ungt blod, frå alt blod.
For når det er vår
og sol rår
blir alt blod ungt og stilla i bloddrope-trall.

ー Eg har kjend denne bloddrope-trall
i min vår
som eg aldri attende får.

Soleis har eg kjend han,
bloddrope-trallen:
- Augo som opnar seg,
fyller seg med ljos,
tider seg.
- Varm hud med opne borur,
dei syg i seg sol,
tider seg.
- Dans i alle rørslur,
frå hjarta, til solbrend lugg.
- Kjøt: senar og segar i rytme,
frå bleikraude fingertuppar, til oklane, dei rundar seg
ned mot helen.
- Taktar og rytmar.
Dans. Trall.

- Nakne ungar, dei laugar seg i elvar,
i elvane i ditt kjøt. - Skrattande kåte kvin frå eit dansegolv, frå eit låvegolv
i di sjel, ei natt i cin vår,
din vàr.
- Føter som bårar i taktar!
- Bogedrag over felestrenger.

ー Soleis er bloddrope-trallen or den einaste vår,
som står hjå deg ei stund,
ikkje lenger enn ein smil,
- ein bloddropetrallande smil.

28/04/2026

Trønderlaget på landsmøte

Noregs Mållag inviterte til det 104. landsmøte helga 24. til 26. april. Det var ein flott gjeng frå Trønderlaget som sette sitt preg, både frå talarstolen og sosialt, på landsmøtet som fann stad på Gardermoen. Trønderane var aktive i ordskifte om både fråsegn og arbeidsprogrammet.

Hovudsaka i landsmøtet var nok arbeidsprogrammet til Noregs Mållag, som stakar ut hovudretningane til organisasjonen dei neste fire åra. Her vart det eit godt ordskifte, med mange innspel og endringsforslag frå dei omlag 170 delegatane i salen. Spesielt innanfor opplæringsfeltet er det viktig å ha eit ambisiøst arbeidsprogram framover.

Gjeve prisutdelingar, engasjerande gjestetalarar, triveleg sosial omgang og mykje god underhaldning er stikkord for helga. Med Martin Kolberg som sterk motivator, arbeider Noregs Mållag for at jamstillingsvedtaket frå 1885 må inn i Grunnlova.

Vi vil gje ein ekstra stor gratulasjon til naboane våre på Nordmøre. Nils Ulvund frå Sunndal var ein av to som vart utnemnt til æresmedlem av Noregs Mållag. Æresmedlemskapen vert gjeve for særleg langt og godt arbeid i og for målrørsla. Utnemninga er for livstid.

Vi merkar oss også at detektiven Harry Hole syng nynorske kjærleikssongar på fritida.

Du kan lese meir om gode vedtak og rapportar frå landsmøtet på facebooksida og nettstaden til Noregs Mållag.

24/04/2026

Følg det 104. landsmøte i Noregs Mållag på YouTube:

1 like. "Landsmøte i Noregs Mållag 2026, dag 1"

15/02/2026

Årsmøte i Trønderlaget 14. mars

Trønderlaget arrangerer årsmøte i Trondheim 14. mars.

Oppstart klokka 11.30.

Adresse for dagen er Mangfoldshuset, Kongens gate 34, Trondheim.

Valnemnda er i gang med arbeidet. Om du har innspel, kan du ta kontakt med nemndsleiar Olav Kuvås på tlf. 908 83 928.

Innkalling og sakliste blir sendt på e-post til medlemmane i Trønderlaget.

Biletet er frå årsmøtet i Børsa i fjor.